Jeremias 10:6 - Ti Biblia (1973)

⁶ Awan ti siasinoman a cas kenca, O Jehova; sica dackelca, ket ti naganmo dackel ti pannacabalinna.

Ti Baro a Naimbag a Damag Biblia

⁶ Apo, awan ti kas kenka; nabilegka ket naindaklan ken mannakabalin ti naganmo.

Jeremias 10:6 Iomraidhean Croise

2 Samuel 7:22

Gapuna a sica nadayagca, O Jehova a Dios: agsipud ta awan ti sabali a cas kenca, awan ti siasinoman a Dios iti lacsidmo, a mayalubog iti isu-amin a nangnangegmi babaen cadagiti lapayagmi.

1 Cronicas 16:25

Ta ni Jehova dackel, ken sidadaeg a madaydayaw: isu met a mapagbutngan a nangnangrona ngem cadagiti amin a didios.

Nehemias 4:14

Ket kimmitaac, ket timmacderac, ket kinunac cadagiti natacneng, ken cadagiti turayen, ken iti matda nga umili, Dicayo agbuteng cadacuada lagipenyo ti Apo, a dackel ken nacakigkigtot, ket makigubatcayo a maipaay cadagiti cacabsatyo, annacyo a lallaki, ken annacyo a babbai, assawayo a babbai, ken balbalayyo.

Nehemias 9:32

Ita ngarud, Diosmi, ti dackel, a mannacabalin, ket nacakigkigtot a Dios, a mangsalimetmet iti tulag ken kinamanangngaasi, dica palubosan nga agparang ita sangoanam a cas bassit ti amin a rigat, nga immay cadacami, cadagiti pangpangoloenmi, ken cadagiti papadimi, ken cadagiti mammadtomi, ken cadagiti ammami, ken iti amin nga ilim, nanipud idi tiempo dagiti ar-ari ti Asiria agingga itoy nga aldaw.

Dagiti Salmo 145:3

Dackel ni Jehova, naindaclan unay ti pannacaidaydayaw; ket ti kinadackelna saan a matucod.

Dagiti Salmo 147:5

Dackel ti Diostayo, ket napigsa iti pannacabalin; ti panagisisipna awan inggana.

Dagiti Salmo 35:10

Amin a tultulangco cunadanto, Jehova, siasino ti cas kenca, a mangispal iti napanglaw iti daydiay napigpigsa ngem isu, wen, iti napanglaw ken nacacaasi iti daydiay mangagaw kencuana?

Dagiti Salmo 48:1

Dackel ni Jehova, ket maicari a maidaydayaw unay, iti uneg ili ti Diostayo, iti nasantoan a bantayna.

Dagiti Salmo 96:4

Ta naidaclan ni Jehova, ket rebbengna unay ti maidaydayaw: rebbeng a pagbutngan a nangnangrona ngem amin a didiosen.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Exodo 8:10

Ket kinunana, Intono bigat. Ket ni Moises kinunana, Maaramid coma cas ti saom; tapno ammoem nga awan sabali a cas ken Jehova a Diosmi.

Exodo 9:14

Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; tapno maammoam nga awan sabali a cas caniac iti amin a lubong.

Isaias 12:6

Apdir-ica ken agriawca sica nga agtaeng iti Sion; ta ti Santo ti Israel dackel iti nagtengngaam.

Isaias 40:18

Asino ngarud iti pangipadisanyo iti Dios? wenno ania a caasping ti yaspingyo kencuana?

Isaias 40:25

Siasino ngarud iti pangipadisanyo caniac, tapno maipadaac coma kencuana? cuna ti Santo.

Isaias 46:5

Asino ti pangipadisanyonto caniac, ken pangipadpadanyo caniac, ken pangyariganyo caniac, tapno mabalinmi coma ti agaasping?

Isaias 46:9

Laglagipenyo dagiti immuna a banbanag idi ugma: ta siac ti Dios, ket awanen ti sabali; Diosac, ket awan ti pumada caniac;

Jeremias 10:16

Ti bingay ni Jacob saan a cas cadagidiay; ta isu binukelna dagiti amin a banbanag; ket ni Israel ti caputotan ti tawidna: Jehova dagiti buybuyot ti naganna.

Jeremias 32:18

Sica a mangipakita ti kinamanangngaasi cadagiti rinibu ken mangsupapac iti kinadangkes dagiti amma iti saclot dagiti annacda iti calpasanda, ti naindaclan, ti nabileg a Dios, Jehova dagiti buybuyot ti naganna;

Daniel 4:3

Anian a nagdackel dagiti pagilasinanna! ket anian a pannacabalin dagiti nacascasdaaw nga aramidna! Ti pagarianna isu ti pagarian nga awan inggana, ket ti panagturayna manipud caputotan agingga iti caputotan.

Daniel 4:34

Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

Malakias 1:11

Ta manipud iti ileleggac ti init agingga iti ilelennecna met laeng ti naganco dackelto cadagiti Gentiles; ket iti tunggal disso maidatonto ti incienso iti naganco, ken ti nadalus a daton: ta ti naganco dackelto cadagiti Gentiles, cuna ni Jehova dagiti buybuyot.

1 Taga-Corinto 8:6

Ngem cadatayo adda maymaysa a Dios, ti Ama nga paggapuan dagiti isu-amin a banag, ket datayo maipaaytayo kencuana; ken maymaysa nga Apo, ni Jesu-Cristo, a gapu kencuana adda dagiti isu-amin a banag, ken gapu kencuana addatayo,

Deuteronomio 32:31

Ta ti batoda saan a cas ti Batotayo, uray dagiti cabcabusor met laeng ti mangipato.

Deuteronomio 33:26

Awan ti siasinoman a pumada iti Dios, O Jesurun, a sacayanna ti langlangit a maipaay a cabadangmo, ken iti kinadaegna, cadagiti langlangit.