Jeremias 11:5 - Ti Biblia (1973)

⁵ Tapno patibkerec ti sapata, nga insapatac cadagiti ammayo, nga iccac ida iti daga a pagayayusan ti gatas ken diro, cas iti daytoy nga aldaw. Idin simmungbatac, ket kinunac, Sapay coma ta casta, O Jehova.

Ti Baro a Naimbag a Damag Biblia

⁵ Iti kasta, tungpalek ti karik kadagiti kapuonanda iti pannangtedko kadakuada iti nabaknang ken nadam-eg a daga a kukuada itan.” “Wen, O Apo,” kinunak.

Jeremias 11:5 Iomraidhean Croise

2 Cronicas 6:17

Ita ngarud, O Jehova a Dios ti Israel, ipalubosmo a ti saom mapasingkedan coma, isu nga insaom ken adipenmo a David.

Dagiti Salmo 105:8

Silalagip nga agnanayon iti tulagna, ti sao nga imbilinna cadagiti rinibu a caputotan,

Exodo 13:5

Ket maaramidto, a no ni Jehova iserrecnacanto iti daga ti Cananeo, ken ti Heteo, ken ti Amorreo, ken ti Hebeo, ken ti Jebuseo, isu a sinapataanna cadagiti dadackelmo nga itedna kenca, maysa a daga a pagayusan ti gatas ken diro, salimetmetamto daytoy nga annungen iti daytoy a bulan.

Jeremias 19:12

Castoy ti panangaramidconto ditoy a disso, ken cadagiti agnaed kencuana, cuna ni Jehova nga aramidec met laeng daytoy nga ili a cas iti Tofet;

Jeremias 28:6

Ni met laeng mammadto a Jeremias kinunana, Amen: ni Jehova aramidenna coma ti casta; ni Jehova aramidenna dagiti saom nga impadtom, nga iyegna manen dagiti al-alicamen iti balay ni Jehova, ken amin dagiti nacayawan, nga aggapu iti Babilonia agingga ditoy a disso.

Jeremias 32:22

Ket intedmo cadacuada daytoy a daga isu nga insapatam cadagiti ammada nga itedmo cadacuada, daga a pagay-ayusan ti gatas ken diro;

Levitico 20:24

Ngem kinunac cadacayo, tawidenyonto ti dagada, ket itedconto cadacayo a cucuayo, maysa a daga nga agay-ayus ti gatas ken diro: siac ni Jehova a Diosyo, a nangilasin cadacayo cadagiti tattao.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

1 Taga-Corinto 14:16

Ta no saan, no mangbendicionca babaen ti espiritu ti saan a nasursuroan, casano ti panagcunananto ti Amen iti panungpalan ti panagyamanmo ta dina met maawatan ti sao-em?

Deuteronomio 6:3

Denggem ngarud, O Israel, ket tungpalem nga aramiden; tapno agbalinca a naimbag ken umaduca iti casta unay, cas ni Jehova a Dios dagiti ammam incarina kenca, iti maysa a daga nga agayus ti gatas ken diro.