Jeremias 15:1 - Ti Biblia (1973)

¹ Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Ti Baro a Naimbag a Damag Biblia

¹ Kinuna ti Apo kaniak, “Uray no da Moises ken Samuel ti agparintumeng, diak kaasian dagitoy a tattao. Papanawem ida; diak kayat a makita ida.

Jeremias 15:1 Iomraidhean Croise

Ezekiel 14:14

Uray pay no addada coma kencuana dagitoy tallo a lallaki, Noe, Daniel ken Job, isuda gapu iti kinalintegda maisalacanda coma laeng ti bucodda a cararua, cuna ni Apo Jehova.

Jeremias 14:11

Ket ni Jehova kinunana caniac, Dica icararagan daytoy nga umili nga agpaay iti pagimbaganda.

Jeremias 11:14

Gapuna saanmo nga idawatan daytoy nga ili, dica met umasug wenno agcararag a maipaay cadacuada; ta saanconto a timuden ida intono umawagda caniac, a gapu iti pacarigatanda.

Dagiti Salmo 106:23

Gapuna isu kinunana a pucawenna coma ida, no ni Moises a pinilina saan coma a nagtacder iti saclangna idiay pagbettacanna, tapno icalilisna ti pungtotna, di la ket ta pucawenna ida.

Dagiti Salmo 99:6

Da Moises ken Aaron iti gimong dagiti papadina, ken ni Samuel iti nagtengngaan dagiti umawawag iti naganna; immawagda ken Jehova, ket isu sinungbatanna ida.

1 Samuel 12:23

Maysa pay no maipapan caniac, mayadayu coma caniac a siac agbasolac coma iti maibusor ken Jehova iti panagsardengco nga agcararag iti maipaay cadacayo: no di ket isurocayto iti naimbag ken iti nalinteg a dalan.

2 Ar-ari 17:20

Ket ni Jehova inlacsidna ti isu-amin a putot ti Israel, ket pinarigatna ida, ket inyawatna ida iti ima dagiti agsamsam agingga iti naipanawna ida iti imatangna.

1 Samuel 7:9

Ket ni Samuel nangala iti maysa a cordero nga agsuso, ket isu indatagna a maysa a sibubukel a daton a mapuuran ken Jehova: ket ni Samuel immaoag ken Jehova gapu iti Israel; ket ni Jehova simmungbat kencuana.

Jeremias 52:3

Ta babaen ti pungtot ni Jehova naararamid daytoy idiay Jerusalem ken Juda agingga iti piangtalawna ida iti saclangna. Ket ni Sedekias immalsa a maibusor iti ari ti Babilonia.

Jeremias 23:39

Adtoy ngarud, lipatancayto a naananay, ket ibellengcayto, ken ti ili nga intedco cadacayo ken cadagiti ammayo, iti adayu caniac:

Jeremias 18:20

Maisupapacto aya ti dakes iti naimbag? ta isuda nagcalida iti maysa nga abut a maipaay itoy cararuac. Lagipem no casano ti panagtacderco iti sangoanam a nangisao iti naimbag a maipaay cadacuada, tapno iyadayum ti pungtotmo cadacuada.

Jeremias 15:19

Gapuna castoy ti cuna ni Jehova, No agsublica, iyegcanto ngarud manen, tapno mabalinmo ti agtacder iti sangoanac; ket no isinam ti napateg iti awan pategna, sicanto ti cas ngiwatco: agsublidanto kenca, ngem saancanto nga agsubli cadacuada.

Dagiti Proverbio 14:35

Ti parabur ti ari agturong iti adipen a nainsiriban ti aramidna; ngem ti pungtotna agturongto iti mangibabain.

Hebreo 9:24

Ta saan a simrec ni Cristo iti maysa a Santo a disso nga inaramid ti ima, nga isu ti catulad ti napudno, no di ket idiay langit met laeng, tapno agparang ita iti sangoanan ti Dios gapu cadatayo:

Jeremias 35:19

Gapuna a cuna ni Jehova dagiti buybuyot, a Dios ti Israel: ni Jonadab nga anac ni Recab dinto agcurang iti maysa a lalaki nga agtacder iti saclangco iti agnanayon.

Uk-ukom 5:9

Ti pusoc agturong cadagiti agturturay ti Israel, isuda nga iti nacnakemda indatonda dagiti bagbagida iti tengnga dagiti tattao; benditoenyo ni Jehova.

Genesis 19:27

Ket iti agsapa ni Abraham napan immuli iti disso a nagyananna iti sangoanan ni Jehova:

Zacarias 3:3

Ket ni Josue adda idi a sicacawes cadagiti narugit a pagpagan-anay, ket adda a sitatacder iti sango ti angel.

Deuteronomio 9:26

Ket nagdawatac ken Jehova, ket kinunac, O Apo Jehova, dica dadaelen ti ilim ken ti tawidmo nga inispalmo iti kinadackelmo, nga inaonmo sadi Egipto iti mannacabalin nga ima.

1 Samuel 12:19

Ket amin nga umili kinunana ken Samuel, Agcararagca iti maipaay cadagiti ad-adipenmo ken Jehova a Diosmo, tapno dicami matay; ta innayonmi cadagiti basbasolmi daytoy a dakes, ti panagdawatmi iti maipaay cadacami a maysa nga ari.

Jeremias 9:19

Ta maysa a timec ti dung-aw mangngeg idiay Sion, Anian ti pannacarbectayo! nariribuctayo a napalalo, gapu ta pinanawantayo ti daga, gapu ta impalladawda dagiti pagtaengantayo.

Jeremias 10:18

Ta castoy ti cuna ni Jehova, Adtoy, ipallatibungconto dagiti agnaed ti daga iti daytoy a pannawen, ket paglidayecto ida, tapno maricnada.

Jeremias 16:5

Ta castoy ti cuna ni Jehova, Saanca a sumrec iti balay a nagpanes, ket dica met mapan nga agunnoy, ket dica met sangitan ida; ta siac iniccatco ti talnac iti daytoy nga umili, cuna ni Jehova, ti met laeng kinamanagayat ken caasi a naalumamay.

Jeremias 16:13

Ibellengcayto ngarud iti ruar daytoy a daga iti daga a dicayo naam-ammo, uray dacayo uray dagiti ammayo; ket idiay agservicayto cadagiti sabali a diosen iti aldaw ken rabii; ta awanto ti parabur nga iparangco cadacayo.

Jeremias 22:28

Daytoy lalaki a Conias maysa aya a mauyaw-uyaw ken buong nga alicamen? Maysa aya nga alicamen nga awan kencuana timaay-ayo? Agpay ngarud nga isuda maibellengda, isu ken ti putotna, ket maipurruacda iti daga a dida ammo?

Ezekiel 22:30

Ket nagsapulac iti maysa a tao iti nagtengngaanda, a mangibangon coma iti bacud, ken agtacder iti gutbaw iti sangoanac a mangisakit iti daga, tapno isu diac coma dadaelen; ngem awan ti nasaracac.

Jeremias 14:12

Intono agayunarda, saanconto a denggen ti ickisda, ket no mangidatagda ti daton a mapuuran ken ti daton a macan, diacto awaten ida; no di ket ibusecto ida iti campilan, ken iti bisin, ket iti angol.

Oseas 9:15

Amin a kinadakesda adda idiay Gilgal; ta idiay ginurac ida: gapu iti kinadakes dagiti aramidda pagtalawecto ida iti balayco; diacto ayatenen ida, amin dagiti piprincipeda managalsada.