Jeremias 15:2 - Ti Biblia (1973)

² Ket maaramidto, no cunaenda kenca, Sadino ti pagturonganmi? ibagamto ngarud cadacuada, Castoy ti cuna ni Jehova; Dagiti maipaay iti patay, iti patay; ket dagiti maipaay iti campilan, iti campilan; ket dagiti maipaay iti bisin, iti bisin; ket dagiti maipaay iti pannacacayaw, iti pannacacayaw.

Ti Baro a Naimbag a Damag Biblia

² No saludsodenda ti rebbengda a papanan, ibagam daytoy kadakuada: Dagiti naikeddeng a matay iti sakit, matayda iti sakit. Dagiti naikeddeng a matay iti gubat, matayda iti gubat. Dagiti naikeddeng a matay iti bisin, matayda iti bisin. Dagiti naikeddeng a maibalud, maibaludda!

Jeremias 15:2 Iomraidhean Croise

Isaias 10:4

Agrucnoydanto laeng cadagiti balud, ken mapasagdanto iti babaen dagiti natay. Ta gapu amin daytoy ti pungtotna saan a pimmanaw, no di ket ti imana adda a silalayat pay laeng.

Isaias 24:18

Ket maaramidto, a ti agtalaw nga aggapu iti daranudor ti buteng matnagto iti dariwangwang; ket ti rumuar iti tengnga ti dariwangwang masiloanto; ta dagiti tawa sadi ngato nalucatanda, ken dagiti pamuon ti daga agkintayegda.

Jeremias 14:12

Intono agayunarda, saanconto a denggen ti ickisda, ket no mangidatagda ti daton a mapuuran ken ti daton a macan, diacto awaten ida; no di ket ibusecto ida iti campilan, ken iti bisin, ket iti angol.

Jeremias 14:16

Ket ti umili a nangipadtoanda maibellengto cadagiti lanlansangan ti Jerusalem gapu iti bisin ken ti campilan; ket awanto ti mangicali cadacuada—isuda, dagiti assawada a babbai, wenno dagiti annacda a lallaki, wenno dagiti annacda a babbai: ta ibuyatconto ti kinadangkesda cadacuada.

Jeremias 16:4

Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Jeremias 19:7

Ket paubbawecto ti pammagbaga ti Juda ken Jerusalem ditoy a disso; ket pagpasagecto ida iti campilan iti sangoanan dagiti cabusorda, ken iti ima dagidiay agsapul iti biagda: ket dagiti bangcayda itedconto a pagtaraon cadagiti tumatayab ti langit ken cadagiti animal ti daga.

Jeremias 43:11

Ket umayto, ket cabilennanto ti daga nga Egipto; dagiti agpaay ken patay mayawatdanto ken patay, ken dagiti agpaay iti pannacacayaw, iti pannacacayaw, ken dagiti agpaay iti campilan, iticampilan.

Ezekiel 12:11

Cunaem, Siac ti tandayo: cas ti inaramidco, castanto ti maaramid cadacuada; mapandanto iti pannacaibelleng, iti pannacacayaw.

Ezekiel 14:21

Ta castoy ti cuna ni Apo Jehova: Anian a nacarcaro pay intono ipawitco dagiti uppat a nasaem a panangocomco iti Jerusalem, ti campilan, ti bisin, ti narungsot nga animal, ken ti angol, tapno pucawec kencuana dagiti tao ken animal!

Ezekiel 33:27

Castoy ti cunamto cadacuada, Castoy ti cuna ni Apo Jehova: Cas sibibiagac, di bumurong a dagidiay adda cadagiti naracrac a disdisso mapasagdanto iti campilan; ket daydiay adda iti nalawa nga away itedconto cadagiti an-animal tapno lamutenda; ket dagidiay adda cadagiti sarikedked ken cadagiti rukib mataydanto iti angol.

Ezekiel 5:12

Ti maysa nga apagcatlom matayto iti angol, ket babaen ti bisin maibusdanto iti nagtengngaam, ket ti sabali nga apagcatlo mapasagto iti campilan iti aglicmut kenca; ket ti sabali nga apagcatlo iwarasconto cadagiti amin nga angin, ket asutecto ti campilan iti licudanda.

Ezekiel 5:2

Maysa nga apagcatlo puuram iti apuy iti tengnga ti ili, intono matungpalen dagiti al-aldaw ti pannacalacub; ket alaemto ti sabali nga apagcatlo, ket itagbatmo ti campilan iti aglicmut kencuana; ket ti sabali nga apagcatlo iwarismonto iti angin, ket siac asutecto ti campilan iti licudanda.

Daniel 9:12

Ket isu pinasingkedanna dagiti saona nga imbalicasna a maibusor cadacami, ken maibusor cadagiti ococommi a nangocom cadacami, iti panangyegna cadacami iti dackel a kinadakes; ta iti baba ti amin a langit saan a naaramid ti cas iti naaramid iti Jerusalem.

Amos 5:19

A cas iti tao itarayanna ti leon, ket masabetna ti oso; wenno simrec iti balay ket insadagna ti imana iti diding, ket kinagat ti uleg.

Zacarias 11:9

Idin kinunac, saancayto nga ipaarab: daydiay matay, matay laeng; ket daydiay madadael, madadael laeng; ket dagidiay matda agkikinaanda coma iti lasagda met laeng.

Paltiing 13:10

No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.