Genesis 48:9 - Ti Biblia (1973)

⁹ Ket ni Jose kinunana ken amanna, Isuda dagiti annacco a lallaki, nga inted ti Dios caniac ditoy. Ket kinunana, dawatec kenca, Yegmo ida, caniac, ket bendicionacto ida.

Ti Baro a Naimbag a Damag Biblia

⁹ “Isuda dagiti annakko nga imparabur kaniak ti Dios iti kaaddak ditoy Egipto,” insungbat ni Jose. Kinuna ni Jacob, “Yasidegmo ida kaniak tapno bendisionak ida.”

Genesis 48:9 Iomraidhean Croise

Genesis 27:4

Ket yaramidannac iti naimas a sida, cas iti gustoc, ket yegmo caniac ta canecto, tapno bendicionannaca ti cararuac, ita diac pay matay.

Genesis 30:2

Ket ni Jacob nacapungtot ken Raquel: ket kinunana, Siac aya ti sumucat iti Dios, a nangtuben iti tianmo?

Genesis 33:5

Ket intangadna dagiti matana, ket nakitana dagiti babbai ken dagiti ubbing; ket kinunana, Asinoda dagitoy nga addada kenca? Ket kinunana, Isuda dagiti annac nga inted ti Dios a siaasi itoy adipenmo.

Genesis 49:28

Amin dagitoy isuda dagiti sangapulo ket dua a caputotan ni Israel: ket daytoy ti sinao ni amada cadacuada, ket binendicionanna ida; tummunggal maysa mayannatup iti pammendicionna, binendicionanna ida.

1 Cronicas 25:5

Amin dagitoy isuda dagiti annac a lallaki ni Heman a mammadto ti ari cadagiti sasao ti Dios, tapno ingatona ti sara. Ket ti Dios iniccanna ni Heman iti sangapulo ket uppat nga annac a lallaki ken tallo nga annac a babbai.

Dagiti Salmo 127:3

Kitaenyo, dagiti annac isuda ti pagpatawid ni Jehova: ket ti bunga ti tian isu ti panggungunana.

Isaias 8:18

Adtoy, siac ken dagiti ubbing nga ited caniac ni Jehova maipaayda a pagilasinan ken datdatlag idiay Israel a naggapu ken Jehova dagiti buybuyot, isu nga agtaeng idiay bantay Sion.

Deuteronomio 33:1

Ket daytoy isu ti bendicion a pinamendicion ni Moises a tao ti Dios cadagiti annac ti Israel idi di pay natay.

Hebreo 11:21

Gapu iti pammati, ni Jacob idi a nganngani matay, binendicionanna ti tunggal maysa cadagidi annac ni Jose; ket nagdaydayaw a sisasadag iti mordong ti sarucodna.

1 Samuel 1:20

Ket naaramid nga idi nadanon ti tiempo ni Anna nagsicog, ket impasngayna ti maysa nga anac a lalaki; ket ingaladna ti nagan a Samuel, a kinunana, Gapu ta isu dinawatco ken Jehova.

1 Samuel 1:27

Gapu itoy nga ubing nagcararagac ket ni Jehova intedna caniac ti dawatco a dinawatco kencuana.