Genesis 9:3 - Ti Biblia (1973)

³ Amin nga aggaraw a sibibiag agpaaydanto a taraonyo; cas iti nalasbang a nateng intedcon amin cadacayo.

Ti Baro a Naimbag a Damag Biblia

³ Ita, mabalinyo a kanen dagitoy, kasta met dagiti nalangto a mula. Itedko amin dagitoy a taraonyo.

Genesis 9:3 Iomraidhean Croise

Genesis 9:2

Ket ti panagbuteng cadacayo, ken ti panagames cadacayo addanto cadagiti amin nga animal iti daga, ken cadagiti amin a tumatayab iti tangatang; agraman amin nga aggaraw iti daga, ken amin nga ic-ican ti taaw, cadagiti imayo mayawatda.

Levitico 22:8

Ti natay latta wenno rinangcay ti animal a narungsot, saannanto a canen a pangmulit iti bagina: siac ni Jehova.

Taga-Roma 14:14

Ammoc ket capcapnecac ken Apo Jesus, nga awan ti adda a casisigudna ti narugit; ngem iti mangipapan nga adda aniaman a narugit, narugit kencuana.

Taga-Roma 14:17

Ta ti pagarian ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo.

Taga-Roma 14:20

Saanmo a racraken, gapu iti taraonmo, ti aramid ti Dios. Dagiti isu-amin a banbanag nadalusda a pudno; nupay casta, dakesda no ti pannangan ti tao, pacaitibcolan.

Taga-Roma 14:3

Ti mangan, saanna coma nga umsien ti saan a mangan; ket ti saan a mangan, dina babalawen ti mangan; ta isu inawat ti Dios.

1 Taga-Corinto 10:23

Dagiti amin a banag maipalubosda ngem saanda a maipaay amin. Dagiti amin a banag maipalubosda, ngem saanda a maipaay amin a mamatibker.

1 Taga-Corinto 10:31

Gapuna, uray mangancayo, uray uminumcayo, wenno uray ania nga aramidenyo, aramidenyo amin a maipaay iti dayaw ti Dios.

Deuteronomio 12:15

Nupay casta, mabalinmo ti agparti ken mangan ti lasag iti uneg ti amin a ruruanganmo, amin a cas ti calicaguman ti cararuam a mayannurot iti bendicion ni Jehova a Diosmo, isu nga impaayna kenca: ti di-nadalus, ken ti nadalus mabalinna ti mangan iti daydiay, cas iti gacela ken cas iti ugsa.

Taga-Colosas 2:16

Dicay coma ngarud paocom iti siasinoman no maipapan iti pannangan wenno iyiinum, wenno maipapan iti aldaw ti fiesta, wenno luttuad, wenno aldaw a panaginana: