Jeremias 10:9 - Ti Biblia (1973)

⁹ Adda pirac a napitpit a napaingpis isu a naiyeg manipud Tarsis, ken balitoc manipud Ufas, gapuanan ti mammaday ken dagiti im-ima ti agpanpanday ti balitoc; azul ken purpura ti cawesda; isuda amin aramid ida dagiti lallaki a nalaing.

Ti Baro a Naimbag a Damag Biblia

⁹ Nakalupkopan dagiti didiosenda iti pirak a naggapu idiay Tarsis ken balitok a naggapu idiay Ufas. Aramid amin ida dagiti kumikitikit ken dagiti platero. Nakawesanda iti lumabaga ken nangingina a lupot nga inaramid dagiti agab-abel.

Jeremias 10:9 Iomraidhean Croise

1 Ar-ari 10:22

Ta ti ari addaan idiay baybay iti maysa a bunggoy dagiti sasacayanna sadi Tarsis a cadua dagiti bunggoy dagiti sasacayan ni Hiram: maminsan iti tallo a tawen sumangpet ti bunggoy dagiti sasacayan sadi Tarsis, a mangisangpet iti balitoc, ken pirac, marfil, ken bakes, ken pavoreal.

2 Cronicas 9:21

Ta ti ari addaan cadagiti sasacayan a napan sadi Tarsis a cadua dagiti ad-adipen ni Huram; maminsan tunggal tallo a tawen dumteng dagiti sasacayan nga aggapu ti Tarsis, a nagisangsangpet cadagiti balitoc, ken pirac, marfil, bakes, ken pavoreal.

Dagiti Salmo 115:4

Dagiti didiosen pirac ken balitoc, ti aramid dagiti im-ima dagiti tattao.

Dagiti Salmo 72:10

Dagiti ar-ari idiay Tarsis ken dagiti purpuro agbuisdanto: dagiti ar-ari ti Sheba ken Seba agipaaydanto cadagiti sagsagut.

Isaias 23:6

Lumabascayo sadi Tarsis; agdung-awcayo dacayo nga agtaeng iti igid ti taaw.

Isaias 40:19

Ti ladawan, maysa nga agtartrabajo ti nangsucog kencuana, ket ti mammanday iti balitoc isu ti nangcalupcup kencuana iti balitoc ket sana yaramidan cadagiti cawar a pirac.

Ezekiel 27:12

Ti Tarsis isu ti kinatinnagilacom gapu iti caadu dagiti amin a kita ti kinabacnang; dagiti pirac, landoc, lata, ken buli, pinagsucatda cadagiti tagtagilacom.

Ezekiel 27:7

Ti nalapat a lienzo a nabordaan a naggapu idiay Egipto isu ti layagmo, tapno isu coma kenca ti maipaay a maysa a wagayway; azul ken purpura a naggapu cadagiti purpuro ti Elisa isu ti linongmo.

Daniel 10:5

Intangadco dagiti matac, ket kimmitaac, ket adtoy, ti maysa a tao a nagcawes iti lienzo, a dagiti lomona nabaricsanda iti pulos a balitoc ti Ufaz:

Oseas 8:6

Ta naggapu iti Israel met laeng daytoy, isu inaramid ti managaramid, ket saan a ti Dios; wen, maburburacto ti urbon a vaca ti Samaria.

Jonas 1:3

Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Habakuk 2:19

Asi pay daydiay nga agcuna iti cayo, Agriingca; iti umel a bato, Tumacderca! Mangisuronto aya daytoy? Adtoy, nga isu nacalupcupan iti balitoc ken pirac, ket awan ti aniaman nga anges iti unegna.