Jeremias 11:8 - Ti Biblia (1973)

⁸ Ngem saanda a nagtungpal, dida met inyallingag ti lapayagda, no di ket nagnada tunggal maysa iti kinabangad ti dakes a pusoda: gapuna nga inyegco cadacuada amin dagiti sasao daytoy a tulag, isu nga imbilinco cadacuada nga aramiden, ngem saanda ida nga inaramid.

Ti Baro a Naimbag a Damag Biblia

⁸ Ngem saanda a nangipangag wenno nagtulnog no di ket intultuloyda ti nagaramid iti dakes. Imbilinko kadakuada a tungpalenda ti katulagan ngem nagsukirda. Iti kasta, indissuorko kadakuada ti dusa kas nailanad iti daytoy a katulagan.”

Jeremias 11:8 Iomraidhean Croise

Nehemias 9:26

Nupay casta nasungitda, ken simmukirda a maicaniwas kenca, ket impalladawda iti licudanda ti lintegmo, ket pinatayda dagiti mammadtom a nangsacsi iti maibusor cadacuada tapno isublida coma ida manen kenca, ket inaramidda dagiti dadackel a pananggargari.

Nehemias 9:29

Ket pinanecnecam ti maicaniwas cadacuada, tapno yegmo ida manen iti lintegmo. Nupay casta nagaramidda a sipapalangguad, ken dida impangag dagiti bilbilinmo, no di ket nagbasolda a maibusor cadagiti ipaannurotmo (isu a no tungpalen ti maysa a tao, agbiagto cadacuada), ket inlisida ti abaga, ken pinatangkenda ti teltelda, ket dida kinayat ti dimngeg.

Jeremias 13:10

Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.

Jeremias 3:17

Iti dayta a pannawen managananto ti Jerusalem ti trono ni Jehova; ket amin dagiti nasnacion maurnongdanto kencuana iti nagan ni Jehova, iti Jerusalem: ket saandanto metten a magna iti mainugot ti kinabangad ti dakes a pusoda.

Jeremias 31:32

Saan a cas idi tulag nga inaramidco cadagiti ammada, idi aldaw a panangibinco tapno aonec ida iti daga nga Egipto; daydi a tulagco dinadaelda, nupay siac idi ti asawa a lalaki cadacuada, cuna ni Jehova.

Jeremias 32:23

Ket simrecda, ket tinagicuada, ngem saanda a nagtulnog iti timecmo, ken dida met nagna iti lintegmo; awan ti inaramidda cadagiti amin nga imbilinmo cadacuada nga aramidenda: gapuna nga inaramidmo a mapasamac cadacuada amin daytoy a dakes.

Jeremias 34:14

Iti turpos ti pito a tawen palubosanyonto nga agwayawaya tunggal tao ti cabsatna nga Hebreo, a nailaco kenca, ket nagservin kenca iti innem a tawen, palubosamto nga agwayawaya nga aggapu kenca: ngem dagiti ammayo saandac nga impangag, dida met inyallingag ti lapayagda.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 35:17

Gapuna a castoy ti cuna ni Jehova, a Dios dagiti buybuyot, a Dios ti Israel: Adtoy, iyegconto iti Juda ken cadagiti amin nga agnaed sadi Jerusalem amin a kinadakes nga imbalicasco a maibusor cadacuada; agsipud ta nagsaoac cadacuada, ngem saanda a nangngeg; ket inayabac ida, ngem dida simmungbat.

Jeremias 38:20

Ngem ni Jeremias kinunana, Didacanto yawat, Dawatec kenca, agtulnogca iti timec ni Jehova, daytoy nga isaoc kenca: tapno naimbag kenca, ket ta cararuam agbiagto.

Jeremias 44:16

No maipapan iti sao nga insaom cadacami iti nagan ni Jehova, dacami saandacanto nga ipangag.

Jeremias 44:17

No di ket tungpalenminto a di-bumurong ti tunggal sao a rimmuaren iti ngiwatmi, a mangpuur iti incienso iti reina ti langit, ken mangibuyat cadagiti datdaton a mainum kencuana, a cas inaramidmin, dacami ken dagiti ammami, dagiti ar-ari ken piprincipe cadagiti il-ili ti Juda, ken cadagiti lanlansangan ti Jerusalem; ta iti daydi umanayen ti taraonmi, ken nacaradcadcami, ket awan ti nakitami a dakes.

Jeremias 44:5

Ngem saanda nga impangag, wenno inyallingagda ti pagdengngegda tapno agbabawida iti kinadakesda, tapno, dida agpuur iti incienso cadagiti sabali a diosen.

Jeremias 7:13

Ket ita, agsipud ta inaramidyo amin dagitoy nga aramid, cuna ni Jehova, ket nagsaoac cadacayo, a bimmangonac a nasapa ket nagsaoac, ngem saancayo a dimngeg; ket siac inayabancayo, ngem dicayo simmungbat:

Jeremias 7:24

Ngem isuda saanda a nangipangag, wenno intimud ti lapayagda, no di ket nagnada iti bucodda a pammagbaga ken iti kinatangken ti dakes a pusoda, ken nagsanodda, ket saan a nagna iti masangoanan.

Jeremias 7:26

Nupay casta saandac nga impangag, wenno intimud ti lapayagda, no di ket pinatangkenda ti teltelda: dimmacdakesda ngem dagidi ammada.

Ezekiel 20:8

Ngem simmukirda caniac, ket didac kinayat nga ipangag; saan nga imbelleng ti tunggal maysa dagiti kinarimon iti imatangna, ket dida met binaybay-an dagiti didiosen ti Egipto. Idin kinunac nga ibuyatconto ti pungtotco cadacuada, tapno matungpal ti ungetco a maibusor cadacuada iti tengnga ti daga ti Egipto.

Zacarias 1:4

Saancayo coma a cas cadagidi ammayo, isuda a nagickisan dagiti immun-una a mammadto, a kinunada, Castoy ti cuna ni Jehova dagiti buybuyot, Agsublicayo ita manipud cadagiti dakes a daldalanyo, ken manipud cadagita dakes nga aramidyo: ngem dida impangag, dida nagimdeng caniac, cuna ni Jehova.

Zacarias 7:11

Ngem isuda dida kinayat nga impangag, ket imbawingda ti abagada, ken sinullatanda dagiti lapayagda, tapno dida coma dumngeg.