Jeremias 1:9 - Ti Biblia (1973)

⁹ Idin ni Jehova inyunnatna ti imana ket sinagidna ti ngiwatco; ket ni Jehova sinaona caniac: Adtoy, incabilco dagiti sasaoc dita ngiwatmo:

Ti Baro a Naimbag a Damag Biblia

⁹ Kalpasanna, sinagid ti Apo dagiti bibigko, ket kinunana kaniak, “Adtoy, ibagak kenkan ti sawem.

Jeremias 1:9 Iomraidhean Croise

Isaias 49:2

Ket inaramidna ti ngiwatco a cas maysa a campilan a natadem; liningedannac iti aniniwan ti imana: ken isu inaramidnac a maysa a napasileng nga orongan; iti taguban indulinnac:

Isaias 50:4

Ni Apo Jehova intedna caniac ti dila dagiti nasursuroan, tapno ma-ammoac coma no casano ti panagpapigsa cadagiti nabannogan babaen cadagiti sasao: isu agriing a biniganbigat, isu riingenna ti lapayagco a pagdengngeg a cas cadagiti nasursuroan.

Isaias 51:16

Ket incabilco dagiti saoc iti ngiwatmo, ken lininonganca iti aniniwan ti imac, tapno maipasdecco dagiti langlangit, ken maisaadco dagiti pamuon ti daga, ken cunaec iti Sion, Sica ti ilic.

Isaias 59:21

Ket ti maipapan caniac, daytoy isu ti tulagco cadacuada, cuna ni Jehova: ti Espirituc nga adda kenca, ken dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.

Jeremias 15:19

Gapuna castoy ti cuna ni Jehova, No agsublica, iyegcanto ngarud manen, tapno mabalinmo ti agtacder iti sangoanac; ket no isinam ti napateg iti awan pategna, sicanto ti cas ngiwatco: agsublidanto kenca, ngem saancanto nga agsubli cadacuada.

Jeremias 34:6

Iti casta ni Jeremias a mammadto sinaona amin dagitoy a sasao ken Sedekias nga ari ti Juda sadi Jerusalem,

Jeremias 36:2

Alaem ti sangcalucot a libro, ket isuratmo kencuana dagiti amin a sasao nga insaoc kenca a maibusor iti Israel, ken maibusor iti Juda, ken maibusor cadagiti amin a nacion, nanipud idi aldaw a nagsaoac kenca, nanipud cadagiti al-aldaw ni Josias agingga itoy met laeng nga aldaw.

Jeremias 5:14

Gapuna a castoy ti cuna ni Jehova, ti Dios dagiti buybuyot, Agsipud ta saoenyo daytoy a sao, adtoy, pagbalinecto nga apuy dagiti sasaoc, iti ngiwatmo, ket daytoy nga umili pagsungrod, ket lamutenanto ida.

Ezekiel 3:10

Kinunana manen caniac, Anac ti tao, dagiti amin a sasaoc a saoecto kenca awatem ita pusom, ket imdengam cadagita pagdengngegmo.

Daniel 10:10

Ket adtoy, maysa nga ima sinagidnac, ket insimpanac cadagiti tumengco ken cadagiti daculap dagiti imac.

Daniel 10:16

Ket adtoy ti maysa nga umasping cadagiti annac dagiti tattao sinagidna dagiti bibigco: idin rinugiac ti nagsao, a kinunac iti daydi nagtacder idi sangoanac, O apoc, gapu iti sirmata dagiti ladingitco nagsublida caniac, ket awan ti nabati caniac a pigsa.

Numero 23:5

Ket ni Jehova incabilna ti maysa a sao iti ngiwat ni Balaam, ket kinunana, Agsublica ken Balac ket castoy ti saoemto.

San Mateo 10:19

Ngem intono iyawatdacayo dicay agdanag no casano ti panagsaoyo wenno ania ti saoenyonto; ta iti dayta met la nga horas maitedto cadacayo no ania ti saoenyonto.

San Marcos 7:33

Ket innalana nga inlasin cadagiti adu a tao, ket inserrecna dagiti ramayna cadagiti lapayagna, ket timupra, ket sinagidna ti dilana;

San Lucas 12:12

Ta ti Espiritu Santo isuronacayto iti dayta met la nga horas no ania ti rebbengyo a saoen.

San Lucas 21:15

Ta siac iccancayto ti ngiwat ken sirib a di matngelan ken masalungasing dagiti isu-amin a cabusoryo.

Deuteronomio 18:16

Cas mayannurot iti amin a kinalicagumam ken Jehova a Diosmo idiay Horeb iti aldaw ti pannacagimgimong, a kinunam, Diac coma mangngeganen ti timec ni Jehova a Diosco, wenno diac coma makitan daytoy dackel nga apuy, tapno diac coma matay.

Deuteronomio 18:17

Ket ni Jehova kinunana caniac, Naimbag ti panangisaoda iti insawangda.

Deuteronomio 18:18

Mamangonacto cadacuada iti mammadto nga aggapu cadagiti cacabsatda, a cas kenca; ket icabilconto dagiti sasaoc iti ngiwatna, ket saoennanto cadacuada amin ti ibilinconto kencuana.