Genesis 5:5 - Ti Biblia (1973)

⁵ Ket ti dagup dagiti aldaw ni Adan siam a gasut ket tallopulo a tawen: ket calpasanna natay.

Ti Baro a Naimbag a Damag Biblia

⁵ Natay idi agtawen iti 930.

Genesis 5:5 Iomraidhean Croise

Genesis 3:19

Babaen ti linget ta rupam mangancanto ti taraon, aginga't dica agsubli iti daga; isu a nacabuclam: ta tapucca, ket iti tapuc agsublicanto.

Genesis 5:11

Ket dagup dagiti aldaw ni Enos siam a gasut ket lima a tawen: ket calpasanna natay.

Genesis 5:4

Ket dagiti aldaw ni Adan, calpasan ti panangputotna ken Set, walogasut a tawen: ket pinutotna dagiti annac a lallaki ken babbai.

Genesis 5:6

Ket nagbiag ni Set iti sangagasut ket lima a tawen, ket pinutotna ni Enos:

Genesis 5:8

Ket ti dagup dagiti aldaw ni Set siam a gasut, sangapulo ket dua a tawen: ket calpasanna natay.

2 Samuel 14:14

Ta mataytayto a di bumurong, ken castayto la danum a maibucboc iti daga, a di mabalin a urnongen manen; uray ti Dios dina iccaten ti biag, no di ket agpanunot cadagiti pamuspusan tapno ti napagtalaw saan coma a mayadayu kencuana.

1 Cronicas 1:1

Adam, Set, Enos,

Ti Libro ni Job 30:23

Ta ammoc nga iyegnacto iti patay, ken iti balay a natudingan a maipaay iti amin a sibibiag.

Dagiti Salmo 89:48

Ania a tao ti agbiagto ket saannanto a makita ni patay, a maispalnanto ti cararwana iti pannacabalin ni Tanem? (Selah)

Dagiti Salmo 90:10

Dagiti al-aldaw dagiti tawenmi pitopuloda a tawen, wenno agpapan pay gapu iti kinabileg walopulo a tawen; nupay casta ti laeng sagudayda bannog ken ladingit; ta lumabas nga apagbiit, ket tumayabcamin.

Eclesiastes 12:5

Wen, agbutengdanto iti daydiay a nangato, ket dagiti nacakigkigtot addadanto iti dalan; ket ti almendro agsabongto, ket ti dudon maysanto nga awit, ket ti gartem mapucaw; agsipud ta ti tao mapan iti agnanayon a pagtaenganna, ket dagiti agdung-aw agsursurda cadagiti lanlansangan:

Eclesiastes 12:7

Ket agsubli ti tapoc iti daga a cas idi, ket ti espiritu agsubli iti Dios a nangted kencuana.

Eclesiastes 9:5

Ta dagiti sibibiag ammoda a mataydanto: ngem dagiti natay dida ammo ti aniaman, isuda awanandan iti gunguna; ta ti pacalaglagipan cadacuada nalipatanen.

Eclesiastes 9:8

Napudaw coma a cancanayon dagita cawesmo: ket dica palubosan nga agcurang ti lana ta olom.

Ezekiel 18:4

Adtoy, nga amin a cararua cucuac ida; cas ti cararua ti ama, casta met ti cararua ti anac a lalaki cucuac; ti cararua nga agbasol matayto.

Deuteronomio 30:20

Ti panagayat ken Jehova a Diosmo, ti panagtungpal iti timecna, ken ti idedecket kencuana; ta isu ti biagmo, ken ti caatiddog dagiti al-aldawmo; tapno macapagnaedca iti daga a ni Jehova insapatana cadagiti ammam, a da Abraham, Isaac, ken Jacob, nga ited cadacuada.

Hebreo 9:27

Ket gapu ta naituding cadagiti tattao a matayda iti maminpinsan, ket inton malpas daytoy ti pannacaocom: