Jeremias 19:4 - Ti Biblia (1973)

⁴ Agsipud ta binaybay-andac, ken insabalida daytoy a disso, ken nangpuurda iti incienso kencuana cadagiti sabali a diosen a dida naammoan, isuda ken dagiti ammada ken dagiti ar-ari ti Juda, ket pinunnoda daytoy a disso iti dara dagiti awan basolda,

Ti Baro a Naimbag a Damag Biblia

⁴ Aramidek ti kasta, ta tinallikudandak dagiti tattao. Tinulawanda daytoy a lugar babaen iti panagidatagda kadagiti daton kadagiti sabali a dios—dagiti dios a dida ammo wenno ammo dagidi kapuonanda wenno dagiti ari ti Juda. Pinagayusda daytoy a lugar iti dara dagiti tattao nga awan basolna.

Jeremias 19:4 Iomraidhean Croise

Jeremias 2:34

Castamet cadagita cawesmo masaracan ti dara dagiti nasingpet a napanglaw a cararua: Saanmo ida a nasucalan a mangaramid iti sercan; no di ket gapu amin cadagitoy basbasolmo.

Isaias 65:11

Ngem dacayo a nangidian ken ni Jehova, a nanglipat iti nasantoan a bantayco, a nangsagana iti maysa a lamesaan a maipaay ken Gasat, ken mangpunno iti nagampor nga arac ken Signo;

2 Ar-ari 21:16

Casta met a ni Manases imbucbocna ti dara nga awan basbasolna iti casta unay, agingga iti di napno ti Jerusalem iti igid ken igid; sabali laeng ti basolna a pinamagbasolna iti Juda, iti panangaramidna iti daydi a dakes iti imatang ni Jehova.

Deuteronomio 28:20

Ni Jehova ibaonnanto kenca ti lunod, ti pannacariribuc, ken babalaw, iti amin a pangaramatam iti imam nga aramiden, inggana iti madadaelca, ken inggana iti mapucawca daras; maipuon iti cadakes dagiti aramidmo a nagtagubayaam caniac.

Jeremias 7:9

Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Jeremias 17:13

O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.

Jeremias 11:13

Ta cas mayalubog iti dagup dagiti il-ilim adda dagiti didiosmo, O Juda; ken cas mainugot iti dagup dagiti lanlansangan ti Jerusalem, impatacderyo dagiti al-altar iti nacababain a banag, dagiti met laeng alaltar a pagpuuran iti incienso a maipaay ken Baal.

Jeremias 2:19

Ta kinadakesmo met laeng bagbagaandacanto, ket dagiti panaglicudmo tubngarennacanto: ammoem ngarud ket kitaem nga isu dakes a banag ken napait ta naglicudca ken Jehova a Diosmo, ken awan kenca ti panagraem caniac, cuna ti Apo, ni Jehova dagiti buybuyot.

Jeremias 2:17

Saanmo aya a nagunodan daytoy kenca met laeng, idi naglicudam ni Jehova a Diosmo, idi iturturongnaca iti dalan?

Jeremias 2:13

Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Isaias 59:7

Dagiti sacada agtarayda iti dakes, ket agpardasda a mangibucboc iti dara nga awan ti basolna: dagiti panunotda isuda dagiti panunot ti kinadangkes; pannacarba ken pannacadadael dagiti adda cadagiti daldalanda.

2 Ar-ari 24:4

Ken casta met a gapu iti dara nga awanan basol nga imbuyatna; ta pinunnona ti Jerusalem iti dara nga awanan basol: ket saan a pinacawan ni Jehova.

Paltiing 16:6

Gapu ta imbuyatda ti dara dagiti sasanto ken dagiti mammadto, ket sica impainummo met cadacuada ti dara: caicarianda.

San Lucas 11:50

Tapno maisingirto itoy a caputotan ti naiparucpoc a dara dagiti amin a mammadto nanipud idi pannacabangon ti lubong;

Dungdung-aw 4:13

Maipuon cadagiti basbasol dagiti mammadtona, ken cadagiti kinadakes dagiti papadina, a nangiparucpuc ti dara ti nalinteg iti nagtengngaanna.

Jeremias 26:23

Ket innalada ni Urias manipud Egipto ken inyegda ken Joakim nga ari, isu a nangpapatay kencuana iti campilan, ket impurruacna ti bangcayna cadagiti tanem dagiti nanumo a tattao.

Jeremias 26:15

Ammoenyo laeng nga awan duadua, a no patayendac, iyegyonto ti awan tulawna a dara cadacayo met laeng, ken iti daytoy nga ili, ken cadagiti agnaed kencuana; ta iti kinapudnona ni Jehova imbaonac cadacayo tapno isaoc dagitoy amin a sasao cadagiti lapayagyo.

Jeremias 22:17

Ngem dagiti matam ken ta pusom maipaayda laeng iti kinaagummo, ken ti panangibuyat iti awan basolna a dara, ken panangirurumen, ken panangranggas tapno aramidem.

