Jeremias 1:16 - Ti Biblia (1973)

¹⁶ Ket ibatadconto ti panangocomco cadacuada maipapan iti amin a kinadakesda agsipud ta naglicudandac, ken nagpuurda iti incienso cadagiti didios a sabali, ken nagcararagda cadagiti ar-aramid dagiti imada met laeng.

Ti Baro a Naimbag a Damag Biblia

¹⁶ Kastoyto ti panangdusak kadagiti nagbasol a tattao agsipud ta linaksiddak ket nagpuorda iti insenso kadagiti didiosen ken nagdaydayawda kadagiti imahen nga inaramidda.

Jeremias 1:16 Iomraidhean Croise

2 Ar-ari 22:17

Agsipud ta inidiandac idi, ket nagpupuurda iti incienso cadagiti didios a sabsabali, tapno gargariendac nga agpungtot iti isu-amin nga aramid dagiti im-imada, gapuna a ti pungtotco sumgedto a maibusor itoy a disso, ket saanto a maiddep.

2 Cronicas 15:2

Ket rimmuar a simmabet ken Asa, ket kinunana kencuana, Denggendac, Asa ken amin a Juda ken Benjamin: Ni Jehova adda cadacayo, bayat ti caaddayo kencuana; ket no isu ti sapulenyo, masaracanyonto ngem no isu ti baybay-anyo baybay-annacayto.

2 Cronicas 28:2

No di ket nagna cadagiti daldalan dagiti ar-ari ti Israel, ket inaramidna met dagiti ladladawan a sinucog a maipaay cadagiti Baales.

2 Cronicas 34:25

Agsipud ta indiandac, ket nagpupuurda iti incienso cadagiti didios a sabsabali, tapno gargariendac nga agpungtot iti isu-amin nga ar-aramid dagiti imada; gapuna a ti pungtotco maibuyat iti rabaw daytoy a disso, ket saanto a maeddep.

2 Cronicas 7:19

Ngem ket di no sumiasicayo, ket baybay-anyo dagiti ipaalagadco ken bilbilinco nga incabilco iti sangoyo, ket incayo agservi cadagiti didiosen a sabali, ket agrucbabcayo cadacuada;

Isaias 2:8

Ti daga met napno cadagiti didiosen; isuda agcararagda cadagiti aramid dagiti im-imada met laeng, nga inaramid dagiti ramramayda met laeng.

Isaias 37:19

Ken impurruacda dagiti didiosda iti apuy; ta isuda saanda a dios, no di ket aramid dagiti im-ima dagiti tattao, cayo ken bato; gapuna a dinadaelda ida.

Isaias 44:15

Ket iti casta aramatento ti maysa a tao a pangpuur: ket mangala ket aginudo; wen, isu ti pasgedanna, ken agluto iti tinapay; wen, iti daydiay mangaramid iti maysa a dios, ket pagdayawanna: isu ti aramidenna a maysa a kinitikitan a ladawan, ket pagparintumenganna.

Isaias 65:3

Maysa nga ili a siaagnanayon a manggargari caniac iti imparupa, nga agidaton iti uneg dagiti minuyongan, ken agpuur ti incienso iti rabaw dagiti ladrillo;

Jeremias 10:15

Barengbarengda, aramid nga allilaw: iti pannawen a pannacasarungcarda mapucawdanto.

Jeremias 10:3

Ta dagiti cadcadawyan dagiti il-ili barengbarengda; ta adda mangpucan ti maysa a cayo iti bakir, gapuanan dagiti im-ima ti agwaswasay a lalaki.

Jeremias 11:12

Iti casta dagiti il-ili ti Juda ken dagiti agnaed iti Jerusalem mapandanto nga umawag cadagiti didiosen isuda a pangidatonanda iti incienso: ngem didanto ida isalacan a pulos iti pannawen ti rigatda.

Jeremias 11:17

Ta ni Jehova dagiti buybuyot, a nangimula kenca, imbalicasna ti dakes a maibusor kenca, a gapu iti kinadakes iti balay ti Israel ken iti balay ti Juda, isu a nagaramidda a maipaay cadacuada met laeng iti pananggargari caniac nga agpungtot iti panangidatonda iti incienso ken Baal.

Jeremias 15:6

Sica binaybay-annac, cuna ni Jehova, nagsunodca: gapuna nga inyunnatco ti imac a maibusor kenca, ket dinadaelca; nabannogac nga agigawgawid.

Jeremias 16:11

Cunamto ngarud cadacuada, Agsipud ta dagiti ammayo naglicudandac, cuna ni Jehova, ket simmurotda cadagiti sabali a diosen, ket nagservida cadacuada ken nagrucbabda cadacuada, ket naglicudandac, ket dida inannurot ti lintegco;

Jeremias 17:13

O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.

Jeremias 18:15

Ta ti ilic linipatannac, nagpuurda ti incienso cadagiti saan a pudno a dios; ket pinaitibcolda cadagiti dalanda, cadagiti daan a dandana, tapno magnada cadagiti dandana, iti maysa a dalan a saan a nagaburan;

Jeremias 19:4

Agsipud ta binaybay-andac, ken insabalida daytoy a disso, ken nangpuurda iti incienso kencuana cadagiti sabali a diosen a dida naammoan, isuda ken dagiti ammada ken dagiti ar-ari ti Juda, ket pinunnoda daytoy a disso iti dara dagiti awan basolda,

Jeremias 2:13

Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Jeremias 2:17

Saanmo aya a nagunodan daytoy kenca met laeng, idi naglicudam ni Jehova a Diosmo, idi iturturongnaca iti dalan?

