Jeremias 10:5 - Ti Biblia (1973)

⁵ Isu cas maysa a cayo ti palma a naturno, ket saan nga agsao: masapul a maawitda ta saanda a macapagna. Dicayo agbuteng cadacuada; ta saanda a macaaramid ti dakes, awan met cadacuada ti macaaramid ti naimbag.

Ti Baro a Naimbag a Damag Biblia

⁵ Saan a makasao dagiti kakastoy nga imahen. Awan dumada iti bambanti iti talon a namulaan iti sandia. Masapul a maawitda, ta dida makapagna. Diyo kabuteng ida, ta didakay an-anoen; ket awan naimbag a maitedda kadakayo.”

Jeremias 10:5 Iomraidhean Croise

1 Ar-ari 18:26

Ket isuda innalada ti vaca a naited cadacuada, ket isu ti insaganada, ket inawaganda ti nagan ni Baal nanipud agsapa inggana iti matoon, a kinunada, O Baal, denggennacami. Ngem awan idi ti timec, wenno asinoman a simmungbat. Ket isuda naglaglagtoda iti denna ti altar a naaramid.

2 Cronicas 25:15

Gapuna a ti pungtot ni Jehova simged a maibusor ken Amasias, ket imbaonna kencuana ti maysa a mammadto, isu a nagcuna kencuana, Apayapay a nagsapulca cadagiti didios dagiti tattao, a saanda nga inispal ti ilida met laeng ita imam?

Isaias 16:12

Ket maaramidto, intono agparang ti Moab, intono mabannog iti nangato a disso, ken umayto iti santuariona nga agcararag, isu saanto a mangatiw.

Isaias 45:20

Aguornongcayo ken umaycayo; umasidegcayo nga agcucuyog, dacayo a nailiclic cadagiti nasnacion; dagidiay nga awanan pannacaammo nga agawit ti cayo ti kinitikitan a ladawanda, ken agcararagda iti maysa a dios a dina mabalin ti mangisalacan cadacuada.

Isaias 46:1

Ni Bel agrucnoy, ni Nebo agdumog; dagiti ladladawan a diosenda addada iti rabaw dagiti an-animal, ken iti rabaw dagiti vacvaca: dagiti banbanag nga inawityo maaramidda nga awiten, maysa nga awiten iti nabannog nga animal.

Isaias 46:7

Isu ti baclayenda iti abaga, isu ti awawitenda, ken isu isaadda iti dissona, ket isu agtacder; saanto nga umalis iti lugarna: wen, mabalin ti tao ti umawag kencuana, nupay casta saan a macasungbat, dina met maisalacan iti pacarigatanna.

Jeremias 10:14

Tunggal lalaki nagbalin a nacuneng ken awan pannacaammona; tunggal agpanpanday iti balitoc maibabain gapu iti kinitikitanna a ladawan; ta ti sinucogna a ladawan isu ti ulbod, ket awan ti anges cadacuada.

Habakuk 2:19

Asi pay daydiay nga agcuna iti cayo, Agriingca; iti umel a bato, Tumacderca! Mangisuronto aya daytoy? Adtoy, nga isu nacalupcupan iti balitoc ken pirac, ket awan ti aniaman nga anges iti unegna.

1 Taga-Corinto 12:2

Ammoyo nga idi Gentilcayo, naipancayo cadagiti ladladawan nga awan timecda, a cas iti pannacaidalanyo.

1 Taga-Corinto 8:4

No maipapan ngarud iti pannangan cadagiti maidaton cadagiti ladladawan a didiosen, ammomi a ti ladawan a didiosen awan papaayna ditoy lubong, ket awan Dios no di maymaysa.

Deuteronomio 4:28

Ket idiay paadipencayto cadagiti didios, nga aramid dagiti im-ima, dagiti tattao, cayo ken bato a di-macakita, wenno di-macangngeg, wenno di-mangan, wenno di-macaangot.