Genesis 6:5 - Ti Biblia (1973)

⁵ Ket nakita ni Jehova nga ti kinadakes ti tao dackel iti daga, ken amin nga arapaap dagiti panunot ti pusona dakes la a cancanayon.

Ti Baro a Naimbag a Damag Biblia

⁵ Nakita ni Yahweh a nalabesen ti kinadakes dagiti tattao iti daga ket bin-ig a kinadakes ti pampanunotenda.

Genesis 6:5 Iomraidhean Croise

Genesis 13:13

Ket dagiti tattao a taga Sodoma dakesda idi ken managbasolda unay a maibusor ken Jehova.

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Ti Libro ni Job 15:16

Ad-adda pay ti maysa a macarimon ken agrupsa, ti maysa a tao a manginum iti kinadangcoc a cas la danum!

Ti Libro ni Job 22:15

Salimetmetamto aya ti daan a dalan, a nagnaan dagiti nadangcoc a tattao?

Dagiti Salmo 53:2

Ti Dios tinan-awanna manipud sadi langit dagiti annac dagiti tattao, tapno kitaenna no adda maysa a nacapanunot, a nangbiroc iti Dios.

Dagiti Proverbio 6:18

Puso nga agpacpakinakem cadagiti nadangkes a panggepen, sacsaca a nacarting a tumaray iti panangranggas,

Eclesiastes 7:29

Adtoy, daytoy laeng ti nasaracac: a ti Dios inaramidna dagiti tattao a nalinteg; ngem isuda nasaracanda dagiti adu a palpaltuad.

Eclesiastes 9:3

Daytoy isu ti maysa a dakes iti amin a maaramid iti baba ti init, nga adda maysa a banag a mapasamac iti isu-amin; wen, casta met ti puso dagiti annac dagiti tattao napno iti dakes, ket kinamauyong ti adda iti pusoda bayat ti panagbiagda, ket calpasanna mapanda cadagiti natayen.

Jeremias 17:9

Ti puso manangallilaw a nacarcaro ngem dagiti amin a banag, ket isu napalalo a nagdakes; asino ti macaamo kencuana?

Jeremias 4:14

O Jerusalem, dalusam ti pusom iti kinadakes, tapno maisalacanca. Casano ti cabayag ti panagtalinaedda kenca, dagiti dakes a pampanunotmo?

Ezekiel 8:12

Idin kinunana caniac, Anac ti tao, nakitam ti aramiden dagiti lallacay iti balay ti Israel iti sipnget, tunggal maysa a tao iti siledna addaan didiosenna? ta cunada, dinatayo makita ni Jehova; ni Jehova binaybay-anna ti daga.

Ezekiel 8:9

Ket kinunana caniac, sumrecca, ket kitaem dagiti dakes a kinarimon nga aramidenda ditoy.

San Mateo 15:19

Ta iti puso rummuar dagiti dakes a panunot, pammapatay, pannakicamalala, ab-abig, tactacaw, naulbod a manangsacsi, tabtabaaw iti Dios;

San Mateo 24:37

Ket cas cadagiti aldaw ni Noe, castanto ti yaay toy Anac ti tao.

San Lucas 17:26

Ket no casano ti naaramid cadagiti aldaw ni Noe, castanto met cadagiti aldaw ti Anac ti tao.

Deuteronomio 29:19

Ket maaramid a, no denggenna dagiti sasao daytoy a lunod, a bendicionanna ti bagina met laeng iti pusona, a cunana, Natalnaacto, uray magnaac iti kinasungit ti pusoc a mangdadael iti nadam-eg agraman ti namaga.

Tito 3:3

Ta nacunengtayo met idi naminsan, nasukir, naal-lilaw, a nagtulnogtayo cadagiti nadumaduma a kinagaramugam ken ragragsac; a nagbiagtay iti kinadakes ken apal, a mannakigura a naggiginnuratayo.

1 Pedro 3:20

Dagidiay nga nasukirda idi unana nga aldaw idi agururay ti atiddug nga anus ti Dios, cadagidi aldaw ni Noe, idi maisagsagana pay di daong; isu a nacaisalacanan dagiti bassit, gapu iti danum, cayatna a saoen, walo a cararua;