Genesis 7:7 - Ti Biblia (1973)

⁷ Ket simrec ni Noe, ken dagiti annacna a lallaki, ken ti asawana, ken dagiti assawa dagiti annacna a naicuyug kencuana, iti daong, a maipoon cadagiti dandanum ti layus.

Ti Baro a Naimbag a Damag Biblia

⁷ Naglugan ngarud iti daong a kaduana ti asawana, dagiti annakna ken dagiti assawada tapno malisianda ti layus.

Genesis 7:7 Iomraidhean Croise

Genesis 6:18

Ngem siac bangonecto ti tulagco kenca; ket sumreccanto iti daong, sica ken dagiti annacmo a lallaki, ken ti asawam, ken dagiti assawa dagiti annacmo a lallaki a maicuyog kenca.

Genesis 7:1

Ket ni Jehova kinunana ken Noe, Sumrecca ken amin a cabbalaymo iti daong; ta nakitaca a nalinteg iti sangoanac itoy a caputotan.

Dagiti Proverbio 22:3

Ti manakem a tao madlawna ti dakes, ket aglemmeng; ngem ti nanengneng aglayon laeng ket agsagaba.

San Mateo 24:38

Ta cas cadagiti aldaw nga casangoanan ti layus, addada a mangmangan ken umininum, mangasasawa ken makias-asawa agingga iti aldaw ti iseserrec ni Noe idi daong.

San Lucas 17:27

Manganda idi, aginumda, mangasawada, ken makiasawada agingga iti aldaw nga iseserrec ni Noe iti daong: ket immay ti layus ket pinucawna amin ida.

Hebreo 11:7

Gapu iti pammati ni Noe, idi a binalacadan ti Dios: iti maipapan cadagiti banbanag a di pay makita idi, natignay iti siraraem a panagbuteng, nangisagana ti maysa a daong a pacaisalacanan ti balayna; ket gapu iti daytoy, binabalawna ti lubong, ket isu naaramid a nagtawid iti kinalinteg a mayannurot iti pammati.

Hebreo 6:18

Tapno gapu cadagiti dua a banag a di agbalbaliw, isu a saan a nabalin a pagulbodan ti Dios, adda maysa a napigsa a pagbilgantayo, datayo a nagtalaw tapno agcamangtayo, babaen ti panginanamaan a naicabil iti sangoanantayo:

1 Pedro 3:20

Dagidiay nga nasukirda idi unana nga aldaw idi agururay ti atiddug nga anus ti Dios, cadagidi aldaw ni Noe, idi maisagsagana pay di daong; isu a nacaisalacanan dagiti bassit, gapu iti danum, cayatna a saoen, walo a cararua;

2 Pedro 2:5

Ket no saanna a pinacawan day di cadaanan a lubong, ngem ingagana ni Noe a nangicascasaba iti kinalinteg, agraman cadagiti pito a sabsabali idi pinaglayusna iti lubong dagiti managdacdakes;