Jeremias 16:4 - Ti Biblia (1973)

⁴ Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Ti Baro a Naimbag a Damag Biblia

⁴ Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 16:4 Iomraidhean Croise

2 Ar-ari 9:10

Ket dagiti as-aso lamutendanto ni Jezabel idiay paset ti Jezreel, ket awanto ti mangitabon kencuana. Ket linuctanna di ruangan, ket pimmanaw.

Dagiti Salmo 78:64

Dagiti papadida naidalitda iti campilan; ket dagiti balbaloda dida nacapagunoy.

Dagiti Salmo 83:10

Isuda a natay idiay Endor, dagidi nagbalin a cas rugit a maipaay itoy daga.

Isaias 18:6

Mabaybay-andanto a naornong a maipaay cadagiti narawet a tumatayab cadagiti banbantay, ken cadagiti amin nga an-animal iti daga; ket dagiti narawet a tumatayab agyandanto cadacuada iti pannawen ti pudot, ket dagiti an-animal ti daga agyandanto cadacuada iti pannawen ti lam-ec.

Isaias 5:25

Gapuna a ti pungtot ni Jehova simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.

Jeremias 19:7

Ket paubbawecto ti pammagbaga ti Juda ken Jerusalem ditoy a disso; ket pagpasagecto ida iti campilan iti sangoanan dagiti cabusorda, ken iti ima dagidiay agsapul iti biagda: ket dagiti bangcayda itedconto a pagtaraon cadagiti tumatayab ti langit ken cadagiti animal ti daga.

Jeremias 21:6

Ket cabilecto dagiti agnaed ditoy nga ili, ti tao ken ti animal nga agpadpada: mataydanto ti dackel nga angol.

Jeremias 25:33

Ket dagiti napapatay gapu ken ni Jehova iti dayta nga aldaw addadanto manipud iti maysa a pungto ti daga agingga met laeng iti sabali a pungto ti daga saandanto a masangitan, ket dida met maurnong, uray maitanem; isudanto ti rugit iti rabaw ti daga.

Jeremias 34:17

Gapuna a castoy ti cuna ni Jehova: Dacayo saandac nga impangag a mangiwarragawag iti wayawaya, tunggal tao iti cabsatna, ken tunggal tao iti caarrubana: adtoy, iwarragawagco cadacayo ti wayawaya, cuna ni Jehova, nga agpaay iti campilan, iti angol, ken iti bisin; ket pagbalinencayto nga agal-laal-la cadagiti amin a pagarian ti lubong.

Jeremias 34:20

Yawatconto ida met laeng iti ima dagiti cabusorda, ken iti ima dagiti agsapul iti biagda; ket dagiti bangcayda maipaaydanto a pagtaraon cadagiti tumatayab ti langit, ken cadagiti an-animal ti daga.

Jeremias 36:30

Gapuna a castoy ti cuna ni Jehova a maipanggep ken Joakim nga ari ti Juda. Awanto kencuana ti agtugaw iti trono ni David; ket ti bangcayna maipuruacto iti ruar nga aglac-am iti pudot ti aldaw ken iti linnaaw ti rabii.

Jeremias 44:12

Ket alaecto ti natda iti Juda, dagiti agturong a sumrec iti daga nga Egipto tapno agyanda sadiay, ket maibusdanto amin; iti daga nga Egipto mapasagdanto; maibusdanto babaen ti campilan ken iti bisin; mataydanto manipud iti cabassitan inggana met laeng iti cadackelan babaen ti campilan ken iti bisin; ket isudanto ti pacatabbaawan, ken pagsidaawan, ken pacailunodan ken pacaumsian.

Jeremias 44:27

Adtoy, bantayac ida a maipaay iti dakes, ket saan a maipaay iti imbag; ket dagiti amin a lalaki ti Juda nga adda iti daga nga Egipto maibusdanto babaen ti campilan ken iti bisin, inggana iti panungpalanda.

Jeremias 7:33

Ket dagiti bangcay daytoy nga umili agpaayto a taraon cadagiti tumatayab ti langit, ken cadagiti an-animal ti daga; ket awanto ti mangbugaw cadacuada.

Jeremias 9:22

Saoem, Castoy ti cuna ni Jehova, Dagiti bangcay dagiti tattao matnagdanto a cas rugit iti nalawa a tay-ac, ken cas ti siningay iti licudan ti agan-ani, ket awanto ti mangurnong cadacuada.

Dungdung-aw 4:9

Dagidiay napapatay iti campilan nasaysayaatda ngem dagidiay napatay iti bisin; ta dagitoy cumapsutda, samayenna ida, gapu iti kinakirang dagiti bungbunga ti tanap.

Ezekiel 24:21

Agsaoca iti balay ti Israel, Castoy ti cuna ni Apo Jehova: Adtoy, tulawacto ti santuarioc, ti tangsit ti bilegyo, ti tarigagay dagiti matayo, ken daydiay patgen ti cararuayo; ket dagiti annacyo a lallaki ken babbai nga imbatiyo iti licudan mapasagdanto iti campilan.

Ezekiel 5:12

Ti maysa nga apagcatlom matayto iti angol, ket babaen ti bisin maibusdanto iti nagtengngaam, ket ti sabali nga apagcatlo mapasagto iti campilan iti aglicmut kenca; ket ti sabali nga apagcatlo iwarasconto cadagiti amin nga angin, ket asutecto ti campilan iti licudanda.

Sofonias 1:17

Ket yegconto ti rigat cadagiti tattao tapno magmagnada a cas bulsec a tattao, agsipud ta nagbasolda a maicaniwas ken ni Jehova; ket ti darada maiparucpocto a cas la tapuc, ken ti lasagda a cas iti ibleng.

Deuteronomio 28:22

Ni Jehova cabilennacanto iti sarut, ken iti gorigor, ken iti letteg, ken iti pudot a siaapuy, ken iti campilan, ken iti eppes, ken iti buut; ket isuda camatendacanto inggana iti mapucawca.

Deuteronomio 28:26

Ket ti bangcaymo isunto ti taraon ti amin a tumatayab dagiti langlangit, ken dagiti an-animal a narungsot ti daga; ket awanto ti mangbugtac cadacuada.