Jeremias 19:3 - Ti Biblia (1973)

³ Ket cunam, Denggenyo ti sao ni Jehova, O ar-ari ti Juda, ken agnaed ti Jerusalem: Castoy ti cuna ni Jehova dagiti buybuyot, a Dios ti Israel, Adtoy, iyegconto ti dakes ditoy a disso, isu a siasinoman a macangngeg, dagiti lapayagna agpipikeldanto.

Ti Baro a Naimbag a Damag Biblia

³ Pinaibaga kaniak ti Apo, “Denggenyo ti sao ti Apo a Mannakabalin-amin a Dios ti Israel, ‘Dakayo nga ari ti Juda ken dakayo nga agnaed iti Jerusalem, didigraekto daytoy a lugar ket mailabegto ti amin a makangngeg iti daytoy a damag.

Jeremias 19:3 Iomraidhean Croise

Dagiti Salmo 102:15

Iti casta dagiti nasnacion pagbutngandanto ti nagan ni Jehova, ket amin dagiti ar-ari ditoy daga pagbutngandanto dayta dayagmo:

Dagiti Salmo 110:5

Ti Apo dita macanawanmo danarennanto dagiti ar-ari iti aldaw ti pungtotna.

Dagiti Salmo 2:10

Ita ngarud agmasiribcayo, O dacayo ar-ari: masursuroancayo, dacayo oc-ocom ditoy daga.

Isaias 28:19

Cas iti masansan nga ilalasatna, alaennacayto; ta biniganbigat a lumasatto, iti aldaw ken iti rabii: ket awanto sabali no di laeng ti kigtot a macaawat iti paibaga.

Jeremias 13:18

Sica cunaem iti ari ken iti reina nga ina, Agpacumbabacayo, agtugawcayo; ta dagiti bonete ti oloyo bimmabada, wen, ti balangat ti dayagyo.

Jeremias 17:20

Ket cunam cadacuada, Denggenyo ti sao ni Jehova, dacayo ar-ari ti Juda, ken ti amin a Juda, ken amin ti agnaed iti Jerusalem, a sumrec cadagitoy a ruruangan:

Jeremias 18:11

Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.

Jeremias 19:15

Castoy ti cuna ni Jehova dagiti buybuyot, a Dios ti Israel, Adtoy, iyegconto ditoy nga ili ken iti amin nga il-ilina ti amin a dakes a binalicasco a maibusor kencuana; agsipud ta pinatangkenda ti teltelda, tapno saanda a mangngeg dagiti sasaoc.

Jeremias 25:29

Ta adtoy, irugic ti agaramid ti dakes iti ili a managan iti naganco; ket dacayo pulos a saancayo coma aya a madusa? Saancayto a di madusa; ta mangayabacto ti campilan cadagiti amin nga agnaed ti daga, cuna ni Jehova dagiti buybuyot.

Jeremias 35:17

Gapuna a castoy ti cuna ni Jehova, a Dios dagiti buybuyot, a Dios ti Israel: Adtoy, iyegconto iti Juda ken cadagiti amin nga agnaed sadi Jerusalem amin a kinadakes nga imbalicasco a maibusor cadacuada; agsipud ta nagsaoac cadacuada, ngem saanda a nangngeg; ket inayabac ida, ngem dida simmungbat.

Jeremias 44:3

A gapu iti kinadakesda nga inaramidda a ginargaridac nga agpungtot, iti inda panagpuur iti incienso, ken agservi cadagiti sabali a diosen a saanda a naammoan, isuda, wenno dacayo, wenno dagiti ammayo.

Jeremias 6:19

Denggem, O daga; adtoy, iyeg-conto ti dakes ditoy nga umili, ti met laeng bunga dagiti pampanunotda agsipud ta saanda nga impangag dagiti sasaoc; ket no maipapan iti lintegco, naglictadanda.

Ezekiel 7:5

Castoy ti cuna ni Apo Jehova: Ti dakes, dakes laeng; adtoy, umay.

San Mateo 10:18

Ket maisaclangcayto pay cadagiti agturay ken ar-ari a maipoon caniac, ket agbalinto a pangpanecnec cadacuada ken cadagiti Gentil.

Paltiing 2:29

Ti adda pagdengngegna, denggenna coma ti cuna ti Espiritu cadagiti Iglesia.

1 Samuel 3:11

Ket ni Jehova kinunana ken Samuel, Adtoy, siac mangaramidacto iti maysa a banag iti Israel, nga dagiti dua a lapayag ti uray siasinoman a macangeg agbibinegdanto.