Genesis 5:3 - Ti Biblia (1973)

³ Ket nagbiag ni Adan iti sangagasut ket tallopulo a tawen, ket pinutotna ti maysa nga anac a lalaki a caaspingna, cas ti ladawanna; ket pinanagananna iti Set:

Ti Baro a Naimbag a Damag Biblia

³ Idi agtawen ni Adan iti 130, naparaburan iti anak a lalaki a kas kenkuana, ket pinanagananna iti Set.

Genesis 5:3 Iomraidhean Croise

Genesis 4:25

Ket dinennaan manen ni Adan ni asawana; ket inyanacna ti maysa a lalaki, ket pinanagananna iti Set: Ta, kinunana, ti Dios iniccannac iti sabali a putot a sucat ni Abel; ta daytoy pinatay ni Cain.

Genesis 5:2

Pinarsuana ida a lalaki ken babai, ket binendicionanna ida, ket pinanagananna ida ti Adan (Tao), idi aldaw a pannacaparsuada.

Genesis 5:4

Ket dagiti aldaw ni Adan, calpasan ti panangputotna ken Set, walogasut a tawen: ket pinutotna dagiti annac a lallaki ken babbai.

Ti Libro ni Job 14:4

Asino ti macabalin a mangyeg iti maysa a nadalus nga agtaud iti narugit? awan.

Ti Libro ni Job 25:4

Casano ngarud ti pannacabalin ti tao a makicalintegan iti Dios? Wenno casano ti pannacabalin nga agdalus ti nayanac iti babai?

Dagiti Salmo 51:5

Adtoy a nayanacac iti kinadakes; ket iti basol impasngaynac ni inac.

San Lucas 1:35

Ket simmungbat di angel a nagcuna kencuana: Ti Espiritu Santo umayto kenca, ket ti pannacabalin ti Cangatoan salinungannacanto; gapuna met a ti Santo a mayanacto kenca managanto Anac ti Dios.

San Lucas 3:36

Nga anac ni Cainan, nga anac ni Arfaxad, nga anac ni Sem, nga anac ni Noe, nga anac ni Lamec,

San Juan 3:6

Ti mayanac iti lasag, isu lasag; ket ti mayanac iti Espiritu, isu espiritu.

Taga-Roma 5:12

Gapuna, no casano ti iseserrec ti basol ditoy lubong gapu iti maymaysa a tao, ken ti ipapatay gapu iti basol, ket iti casta ti ipapatay immay cadagiti isu-amin a tattao, agsipud ta isuda nagbasolda amin:—

1 Taga-Corinto 15:39

Saan nga isu-amin a lasag padapadada; no di ket adda maysa a lasag dagiti tao, ken sabali a lasag dagiti animal, ken sabali a lasag dagiti tumatayab, ken sabali dagiti ic-ican.

1 Taga-Corinto 15:49

Ket no casano ti pannacaalatayo ti ladawan daydi naidagaan, maalatayto met ti ladawan daydiay nailangitan.

Taga-Efeso 2:3

Nga iti tengnga dagitoy, datay met amin idi naminsan nagbiagtay cadagiti derderrep ti lasagtayo, a tungpalentay dagiti tarigagay ti lasag ken dagiti panpanunot; ket iti nacayanacan, annacnatayo idi ti pungtot, a cas cadagiti sabsabali:—