Genesis 6:7 - Ti Biblia (1973)

⁷ Ket kinuna ni Jehova, Pucawecto iti langa ti daga ti tao a pinarsuac; tao man ken animal, ken dagiti agcarcarayam, ken dagiti tumatayab cadagiti langit; ta naladingitac a nangaramid cadacuada.

Ti Baro a Naimbag a Damag Biblia

⁷ Kinuna ni Yahweh, “Pukawek dagitoy a tattao a pinarsuak, dagiti animal ken dagiti tumatayab. Agbabawiak a nangaramid kadakuada.”

Genesis 6:7 Iomraidhean Croise

Genesis 6:6

Ket napaladingit ni Jehova iti pinangaramidna iti tao iti daga, ket napasennaay ti pusona.

Genesis 7:21

Ket natay amin a lasag a naggunay iti rabaw ti daga, uray tumatayab ken an-animal a naamo, ken an-animal a narungsot ket amin nga agay-ayam nga aguy-uyas iti daga, ken amin a tao:

Genesis 7:4

Ta apaman a mapalabes ti pito nga aldaw, siac pagtudoecto iti rabaw ti daga cadagiti uppat a pulo nga aldaw ken uppat a pulo a rabii ket ti amin a nabiag nga inaramidco pucawecto iti langa ti daga.

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Dagiti Salmo 37:20

Ngem dagiti nadangkes mapucawdanto, ket dagiti cabusor ni Jehova casdanto la taba dagiti carnero: marunawdanto; cas asuc maawandanto.

Dagiti Proverbio 10:27

Ti panagbuteng ken ni Jehova nayunanna dagiti al-aldaw; ngem dagiti tawtawen ti nadangkes mapaababadanto.

Dagiti Proverbio 16:4

Ni Jehova inaramidna tunggal banag iti pacaipaayanna; wen, uray dagiti nadangkes a maipaay iti aldaw ti ranggas.

Isaias 27:11

Intono dagiti sangana magangoda, masepacdanto; dagiti babbai umaydanto, ket puuranda ida; ta isu umili nga awan ti pannacaawatna: gapuna; a ti nangaramid cadacuada awanto ti caasina cadacuada, ken ti nangbukel cadacuada dinanto ipakitaan ida iti parabur.

Oseas 4:3

Gapuna nga agpanesto ti daga, ket amin dagiti agtaeng kencuana cumapuydanto, agraman cadagiti an-animal ti away ken dagiti tumatayab iti tangatang; wen dagiti ic-ican ti baybay met maiccatdanto.

Amos 7:3

Imbabawi ni Jehova daytoy: Saanto a mapatuloy, cuna ni Jehova.

Amos 7:6

Imbabawi ni Jehova daytoy: Uray daytoy saanto a casta, cuna ni Apo Jehova.

Sofonias 1:18

Uray ti piracda uray ti balitocda didanto mabalin ti mangispal cadacuada iti aldaw ti pungtot ni Jehova; ngem ti isu-amin a daga malamutto iti apuy ti imonna: ta aramidennanto ti panungpalan, wen, nacakigkigtot a panungpalan, ti isu-amin nga agnaed iti daga.

Sofonias 1:2

Siac ikisapconto dagiti isu-amin a banbanag iti rabaw ti daga, cuna ni Jehova.

Sofonias 1:3

Ibusecto ti tao ken animal; ibusecto dagiti tumatayab ti langit, ken dagitiicican ti taaw, ken dagiti pacaitibcolan cadagiti nadangkes; ket dadaelecto ti tao iti rabaw ti daga, cuna ni Jehova.

Deuteronomio 28:63

Ket maaramidto a, cas ti panagragsac ni Jehova iti panangpaimbagna kenca, ken panangpaaduna kenca, casta ti panagragsacto ni Jehova iti panangdadaelna kenca, ken iti panangpucawna kenca; ket dacayo maparotcayto iti daga a sercam a pagtagicuaan.

Deuteronomio 29:20

Ni Jehova dinanto pacawanen dayta a tao, ngem ti pungtot ni Jehova ken ti imunna umasucdanto a maibusor iti dayta a tao, ket amin a lunod a naisurat iti daytoy a libro agdissodanto kencuana, ket ni Jehova punasennanto ti naganna iti baba ti langit.

1 Samuel 15:11

Pagbabawiennac ti panangisaadco idi ken Saul nga agari; ta isu timmallicod manipud iti isusurotna caniac, ket dina tinungpal dagiti bilbilinco. Ket ni Samuel nagpungtot; ket immasug ken Jehova iti nagpatnag iti daydi a rabii.