Jeremias 12:3 - Ti Biblia (1973)

³ Ngem sica, O Jehova, ammonac; sica makitanac, ket suutem toy pusoc nga agpaay kenca; guyodem ida a cas carcarnero a maipaay iti pagpartian ken isaganam ida a maipaay iti aldaw ti pannacaparti.

Ti Baro a Naimbag a Damag Biblia

³ Ngem, O Apo, ammonak, makitam ti aramidko ken ti panagayatko kenka. Ukodem dagitoy dakes a tattao a kas kadagiti maparti a karnero; ilasinmo ida agingga iti pannakapartida.

Jeremias 12:3 Iomraidhean Croise

2 Ar-ari 20:3

Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a puso a napalongdoan, ket inaramidco daydiay a naimbag ita imatangmo. Ket ni Ezekias nagsangit iti nasaem.

1 Cronicas 29:17

Ammoc met, Diosco, a suutem ti puso, ket maay-ayoca iti nalinteg. No maipapan caniac, iti kinalinteg ti pusoc indatonco iti sibubulos a nakemco amin dagitoy a banbanag: ket ita sirarag-oac a nacakita cadagiti umilim, nga addada a sisasango ditoy, agidatonda iti sibubulos a nakemda kenca.

Ti Libro ni Job 23:10

Ngem ammona ti dalan a papanac; intono masuutnac, rumuaracto a cas balitoc.

Dagiti Salmo 11:5

Ni Jehova suutenna ti nalinteg; ngem ti nadangkes ken ti agayat iti kinauyong guraen ti cararwana.

Dagiti Salmo 139:23

Usigennac, O Dios, ket ammoem toy pusoc: padasennac, ket ammoem dagiti pampanunotco;

Dagiti Salmo 17:3

Pinadasmon toy pusoc; sinarungcarannac iti rabii; sinuutnac, ket awan nasaracam; pinanggepco a toy ngiwatco dinto macalibtaw.

Dagiti Salmo 26:1

Ocomennac, O Jehova, ta nagnaac iti kinasingpetco: nagtalecac met ken Jehova nga awan panagngatangata.

Dagiti Salmo 7:9

O ti kinadakes dagiti nadangkes aggibus cadi, ngem pabilgem coma dagiti nalinteg: ta ti nalinteg a Dios suutenna dagiti isisip ken puspuso.

Jeremias 15:15

O Jehova, sica ammom; lagipennac, ket sarungcarannac, ket ibalesannac cadagiti mangidadanes caniac; dinac ipanaw iti mabayag a panagituredmo; ammon a gapu kenca nagsagabaac iti pannacaibabain.

Jeremias 17:16

No maipapan caniac, saanac a nagdarasudos a pimmanaw iti panagpastor iti licudam; ket diac met tinarigagayan ti nacaay-ay-ay nga aldaw, sica ammom: dagiti rimmuar cadagiti bibigco adda iti sangoanam.

Jeremias 17:18

Maibabainda coma dagiti mangidadanes caniac, ngem saanac coma, a maibabain; agcullayawda coma, ngem saanac nga agcullayaw; iyegmo cadacuada ti aldaw ti dakes, ket dadaelem ida iti mamindua a pannacadadael.

Jeremias 20:12

Nupay casta, O Jehova dagiti buybuyot, a mangpadas iti nalinteg, ken macakita iti puso ken isip, palubosannac a mangkita iti pammalesmo cadacuada: ta kenca impalawagco ti calintegac.

Jeremias 48:15

Ti Moab marban, ket simmang-atdan cadagiti il-ilina, ket dagiti napili a lallakina nga agtutubo simmalogdan iti pacapatayan, cuna ti Ari, a ti naganna Jehova dagiti buybuyot.

Jeremias 50:27

Patayenyo amin a vacvacana a lalaki; bay-anyo ida a sumalog iti pagpartian: asida pay! ta ti aldawda addan, ti pannawen ti pannacasucnalda.

Jeremias 51:4

Ket dagiti mapapatay mapasagdanto iti daga dagiti Caldeos, ken dagiti masalput cadagiti lansanganna.

San Juan 21:17

Cunana kencuana iti maicatlo: Simon, anac ni Juan, ayatennac? Nagladingit ni Pedro gapu ta kinunana kencuana a namitlo: Ayatennac? ket kinunana kencuana: Apo, sica ammon dagiti isu-amin: sica ammom nga ayatenca. Cuna kencuana ni Jesus: Pacanem dagiti carneroc.

Santiago 5:5

Nagbiagcayo a sinanam-ay ditoy rabaw ti daga; ket naalayon ti ragsacyo, pinalucmegyo dagiti puspusoyo, a cas ti maysa nga aldaw ti panagparti.

2 Pedro 2:12

Ngem dagitoy a cas la parparsua nga awan nakemda, nayanacda a linalasag tapno matiliw ket madadaelda, agbassawangda a maibusor cadagiti banbanag a dida maawatan, ket iti panagdadaelda mapucawdanto a di agcurang.