Jeremias 1:10 - Ti Biblia (1973)

¹⁰ Kitaem, ta insaadca iti daytoy nga aldaw cadagiti nasnacion ken cadagiti pagpagarian, a mangparut ken mangrebba a mangdadael ken mangparmec, a mangbangon ken mangimula.

Ti Baro a Naimbag a Damag Biblia

¹⁰ Ita nga aldaw, ikkanka iti pannakabalin a mangituray kadagiti pagilian ken pagarian, nga agparut ken agrakrak, agdadael ken agparmek, agbangon ken agmula.”

Jeremias 1:10 Iomraidhean Croise

1 Ar-ari 17:1

Ket ni Elias a Tisbita, isu a maysa cadagiti agyan sadi Galaad, kinunana ken Acab, Cas ni Jehova, a Dios ti Israel sibibiag, nga ti sangona agtatacderac, awanto ti linnaaw uray tudo cadagitoy a tawtawen, no saan laeng a mayannurot iti saoc.

1 Ar-ari 19:17

Ket maaramidto, a ti macatalaw iti campilan ni Hazael papatayento ni Jehu; ket ti macatalaw iti campilan ni Jehu papatayento ni Eliseo.

Eclesiastes 3:3

Pannawen ti panangpapatay, ken pannawen ti panangagas; pannawen ti panangrugpo, ken pannawen ti panangbangon;

Jeremias 1:5

Casacbayan ti panangbukelco kenca iti tian nabigbigancan, ket idi casangoanan ti pannacaipasngaymo sinantificarca; tinudinganca a mammadto cadagiti nasnacion.

Jeremias 24:6

Ta ikitacto dagiti matac cadacuada a maipaay iti imbag, ket iyegconto ida manen ditoy a daga: ket bangonecto ida, a diac ida ipababa; ket imulacto ida, a diacto ida paruten.

Jeremias 25:13

Ket iyegconto iti dayta a daga amin dagiti sasaoc isuda a binalicasco a maibusor kencuana, wen, isu-amin met laeng a naisurat ditoy a libro, isu nga impadto ni Jeremias a maibusor cadagitoy amin a nacion.

Jeremias 31:28

Ket maaramidto a cas iti panangaywanco idi, a mangparut ken mangrugpo, ken mangrebba, ken mangdadael, ken mangpasagaba cadacuada; castanto ti panangaywanco a mangibangon, ken agmula cadacuada, cuna ni Jehova.

Jeremias 31:40

Ket ti amin a lobong dagiti bangcay, ken dagiti dapdapo, ken amin a taltalon agingga iti waig a Cedron, agingga ti suli ti ruangan ti cabayo nga agpadaya, nasantoanto ken Jehova; isu saanto a maparut, ket saanto met a marugpo iti agnanayon.

Jeremias 36:2

Alaem ti sangcalucot a libro, ket isuratmo kencuana dagiti amin a sasao nga insaoc kenca a maibusor iti Israel, ken maibusor iti Juda, ken maibusor cadagiti amin a nacion, nanipud idi aldaw a nagsaoac kenca, nanipud cadagiti al-aldaw ni Josias agingga itoy met laeng nga aldaw.

Jeremias 44:27

Adtoy, bantayac ida a maipaay iti dakes, ket saan a maipaay iti imbag; ket dagiti amin a lalaki ti Juda nga adda iti daga nga Egipto maibusdanto babaen ti campilan ken iti bisin, inggana iti panungpalanda.

Jeremias 45:4

Castoy ti cunamto kencuana, Castoy ti cuna ni Jehova: Adtoy ti binangonco, rugpoecto, ket ti immulac parutecto; ket castoy iti amin a daga.

Ezekiel 21:19

Castamet, sica anac ti tao, mangdutocca iti dua a dalan, tapno umay coma ti campilan ti ari ti Babilonia; isuda a dua aggapuda iti maysa a daga: ket mangtandaca iti maysa a disso, isu tandaam iti oloanan ti dalan nga agturong iti ili.

Ezekiel 23:36

Ni Jehova kinunana pay caniac: Anac ti tao, ocomemto aya da Ahola ken Aholiba? ipalawagmo ngarud cadacuada dagiti kinarimonda.

Ezekiel 32:18

Anac ti tao, agdung-awca a maipaay iti umariwecwec ti Egipto, ket ipurruacmo ida, isu met laeng ken dagiti annac a babbai dagiti agdindinamag a nasnacion, agingga cadagiti nababa a paspaset ti daga, agraman cadagidiay bumaba iti dariwangwang.

Ezekiel 36:36

Iti casta dagiti nasnacion a nabati iti aglicmut cadacayo, mabigbigdanto a siac, ni Jehova, binangonco dagiti narbec a disso, ken minulaac daydiay langalang: Siac, ni Jehova, insaoc, ket isu aramidecto.

Ezekiel 43:3

Ket isu cas la iti langa ti sirmata a nakitac, wen, cas iti sirmata a nakitac idi immayac a mangdadael iti ili; ket dagiti sirmata umaspingda iti sirmata a nakitac iti denna ti carayan a Kebar; ket nagpaclebac.

Oseas 6:5

Gapuna tinagaac ida babaen cadagiti mammadto, pinatayco ida cadagiti sasao ti ngiwatco: ket dagiti panangocomco casda lawag nga agparang.

Amos 3:7

Kinapudnona awanto ti aramiden ni Apo Jehova a dinto maipalgac ti palimedna cadagiti adipenna, dagiti mammadto.

Amos 9:11

Iti daydiay nga aldaw, siac ibangonconto ti tabernaculo ni David a natuang, ket sullatacto dagiti gutbawna; ket ipatacderconto dagiti nadadael, ket bangonecto a cas idi punganay.

Zacarias 1:6

Ngem dagiti saoc ken bilinco, nga imbilinco cadagiti adipenco a mammadto, saanda aya a nacagteng cadagiti ammayo? ket isuda nagsublida ket kinunada, Cas pinanggep ni Jehova dagiti buybuyot, nga aramiden cadatayo, iti mayalubog cadagiti daldalantayo, ken mayannurot cadagiti ar-aramidtayo, casta ti inaramidna cadatayo.