Jeremias 2:19

Ta kinadakesmo met laeng bagbagaandacanto, ket dagiti panaglicudmo tubngarennacanto: ammoem ngarud ket kitaem nga isu dakes a banag ken napait ta naglicudca ken Jehova a Diosmo, ken awan kenca ti panagraem caniac, cuna ti Apo, ni Jehova dagiti buybuyot.

Jeremias 2:28

Ket sadino ti yanda dagiti didiosemo a binangonmo a maipaay kenca? Bumangonda coma, ta bareng maisalacandaca iti pacatutuocam: ta no casano ti bilang dagiti il-ilim, O Juda, castamet ti bilang dagiti didiosmo.

Jeremias 4:12

Maysa a napigpigsa nga angin nga aggapu cadagitoy umayto caniac: ita iyebcasconto met ti panangocom a maibusor cadacuada.

Jeremias 4:28

Gapu iti daytoy ti daga agladingitto, ken dagiti langlangit iti ngato agngisitdanto; agsipud ta sinaoc, ken pinanggepco, ket diac imbabawi, ket diacto met agsunod.

Jeremias 44:17

No di ket tungpalenminto a di-bumurong ti tunggal sao a rimmuaren iti ngiwatmi, a mangpuur iti incienso iti reina ti langit, ken mangibuyat cadagiti datdaton a mainum kencuana, a cas inaramidmin, dacami ken dagiti ammami, dagiti ar-ari ken piprincipe cadagiti il-ili ti Juda, ken cadagiti lanlansangan ti Jerusalem; ta iti daydi umanayen ti taraonmi, ken nacaradcadcami, ket awan ti nakitami a dakes.

Jeremias 5:29

Saanacto aya a sumaruncar gapu cadagitoy a banbanag? cuna ni Jehova; saanto aya a maibalesan ti cararuac iti maysa a nacion a cas itoy?

Jeremias 5:9

Saanacto aya a sumarungcar maipuon cadagitoy a banbanag? cuna ni Jehova; ket saanto aya a maibalesan ti cararuac iti maysa a nacion a cas daytoy?

Jeremias 51:17

Tunggal tao agbalin a nacuneng ket awan ti ammona; tunggal mammanday iti balitoc mabainan gapu iti ladawan nga aramidenna, ta ti sinucog a ladawan ulbod, ket awan ti anges cadacuada.

Jeremias 7:17

Saanmo aya a makita no ania ti aramidenda cadagiti il-ili ti Juda ken cadagiti lanlansangan ti Jerusalem?

Jeremias 7:18

Dagiti annac agurnongda iti pagsungrod, ket dagiti amma gangatanda ti apuy, ket dagiti babbai masaenda ti gamay, tapno aramidenda dagiti bibingca a maipaay iti reina ti langit, ken mangibuyatda cadagiti datdaton a mainum cadagiti sabali a diosen, tapno gargariendac nga agpungtot.

Jeremias 7:9

Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Ezekiel 16:18

Ket innalam dagiti cawesmo a nabordaan, ket inabbongam ida, ket incabilmo ti lanac ken inciensoc iti sangoananda.

Ezekiel 24:14

Siac ni Jehova, sinaoc: ket maaramidto, ket aramidecto; saanacto nga agsunod, ket diacto met isakit, ken saanacto met nga agbabawi; cas mayalubog cadagiti dalanmo, ken cas mayannugot cadagiti aramidmo, isuda ocomendacanto, cuna ni Apo Jehova.

Oseas 11:2

No casano caadu ti panangayab dagiti mammadto cadacuada, adadu pay ti yaadayuda cadacuada, nagidatdatonda cadagiti Baales, ket nagpuurda iti incienso cadagiti kinitikitan a ladladawan.

Oseas 8:6

Ta naggapu iti Israel met laeng daytoy, isu inaramid ti managaramid, ket saan a ti Dios; wen, maburburacto ti urbon a vaca ti Samaria.

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Dagiti Aramid 7:41

Ket nangaramidda ti maysa a sinan urbon ti vaca, cadagidi nga aldaw, ket nangidayada ti daton iti ladawan a diosen ket nagayayatanda dagidi aramid dagiti imimada met laeng.

Deuteronomio 28:20

Ni Jehova ibaonnanto kenca ti lunod, ti pannacariribuc, ken babalaw, iti amin a pangaramatam iti imam nga aramiden, inggana iti madadaelca, ken inggana iti mapucawca daras; maipuon iti cadakes dagiti aramidmo a nagtagubayaam caniac.

Deuteronomio 31:16

Ket ni Jehova kinunana ken Moises, Adtoy, makiturogcanto cadagiti ammam: ket daytoy nga ili tumacderdanto ken makibalangcantisdanto cadagiti sabsabali a didios ti daga a papananda tapno maibaet cadacuada, ket baybay-andacto ket labsingendanto ti tulagco nga inwayangco cadacuada.

Josue 24:20

No idianyo ni Jehova, ket agservicayonto cadagiti sabsabali a didios, isu ti panagbaw-ingnanton ket agaramidto cadacayo iti dakes, ket runawennacayto iti calpasan daydi panagaramidna iti imbag cadacayo.

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.