Genesis 7:8 - Ti Biblia (1973)

⁸ Cadagiti an-animal a nadalus, ken cadagiti saan a nadalus nga animal, ken cadagiti tumatayab, ken amin nga aguy-uyas iti rabaw ti daga.

Ti Baro a Naimbag a Damag Biblia

^8-9 Kas imbilin ti Dios, inkuyogna ti pagassawaan ti amin a kita ti animal ken tumatayab, maibilangda man a nadalus wenno saan.

Genesis 7:8 Iomraidhean Croise

Genesis 6:19

Ket iti amin nga lasag nga addaan biag dua iti tumunggal maysa a kita ipastrecmonto iti daong, tapno aluadam ida a sibibiag agraman kenca; isudanto lalaki ken babai.

Genesis 6:20

Cadagiti tumatayab a mayalubog iti cakitada, ken cadagiti an-animal a mayalubog iti cakitada, ken cadagiti amin nga agay-ayam a mayalubog iti cakitada, dua iti tumunggal maysa a kita ipastrecmonto tapno aluadam nga agbiagda.

Genesis 7:14

Isuda, ken amin nga an-animal a narungsot a mayalubog iti cakitada, ken amin nga agay-ayam nga aguy-uyas iti rabaw ti daga a mayalubog iti cakitada ken amin a tumatayab a mayalubog iti cakitada, iti amin a cakita.

Genesis 7:2

Iti amin nga animal a nadalus mangalacanto iti sinagpipito, ti calakian ken ti cabaiyanna; ket cadagiti animal a saan a nadalus, dua, ti calakian ken ti cabaiyanna:

Genesis 7:3

Casta met cadagiti tumatayab cadagiti langit, sinagpipito, cawitan ken upa, tapno mabatida a sibibiag nga agputot iti rabaw ti amin a daga.

Genesis 7:9

Sinagduduada a simrec ken Noe iti daong, lalaki ken babai, cas imbilin ti Dios ken Noe.

Dagiti Aramid 10:12

Ket adda kencuana amin a kita dagiti nagsaca ti uppat, ken agcarcarayam iti daga ken dagiti tumatayab iti tangatang.