Jeremias 10:10 - Ti Biblia (1973)

¹⁰ Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

Ti Baro a Naimbag a Damag Biblia

¹⁰ Ngem sika, O Apo, ti pudno a Dios, sika ti sibibiag a Dios, ken ti agnanayon nga ari. No makapungtotka, agginggined ti daga; saan a maibturan dagiti nasion ti ungetmo. (

Jeremias 10:10 Iomraidhean Croise

Genesis 21:33

Ket ni Abraham nagmula ti maysa a salamagi idiay Beer-seba, ket inawaganna idiay ti nagan ni Jehova, a Dios nga agnanayon.

1 Ar-ari 18:39

Ket idi a ti amin nga umili nakitada, isuda nagpaclebda: ket kinunada, Ni Jehova isu ti Dios; ni Jehova isu ti Dios.

1 Ar-ari 8:60

Tapno dagiti amin a tattao iti daga maammoanda a ni Jehova isu ti Dios, nga awan sabali.

1 Cronicas 29:11

Cucuam, O Jehova, ti kinadackel, ken ti pannacabalin, ken ti gloria, ken ti balligi, ken ti kinadayag: ta amin nga adda cadagiti langlangit, ken iti daga cucuam; cucuam ti pagarian, O Jehova, ket maitan-occa a cas olo iti rabaw ti isu-amin.

2 Cronicas 15:3

Nabayag a tiempo itan, nga awan iti Israel ti napaypayso a Dios, awan ti padi a mangisursuro, ken awan ti linteg:

Ti Libro ni Job 9:6

A manggungun iti daga iti yanna, ket agpigerger dagiti monmonna;

Dagiti Salmo 10:16

Ni Jehova isu ti Ari nga agnanayon nga awan ti inggana: dagiti nasnacion mapucawdan iti dagana.

Dagiti Salmo 100:3

Ammoyo a ni Jehova, isu ti Dios: isu ti nangaramid cadatayo, ket datayo cucuanatayo; datayo ti ilina, ken carcarnero ti pagpaarabanna.

Dagiti Salmo 100:5

Ta ni Jehova naimbag; ti kinamanagayatna agnanayon, ket ti kinamatalecna agpaay cadagiti amin a caputotan.

Dagiti Salmo 104:32

Isu a taldiapanna toy daga, ket agpigerger; calbitenna dagiti banbantay, ket agasucda.

Dagiti Salmo 114:7

Agkintayegca, sica daga, iti sangoanan ti Apo, iti sangoanan ti Dios ni Jacob,

Dagiti Salmo 145:13

Ti pagariam agnanayon a pagarian, ti panagturaymo mataginayon cadagiti amin a caputotan.

Dagiti Salmo 146:6

Isu a nangaramid iti langit ken daga, ti baybay, ken amin nga adda cadacuada, isu a mangsalimetmet iti pudno nga agnanayon;

Dagiti Salmo 18:7

Iti casta ti daga nagarigengen ken nagpigerger; dagiti pamuon met dagiti banbantay nagginginedda, ket nagarigengenda, a gapu ta isu nagpungtot.

Dagiti Salmo 29:10

Ni Jehova nagtugaw a cas Ari idi layus; wen, ni Jehova agtugaw a cas Ari iti agnanayon.

Dagiti Salmo 31:5

Ita imam italecco toy cararwac: sinubbotnac, O Jehova, sica a Dios ti pudno.

Dagiti Salmo 42:2

Toy cararwac mawaw iti Dios, iti sibibiag a Dios: caano ti idadatengconto a dumatag iti saclang ti Dios?

Dagiti Salmo 68:11

Ti Apo itdenna ti sao: dagiti babbai a mangiwarnac cadagiti damdamag dackelda a buyot.

Dagiti Salmo 68:8

Ti daga nagkintayeg, dagiti met langlangit nagitinnagda iti tudo iti sangoanan ti Dios: diay Sinai nagpigerger iti saclang ti Dios, Dios ti Israel.

Dagiti Salmo 74:12

Nupay casta ti Dios isu ti Ari nanipud ugma, a mangaramid iti pannacaisalacan ditoy daga.

Dagiti Salmo 76:7

Sica, pudno a sica, pagbutbutngandaca; ket siasino ti macapagtacder iti sangoanam no agpungtotcan?

Dagiti Salmo 76:8

Impangngegmo ti keddeng manipud sadi langit; ti daga nagbuteng, ket nagmayeng,

Dagiti Salmo 77:18

Ti uni ti gurroodmo nagallicubeng iti alipugpug; dagiti kimkimat sinilnaganda toy lubong: ti daga nagarigengen ket naggingined.