Jeremias 18:15

Ta ti ilic linipatannac, nagpuurda ti incienso cadagiti saan a pudno a dios; ket pinaitibcolda cadagiti dalanda, cadagiti daan a dandana, tapno magnada cadagiti dandana, iti maysa a dalan a saan a nagaburan;

Jeremias 16:11

Cunamto ngarud cadacuada, Agsipud ta dagiti ammayo naglicudandac, cuna ni Jehova, ket simmurotda cadagiti sabali a diosen, ket nagservida cadacuada ken nagrucbabda cadacuada, ket naglicudandac, ket dida inannurot ti lintegco;

Jeremias 15:6

Sica binaybay-annac, cuna ni Jehova, nagsunodca: gapuna nga inyunnatco ti imac a maibusor kenca, ket dinadaelca; nabannogac nga agigawgawid.

Jeremias 5:6

Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Deuteronomio 28:64

Ket ni Jehova iwarasnacanto cadagiti amin nga il-ili manipud maysa a pungto ti daga agingga iti sabali a pungto ti daga; ket idiay ti pagserviamto cadagiti sabali a didios a dica am-ammo idi, sica wenno dagiti ammam, didios a cayo ken bato.

Deuteronomio 28:36

Ni Jehova yegnacanto, ken ti arim nga icabilmonto a mangituray kenca, iti maysa a nacion a dica am-ammo idi, sica wenno dagiti ammam; ket idiay agservicanto cadagiti sabsabali a didios, a cayo ken bato.

Deuteronomio 13:13

Dadduma a tattao a salawasaw pimmanawda iti tengngam, ket ginuyugoyda dagiti agnaed iti ilida, a cunada, Intayon, ket agservitayo iti sabsabali a didios a dicayo naammoan;

Deuteronomio 13:6

No ti cabsatmo a lalaki, nga anac ni inam, wenno ti anacmo a lalaki, wenno ti anacmo a babai, wenno ti asawa a babai ti barucongmo, wenno ti gayyemmo nga isu ti cas iti cararuam met laeng, aliugennaca iti nalimed, a cunana, Intan ket agservita iti sabsabali a didios a dica naammoan, sica wenno dagiti ammam:

2 Ar-ari 23:10

Casta met a rinabngisna ti Tofet, nga adda iti lobong dagiti annac ni Ennom; tapno awan ti tao a mangpalasat iti anacna a lalaki ken babai iti apuy ken ni Moloc.

Jeremias 1:16

Ket ibatadconto ti panangocomco cadacuada maipapan iti amin a kinadakesda agsipud ta naglicudandac, ken nagpuurda iti incienso cadagiti didios a sabali, ken nagcararagda cadagiti ar-aramid dagiti imada met laeng.

Jeremias 7:6

No saanyo nga irurumen ti gangannaet, ti ulila, ken ti balo, ken dicayo mangiparucpuc ti awan basolna a dara iti daytoy a disso, ket dicayo met sumurot cadagiti sabali a diosen nga agpaay a pacaranggasanyo met laeng;

Jeremias 17:20

Ket cunam cadacuada, Denggenyo ti sao ni Jehova, dacayo ar-ari ti Juda, ken ti amin a Juda, ken amin ti agnaed iti Jerusalem, a sumrec cadagitoy a ruruangan:

Jeremias 22:3

Castoy ti cuna ni Jehova: Agaramidcayo ti kinajusticia ken kinalinteg, ket ispalenyo ti natacawan iti ima ti mangidadanes: ket dicayo agaramid iti dakes, dicayo agaramid iti ranggas, iti gangannaet, iti ulila wenno iti balo a babai; ket dicayo met mangibuyat iti awan basolna a dara ditoy a disso.

Jeremias 44:3

A gapu iti kinadakesda nga inaramidda a ginargaridac nga agpungtot, iti inda panagpuur iti incienso, ken agservi cadagiti sabali a diosen a saanda a naammoan, isuda, wenno dacayo, wenno dagiti ammayo.

Ezekiel 7:22

Ti rupac itallicudconto met cadacuada, ket tulawandanto ti nalmeng a dissoc; ket dagiti mannanacaw sumrecdanto kencuana, ket isu tabbaawandanto.

Ezekiel 20:26

Ket tinulawac ida babaen cadagiti bucodda a sagsagut, iti panangipalabasda iti apuy amin dagiti manglucat ti aanacan, tapno aramidec ida a walangwalang, nga agnanayon, tapno maammoanda coma a siac ni Jehova.

Daniel 11:31

Ket dagiti buybuyot agtacderdanto a tumipon kencuana, ket bassawangandanto ti nasantoan a balay, uray pay ti sarikedked, ket iruardanto ti di agsarday a daton a mapuuran, ket isaaddanto ti nacarurrorod a mangwalangwalang.

Uk-ukom 5:8

Isuda nangpilida cadagiti didios a babbaro; idin ti gubat adda idi cadagiti ruruangan: nakita idi ti maysa a calasag wenno gayang iti nagtengngaan dagiti uppat a pulo a ribu iti Israel?

Dagiti Salmo 106:38

Ken imbuyatda ti dara a nadalus, uray pay ti dara dagiti annacda a lallaki ken babbai, isuda nga indatonda cadagiti didiosen ti Canaan; ket ti daga namulitan iti dara.

Ezekiel 8:11

Ket nagtacder iti sangoda dagiti pito pulo a lallaki cadagiti lallacay iti balay ti Israel; ket iti nagtengngaanda nagtacder ni Jaazanias nga anac a lalaki ni Safan, tunggal tao adda paginciensoanna iti imana; ket ti banglo ti ulep ti incienso ngimmato.