Jeremias 17:3 - Ti Biblia (1973)

³ O bantayco iti away, itedconto ti sanicuam ken amin dagiti gamengmo a maysa a samsam, ken dagiti nangato a dissom gapu iti basol cadagiti amin a beddengmo.

Ti Baro a Naimbag a Damag Biblia

³ ken iti tapaw dagiti bambantay nga adda iti tay-ak. Pasamsamkonto kadagiti kabusoryo dagiti sanikua ken gamengyo gapu kadagiti amin a basolyo iti entero a daga.

Jeremias 17:3 Iomraidhean Croise

2 Ar-ari 24:13

Ket impanawna sadiay amin dagiti gamgameng ti balay ni Jehova, ken dagiti gamgameng ti balay ti ari, ket binurburacna dagiti isu-amin nga alicamen a balitoc, nga inaramid idi ni Salomon nga ari ti Israel iti templo ni Jehova, cas kinuna idi ni Jehova.

Dagiti Salmo 78:58

Ta ginargarida a nacapungtot gapu cadagiti nangato a dissoda, ket ginutugotda nga agimon gapu cadagiti nakitikitan a ladawanda.

Isaias 27:9

Ngarud gapu itoy mapacawanto ti kinadangkes ni Jacob, ken daytoy amin ti pagbanagan ti panangiccat iti basolna: tapno aramidenna amin dagiti batbato ti altar a cas luc-ga a narumrumec, tapno dagiti Asherim ken dagiti ladawan ti init didanto tumacderen.

Jeremias 12:12

Dagiti managdadael immayda iti rabaw dagiti amin a nalucasan a panpantoc iti let-ang; ta ti campilan ni Jehova aglamut manipud iti maysa pungto ti daga agingga met laeng iti sabali a pungto ti daga: awan ti lasag nga addaan talna.

Jeremias 15:13

Ti sanicuam ken dagiti gamengmo itedconto a samsam nga awan bayadna, ket dayta gapu cadagiti amin a basolmo cadagiti met laeng amin a beddengmo.

Jeremias 20:5

Castamet itedconto amin a kinabacnang daytoy nga ili, ken amin a patubona ken amin dagiti napateg a banbanag, wen, amin a gamgameng dagiti ar-ari ti Juda yawatconto iti ima dagiti cabusorda; ket pagbalinendanto ida a samsam, ken alaenda ida, ket ipanda ida idiay Babilonia.

Jeremias 21:13

Adtoy, bumusorac kenca, O agnaed iti lobong, ken iti bato ti tanap, cuna ni Jehova; dacayo nga agcuna, Siasino ti sumalogto a bumusor cadatayo? wenno asino ti sumrecto cadagiti pagtaengantayo?

Jeremias 26:18

NI Mikeas a Morastita nagipadto cadagiti aldaw ni Ezekias nga ari ti Juda; ket isu nagsao iti amin nga umili ti Juda, a kinunana, Castoy ti cuna ni Jehova dagiti buybuyot; Ti Zion maaradonto a cas maysa a talon, ket ti Jerusalem agbalinto a bonbontoon, ket ti bantay ti balay cas cadagiti nangato a disso ti cabakiran.

Dungdung-aw 1:10

Ti cabusor inunnatna ti imana cadagiti amin a macaay-ayo a cucuana: ta nakitana a dagiti nasnacion simrecda iti santuariona, maipanggep cadagidiay nangibilinam a saanda coma a sumrec iti gimongmo.

Ezekiel 16:39

Ket yawatcanto met iti imada, ket duprakendanto ti naarcoan a dissom ket racrakendanto dagiti nangato a disdissom; ket labusendanto ti pagan-anaymo, ket alaendanto dagiti napintas nga alajasmo; ket panawandacanto a lamolamo ken awan abbongmo.

Ezekiel 23:46

Ta castoy ti cuna ni Apo Jehova: mangisang-atacto iti maysa a buyot a maibusor cadacuada, ket yawatconto ida iti pannacariribuc ken pannacaagaw.

Ezekiel 6:3

Ket cunam, Dacayo a banbantay ti Israel, denggenyo ti sao ni Apo Jehova: Castoy ti cuna ni Apo Jehova cadagiti banbantay ken turturod, cadagiti wawaig ken loblobong: Adtoy, siac, siac met laeng, payegconto cadacayo ti campilan, ket racrakecto dagiti nangato a dissoyo.

Levitico 26:30

Ket rebbaecto dagiti nangato a disso a pagdaydayawanyo ket duprakekto dagiti didiosenyo a ladladawan ti init, ket ipandagconto dagiti bangcayyo a natay iti ravaw dagiti bagbagi dagiti didiosenyo; ket ti cararuac carimonnacayto.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.

Sofonias 1:13

Ket ti sanicuada agbalinto a sinamsam, ket dagiti balbalayda agwalangwalang: wen, mangibangondanto cadagiti balbalay, ngem didanto agnaed cadacuada; ket mangmuladanto ti cauvasan, ngem didanto uminum iti aracna.