Jeremias 15:3 - Ti Biblia (1973)

³ Ket mangtudingacto iti ngatoda cadagiti uppat a kita, cuna ni Jehova: ti campilan nga agpapatay, ken dagiti aso nga agpisang, ken dagiti tumatayab ti langit, ken dagiti animal ti daga nga aglamut ken agdadael.

Ti Baro a Naimbag a Damag Biblia

³ Siak, ni Yahweh, nangikeddengak iti uppat a kita ti nakabutbuteng a didigra nga agdissuorto kadakuada: mapapataydanto iti gubat; ulod-ulodento dagiti aso dagiti bangkayda; kanento ida dagiti tumatayab, ken pagbibinggawanto dagiti atap nga animal dagiti matda.

Jeremias 15:3 Iomraidhean Croise

Dagiti Salmo 68:23

Tapno maibaddecmo ti sacam iti darada, tapno ti dila dagiti asom adda mabagida cadagiti cabusormo.

Isaias 18:6

Mabaybay-andanto a naornong a maipaay cadagiti narawet a tumatayab cadagiti banbantay, ken cadagiti amin nga an-animal iti daga; ket dagiti narawet a tumatayab agyandanto cadacuada iti pannawen ti pudot, ket dagiti an-animal ti daga agyandanto cadacuada iti pannawen ti lam-ec.

Jeremias 12:9

Ti tawidco isu caniac aya ti cas maysa a tumatayab a turicturican a managsamsam? dagiti tumatayab a managsamsam bumusorda aya kencuana iti aglicmut? incayo tiptiponenyo amin dagiti an-animal ti away iyegyo ida tapno aglamutda.

Jeremias 14:12

Intono agayunarda, saanconto a denggen ti ickisda, ket no mangidatagda ti daton a mapuuran ken ti daton a macan, diacto awaten ida; no di ket ibusecto ida iti campilan, ken iti bisin, ket iti angol.

Jeremias 14:16

Ket ti umili a nangipadtoanda maibellengto cadagiti lanlansangan ti Jerusalem gapu iti bisin ken ti campilan; ket awanto ti mangicali cadacuada—isuda, dagiti assawada a babbai, wenno dagiti annacda a lallaki, wenno dagiti annacda a babbai: ta ibuyatconto ti kinadangkesda cadacuada.

Jeremias 16:4

Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Jeremias 7:33

Ket dagiti bangcay daytoy nga umili agpaayto a taraon cadagiti tumatayab ti langit, ken cadagiti an-animal ti daga; ket awanto ti mangbugaw cadacuada.

Dungdung-aw 3:11

Binawingna dagiti daldalanco, ket pinisangpisangnac; inaramidnac a walangwalang.

Ezekiel 14:21

Ta castoy ti cuna ni Apo Jehova: Anian a nacarcaro pay intono ipawitco dagiti uppat a nasaem a panangocomco iti Jerusalem, ti campilan, ti bisin, ti narungsot nga animal, ken ti angol, tapno pucawec kencuana dagiti tao ken animal!

Ezekiel 33:27

Castoy ti cunamto cadacuada, Castoy ti cuna ni Apo Jehova: Cas sibibiagac, di bumurong a dagidiay adda cadagiti naracrac a disdisso mapasagdanto iti campilan; ket daydiay adda iti nalawa nga away itedconto cadagiti an-animal tapno lamutenda; ket dagidiay adda cadagiti sarikedked ken cadagiti rukib mataydanto iti angol.

Levitico 26:16

Siac aramidecto met daytoy cadacayo: mangicabilacto iti nacakigkigtot cadacayo, nga isu ti sarot ken gorigor a mangdadael cadagiti mata, ken mamagliday iti cararua ket dacayo imulayonto dagiti bin-iyo iti ubbaw, ta dagiti cabusoryo ti manganto.

Levitico 26:22

Ket ibaonconto iti nagtenggaanyo dagiti an-animal a narungsot iti tay-ac a mangtacaw cadacayo cadagiti annacyo, ken mangdadael cadagiti an-animalyo, ken mangpabassitto iti bilangyo; ket dagiti dalanyo agbalindanto a langalang.

Levitico 26:25

Ket yegconto cadacayo ti maysa a campilan a mangtungpal ti ibales ti tulag; ket dacayo aggoommungcayto nga agtitipon iti uneg ti iliyo: ket siac ibaonconto cadacayo ti angol; ket dacayo mayawatcayto iti ima ti cabusor.

Amos 5:19

A cas iti tao itarayanna ti leon, ket masabetna ti oso; wenno simrec iti balay ket insadagna ti imana iti diding, ket kinagat ti uleg.

Deuteronomio 28:26

Ket ti bangcaymo isunto ti taraon ti amin a tumatayab dagiti langlangit, ken dagiti an-animal a narungsot ti daga; ket awanto ti mangbugtac cadacuada.

Deuteronomio 32:24

Umresdanto iti bisin, ket maalun-undanto iti nadarang a pudot ken ti napait a pannacadadael; ket ibaonconto cadacuada dagiti ngipen dagiti narungsot nga an-animal, agraman gita dagiti agcarcarayam iti tapuc.

Paltiing 6:8

Ket kimmitaac, ket adtoy, ti maysa a cabayo a nabessag, ket daydi adda a nagsacay kencuana managan idi ti Patay; ket ti Hades sumursurot kencuana. Ket naited cadagitoy ti panagturay iti apagcapat ti daga, tapno agpapatayda babaen ti campilan, ken ti bisin, ti angel ken cadagiti narungsot nga animal ditoy daga.