Genesis 7:9 - Ti Biblia (1973)

⁹ Sinagduduada a simrec ken Noe iti daong, lalaki ken babai, cas imbilin ti Dios ken Noe.

Genesis 7:9 Iomraidhean Croise

Genesis 2:19

Ni Jehova Dios binukelna iti daga amin nga an-animal iti daga, ken amin a tumatayab cadagiti langit; ket inyegna ida iti tao tapno makitana no casano ti panangpanaganna cadacuada: ket cas ti pinangnagan ti tao iti amin a parsua a sibibiag, dayta isu ti naganna.

Genesis 6:22

Casta ti inaramid ni Noe; cas mayanatup iti amin nga imbilin ti Dios kencuana, casta ti inaramidna.

Genesis 7:10

Ket naaramid nga, idi nalpas ti pito nga aldaw, dagiti danum ti layus addada idi iti rabaw ti daga.

Genesis 7:15

Ket napanda ken Noe iti daong a sinagdudua ti amin a lasag nga addaan anges ti biag.

Genesis 7:16

Ket dagiti simrec, simrecda a lalaki ken babai ti amin a lasag, cas imbilin idi ti Dios kencuana: ket isu inrikepan ni Jehova.

Genesis 7:8

Cadagiti an-animal a nadalus, ken cadagiti saan a nadalus nga animal, ken cadagiti tumatayab, ken amin nga aguy-uyas iti rabaw ti daga.

Isaias 65:25

Ti lobo ken ti cordero aglanglangdanto nga agarab, ket ti leon manganto iti garami a cas iti vaca; ket ti tapoc isunto ti canen ti uleg. Didanto mangranggas, didanto met mangdadael iti amin a nasantoan a bantayco, cuna ni Jehova.

Jeremias 8:7

Wen, ti cannaway cadagiti langlangit ammona dagiti nakedngan a pannawenna; ket ti pagaw ken ti sallapingaw ken ti tipor annurutenda ti pannawen ti yaayda: ngem ti ilic saanna nga ammo ti linteg ni Jehova.

Taga-Galacia 3:28

Kencuana awan ti Judio ken Griego, awan ti adipen wenno agwayawaya, awan lalaki wenno babai; ta dacayo amin maymaysacayo ken Cristo Jesus.

Taga-Colosas 3:11

A kencuana awan ti Griego ken Judio, pannacacugit ken di pannacacugit uray gangannaet, uray Escita, uray adipen ken agwayawaya; no di ket ni Cristo ti isu-amin ket adda cadagiti isu-amin.