Dagiti Salmo 84:2

Toy cararwac siiiliw, wen, sisesegga cadagiti paraangan ni Jehova; ti pusoc ken lasagco umumkisda iti Dios a sibibiag.

Dagiti Salmo 9:8

Ket ocomennanto a sililinteg ti lubong, aramidennanto ti panangocom a nainget cadagiti il-ili.

Dagiti Salmo 90:11

Siasino ti macaammo iti bileg ti ungetmo, ken ta pungtotmo a mayannurot iti buteng a rebbengen kenca?

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Dagiti Salmo 93:2

Ti tronom naisimpa nanipud idi ugma: sica addaca nanipud kinaagnanayon.

Dagiti Salmo 97:4

Dagiti kimkimatna sinilnaganda toy lubong: ti daga nakitana, ket nagkintayeg.

Isaias 37:17

Yallingagmo ta lapayagmo, O Jehova, ket denggem; luctam dagiti matam, O Jehova, ket kitaem; ken denggem amin dagiti sao ni Sennakerib, isu a nagbaon a mangcarit iti Dios a sibibiag.

Isaias 37:4

Nalabit a ni Jehova a Diosmo denggennanto dagiti sasao ni Rabsaces, nga imbaon ti ari ti Asiria nga apona a mangcarit iti Dios a sibibiag, ket tubngarennanto dagiti sasao a nangngeg ni Jehova a Diosmo: gapuna nga ipangatom ti cararagmo a maipaay iti tidda a nabati.

Isaias 40:15

Adtoy, dagiti nasnacion casda la sangcatedted ti maysa a timba, ken naibilangda a cas nalapat a tapoc ti timbengan: adtoy, isu iccatenna dagiti purpuro a cas maysa a bassit a banag.

Isaias 40:28

Dica aya naammoan? dica aya nangngeg? Ti agnanayon a Dios, ni Jehova, ti Namarsua cadagiti pungto ti daga, saan a cumapuy, ket di met mabannog; awan ti macasukimat iti pannacaawatna.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 65:16

Iti casta daydiay mangbendicion kencuana met laeng iti daga bendicionanto ti bagina met laeng iti Dios ti pudno; ket daydiay agsapata iti daga agsapatanto iti Dios ti pudno; agsipud ta dagiti immununa a riribuc malipatandan, ken agsipud ta isuda nailemmengda cadagiti matac.

Jeremias 23:36

Ket ti aw-awiten ni Jehova saanyonto a dacawatenen: ta ti sao met laeng ti tunggal tao isunto ti awitna, ta tiniritiryo dagiti sasao ti Dios a sibibiag, a ni Jehova dagiti buybuyot a Diostayo.

Jeremias 4:2

Ket isapatamto, Cas sibibiag ni Jehova, iti kinapudno, iti kinajusticia, ken iti kinalinteg; ken dagiti nasnacion mabendicionanda kencuana, ket kencuana agragrag-odanto.

Jeremias 4:24

Kinitac dagiti banbantay, ket adtoy, nagkintayegda, ket amin dagiti turturod naggarawda nga agsublisubli.

Jeremias 50:46

Maipuon iti daranudor iti pannacacayaw ti Babilonia ti daga agkintayeg, ket ti ickis mangngegan iti nagtengngaan dagiti nasnacion.

Jeremias 51:29

Ket ti daga agkintayeg ken agut-ut; ta dagiti panggep ni Jehova a maibusor iti Babilonia mapasingkedanda, tapno paglangalangenna ti daga a Babilonia, nga awan ti agnaed.

Daniel 4:3

Anian a nagdackel dagiti pagilasinanna! ket anian a pannacabalin dagiti nacascasdaaw nga aramidna! Ti pagarianna isu ti pagarian nga awan inggana, ket ti panagturayna manipud caputotan agingga iti caputotan.

Daniel 4:34

Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

Daniel 6:26

Mangaramidac iti bilin nga iti amin a pagturayan toy pagariac, a dagiti tattao agpigerger ken agbutengda coma iti sango ti Dios ni Daniel; ta isu ti Dios a sibibiag, ken saan a magaraw iti agnanayon, ken ti pagarianna isu a saanto a maduprac, ket iti panagturayna inggana iti panungpalan.

Daniel 6:27

Isu mangispal ken mangalaw, ket agaramid cadagiti pagilasinan ken pagsidsiddaawan sadi langit ken ditoy daga, isu a nangispal ken Daniel iti pannacabalin dagiti leon.

Daniel 7:14

Ket isu naiccan iti panagturay, ken dayag, ken maysa a pagarian, nga amin dagiti il-ili, nasnacion, ken pagsasao agservida coma kencuana: ti panagturayna agnanayon a panagturay a dinto mapalabas, ket ti pagarianna dinto maduprac.

