Jeremias 19:1 - Ti Biblia (1973)

¹ Castoy ti cuna ni Jehova, Inca ket gumatangca iti gorgorita ti agdamdamili, ket mangalaca cadagiti panglacayen ti umili, ken cadagiti panglacayen dagiti papadi.

Ti Baro a Naimbag a Damag Biblia

¹ Imbaga ti Apo a gumatangak iti karamba. Imbilinna a mangikuyogak iti sumagmamano a panglakayen ken sumagmamano a lallakay a papadi.

Jeremias 19:1 Iomraidhean Croise

2 Ar-ari 19:2

Ket imbaonna ken ni Isaias a mammadto nga anac ni Amos da Eliacim nga mayordomo idi, ken ni Sebna nga escriba ken dagiti lallacay dagiti papadi, a siaabbongda iti nakersang a lupot.

Isaias 30:14

Ket isu maburacto a cas pannacaburac ti maysa a caramba ti agdamdamili, nga isu ti burakenna nga awan ti mailiclic; iti casta nga awan ti masaracanto cadagiti narumec a maysa a tipping isu a pangala iti apuy iti dalican, wenno pangtaco iti danum iti tangke.

Jeremias 13:1

Castoy ti kinuna ni Jehova caniac, Inca, ket gumatangca iti maysa a barikes a lienzo, ket ibarikesmo cadagiti lomom, ket isu dica isawsaw iti danum.

Jeremias 26:17

Idin timmacder dagiti dadduma cadagiti panglacayen ti daga, ket nagsaoda iti amin a gimong ti umili, a kinunada,

Jeremias 32:14

Castoy ti cuna ni Jehova dagiti buybuyot, a Dios ti Israel: Alaem dagitoy a documento, daytoy documento ti pananggatang isu a natimbrean, ken daytoy documento a naluctan, ket icabilmo ida iti uneg ti maysa a damili; tapno mataginayonda cadagiti adu nga aldaw.

Dungdung-aw 4:2

Dagiti napateg nga annac ti Sion, maipadpad iti nasudi a balitoc, anian ti pannacaipategda cas cadagiti gorgorita a damili, ti aramid dagiti im-ima ti agdamdamili!

Ezekiel 4:1

Sica met, anac ti tao, alaem ti maysa a baldosa, ket icabilmo iti sangom, ket iburicmo kencuana ti maysa nga ili, ti Jerusalem met laeng:

Ezekiel 5:1

Ket sica, anac ti tao, mangalaca iti maysa a campilan a natadem; cas la pangiskis, ti mammukis alaemto, ket kiskisam ti olom ken ti timidmo: calpasanna mangalaca iti pagtimbengan tapno timbengem, ken bingayem ti buoc.

Ezekiel 9:6

Papatayenyo nga ikisap dagiti lallacay, babbaro ken babbalasang, ububbing ken babbai; ngem dicayto asitgan ti siasinoman a tao nga adda tandana: ket mangrugicayo idiay santuarioc. Idin rinugianda cadagiti lallacay nga adda iti sango ti balay.

Numero 11:16

Ket ni Jehova kinunana ken Moises, Ummongem iti yanco ti pitopulo a lallaki cadagiti lallacay ti Israel, nga ammom nga isuda ti calalacayan ti ili ken agturay cadacuada; ket yegmo ida iti tolda ti gimong tapno makipagyanda kenca idiay.

San Mateo 26:3

Idin dagiti panguloen dagiti sacerdote, ken dagiti panglacayen dagiti umili naggigimongda iti palacio ti cangatoan a padi, a managan Caifas;

San Mateo 27:1

Ket idi bumigaten, isu-amin dagiti turayen dagiti papadi ken panglacayen dagiti umili, nagnunumoda iti maibusor ken Jesus, tapno papatayda.

Dagiti Aramid 21:11

Ket idi nga immay cadacami, innalana ti barikes ni Pablo ket idi a pinarautanna dagidi sacsaca ken imimana met laeng, kinunana: Ti Espiritu Santo cunana daytoy: Castoyto ti panangparaut dagiti Judio idiay Jerusalem iti lalaki a makinbarikes itoy ket isunto ti iyawatda cadagiti imima dagiti Gentil.

2 Taga-Corinto 4:7

Ngem addaancami iti daytoy a gameng cadagiti damili a vaso, tapno ti naindaclan a pannacabalin, biang coma ti Dios, a saan a cadacami;