Genesis 6:3 - Ti Biblia (1973)

³ Ket kinuna ni Jehova, Ti Espirituc saanto a cancanayon a mangbabalaw iti tao, ta isu ngarud linalasag: nupay casta dagitinto aldawna sangagasut ket duapulo a tawen.

Ti Baro a Naimbag a Damag Biblia

³ Kinuna ni Yahweh, “Diak ipalubos nga agbiag iti agnanayon dagiti tattao ta tattaoda laeng a matay. Manipud ita, saanen a nasursurok ngem 120 a tawen ti madanonda a panagbiag.”

Genesis 6:3 Iomraidhean Croise

Genesis 6:2

Nga idi dagiti lallaki nga annac ti Dios nakitada ti kinapintas dagiti babbai nga annac dagiti tattao pimmilida cadacuada, dagiti kinayatda, nga asawaenda.

Nehemias 9:30

Nupay casta inanusam ida bayat iti adu a tawen, ket nangpanecnecca a maibusor cadacuada gapu iti Espiritum iti pannacaaramat dagiti mammadtom: nupay casta dida kinayat ti nangipangag; gapuna nga intedmo ida iti ima dagiti tattao cadagiti dagdaga.

Dagiti Salmo 78:39

Ket linaglagipna nga isuda lasagda laeng, angin a lumabas, ket saan nga agsublin.

Dagiti Salmo 90:10

Dagiti al-aldaw dagiti tawenmi pitopuloda a tawen, wenno agpapan pay gapu iti kinabileg walopulo a tawen; nupay casta ti laeng sagudayda bannog ken ladingit; ta lumabas nga apagbiit, ket tumayabcamin.

Isaias 5:4

Ania aya ti nabalin a naaramid pay coma iti cauvasac, a diac inaramid kencuana? ania ti gapuna, nga idi nga ur-urayec a mangpataud coma cadagiti uvas, isu namataud cadagiti uvas nga atap?

Isaias 57:16

Ta diacto makisusic iti agnanayon, diacto met agpungtot iti agnanayon; ta ti espiritu mapacsuyan coma iti sangoanac, ken dagiti carcararua nga inaramidco.

Isaias 63:10

Ngem isuda immalsada, ket pinaladingitda ti nasantoan nga Espirituna: gapuna nga isu nagbalin a cabusorda, ket isu met laeng nakibacal a maibusor cadacuada.

Jeremias 11:11

Gapuna castoy ti cuna ni Jehova, Adtoy, iyegconto ti dakes cadacuada, isu a saandanto a maliclican; ket umawagdanto caniac, ngem diacto ipangag ida.

Jeremias 11:7

Ta simmuppiatac a siaanep cadagiti ammayo idi aldaw nga inaonco ida iti daga ti Egipto, agingga met laeng iti daytoy nga aldaw, a bimmangonac a nasapa ket simmuppiatac, a kinunac, Tungpalenyo ti timecco.

Numero 11:17

Ket siac bumabaacto, ket makisaoacto kenca idiay; ket mangalaacto iti Espiritu nga adda kenca ket icabilconto cadacuada; ket makipagawitdanto kenca iti awit ti ili, tapno dica agmaymaysa a mangawit.

San Juan 3:6

Ti mayanac iti lasag, isu lasag; ket ti mayanac iti Espiritu, isu espiritu.

Dagiti Aramid 7:51

O dacayo a natangken a teltel ken saan a nacugit iti puso ken pagdengngeg; agnanayon a sukirenyo ti Espiritu Santo: no casano dagidi ammayo castacay met.

1 Taga-Tesalonica 5:19

Saanyo nga iddepen ti Espiritu;