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Mikias 1:4

Ket dagiti banbantay malunagdanto iti babaenna, ket dagiti lobong marengngatdanto, a cas iti allid iti sango ti apuy, cas dandanum a maibuyat iti maysa a derraas.

Nahum 1:5

Dagiti banbantay agkintayegda kencuana, ket dagiti turturod agrunawda; ket ti daga agcal-luyon iti saclangna, wen, ti lubong, ken isu-amin nga agnaed kencuana.

Nahum 1:6

Siasino aya ti macabalin nga agintec iti saclang ti pungtotna? ket siasino aya ti macabalin nga agtalinaed iti rungsot ti pungtotna? Ti ungetna maibuyat a cas apuy, ket dagiti batbato maburacda a mawarawara a gapu kencuana.

Habakuk 3:10

Dagiti banbantay nakitadaca, ket nagbutengda; Ti bagio dagiti dandanum naglabas; Ti yuyeng binalicasna ti timecna, Ket inngatona dagiti im-imana iti ngato.

Habakuk 3:6

Isu nagintec, ket rinucudna ti daga; Isu kimmita, ket impuruacna a nasayyasayya dagiti nasnacion; Ket dagiti agnanayon a banbantay naiwarisda; Dagiti agnanayon a turturod nagrucnoyda; Dagiti addangna cacasda la idi ugma.

Malakias 3:2

Ngem siasino ti macabalin a mangibtor iti aldaw ti yaayna? ket siasinonto ti agtacder intono agparang? ta isu cas la iti apuy ti manggugor, ken cas la sabon ti agpapuscol ti lupot:

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Mateo 26:63

Ngem ni Jesus saan a naguni. Idin daydi cangatoan a padi kinunana kencuana: Isapatam, gapu iti Dios a sibibiag, nga ibagam cadacami, no sica ti Cristo nga Anac ti Dios.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

Dagiti Aramid 14:15

Ket cuncunada: Lallaki, apayapay aramidenyo dagitoy? Tattaocami met a cas iti kinataoyo, ket ipacaammomi cadacayo ti naimbag a damag, tapno manipud cadagitoy palangguad a banag agsublicay coma iti Dios a sibibiag, a nagaramid iti langit ken daga, ken ti taaw ken ti isu-amin nga adda cadacuada:

Deuteronomio 32:4

Ti Bato, naananay ti aramidna; ta amin a dalanna kinalinteg: maysa a Dios ti kinamatalec ket awanan damca, isu awan pagcuranganna ken nalinteg.

Deuteronomio 5:26

Ta asino ti adda iti isu-amin a lasag a nacangeg iti timec ti sibibiag a Dios a nagsao nanipud ti tengnga ti apuy cas cadacami, ket nagbiag,

1 Taga-Tesalonica 1:9

Ta isuda met laeng ibagada ti maipapan cadacami, no casano ti idadatengmi cadacayo, ken no casano ti panagsubliyo iti Dios manipud cadagiti didiosen, tapno agservicayo iti Dios a sibibiag ken pudno.

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

1 Timoteo 6:17

Cadagiti nabacnang itoy lubong ibilinmo cadacuada a dida agtangtangsit, ket dida met imaldit ti inanamada cadagiti kinabacnang a pagduaduaan, no di ket iti Dios. Isu a mangted cadatayo iti nawadwad cadagiti isu-amin a pagnam-ayantayo;

Hebreo 10:31

Nacabutbuteng ti matnag cadagiti im-ima ti Dios a sibibiag.

Josue 3:10

Ket ni Josue kinunana, Ditoy maammoanyonto a ti Dios a sibibiag adda iti nagtengngaanyo, ket isu pacsiatennanto a di bumurong iti sangoyo ti Cananeo, ken ti Heteo, ken ti Heveo, ken ti Perezeo, ken ti Gergeseo, ken ti Amorreo, ken ti Jebuseo.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Uk-ukom 5:4

Jehova, idinto a sica rimmuarca manipud Seir, idi nagnaca iti away ti Edom, ti daga nagkintayeg, dagiti langlangit met nagtinnagda, wen, dagiti ul-ulep nagitinnagda iti danum.

1 Samuel 17:26

Ket ni David nagsao cadagiti lallaki a sitatacder iti sibayna, a kinunana, Ania ti maaramidto iti lalaki a mangpatay itoy a Filisteo, ket iccatenna ti pannacalais iti Israel? ta asino daytoy di nacugit a Filisteo, tapno caritenna coma dagiti buybuyot ti Dios a sibibiag?

1 Samuel 17:36

Ti adipenmo agpadpada a kinabilna ti leon ken oso: ket daytoy a di nacugit a Filisteo isunto ti cas maysa cadacuada, idinto a makitana a carcaritenna dagiti buybuyot ti Dios a sibibiag.