Genesis 48:4 - Ti Biblia (1973)

⁴ Ket kinunana caniac, Adtoy, pagbungaencanto, ket pagaduencanto, ket aramidencanto a maysa a bunggoy dagiti inilin-ili, ket itdecto daytoy a daga cadagiti putputotmo iti calpasam a tagicuaen nga agnanayon.

Ti Baro a Naimbag a Damag Biblia

⁴ Kinunana kaniak, ‘Paraburankanto iti adu nga annak ket agbalinto dagiti kaputotam a dakkel a nasion. Itedkonto kadakuada daytoy a daga a tagikuaenda iti agnanayon.’”

Genesis 48:4 Iomraidhean Croise

Genesis 12:2

Ket aramidencanto a dackel a pagarian, ket bendicionancanto, ket padackelecto, ti naganmo, ket sicanto ti maysa a bendicion:

Genesis 17:13

Ti mayanac iti balaymo, ken ti magatang iti piracmo, masapul a macugitda: ket addanto ti tulagco iti lasagyo a maipaay iti awan patinggana a panagcaycaysa.

Genesis 17:6

Ket pagbungaencanto iti nawadwad unay, ket aramidencanto a pagpagarian, ket ar-ari agtauddanto kenca.

Genesis 17:8

Ket itedconto kenca ken iti putotmo, iti calpasam, ti daga dagiti naggangannaetam, amin ti daga a Canaan, a tagicucuaen iti agnanayon; ket siacto ti Diosda.

Genesis 22:17

Iti panangbendicion bendicionancanto, ket iti pammaadu, paaduecto ti putotmo cas cadagiti bitbitwen ti langit, ken cas iti darat nga adda iti igid ti baybay; ket ti putotmo cucuananto dagiti ruangan dagiti cabusorna;

Genesis 26:4

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 32:12

Ket sica sinaom, Di bumurong a paimbagencanto, ket aramidecto a ti putotmo cas la darat ti baybay, a di mabilang gapu iti caadu.

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 46:3

Ket kinunana, Siac ti Dios, ti Dios ni amam: dica agbuteng a sumalog sadi Egipto; ta aramidencanto a dackel a nacion sadiay:

Genesis 47:27

Ket ti Israel nagnaed iti daga nga Egipto, iti daga a Gosen; ket ginun-udda ti panagtaggicuada cadagiti cucua sadiay, ket nagbungada, ket nagaduda unay.

Dagiti Salmo 127:3

Kitaenyo, dagiti annac isuda ti pagpatawid ni Jehova: ket ti bunga ti tian isu ti panggungunana.

Exodo 1:11

Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 1:7

Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

Ezekiel 37:25

Ket agnaeddanto iti daga nga intedco ken ni Jacob nga adipenco, isu a nagnaedan dagiti ammayo; ket agnaeddanto idiay, isuda, ken dagiti annacda, ken dagiti annac dagiti annacda, iti agnanayon: ket ni David nga adipenco isunto ti principeda iti agnanayon.

Levitico 26:9

Ket patgencayto, ket parangayencayto, ken paaduencayto, ket ibuangayconto ti tulagco cadacayo.

Deuteronomio 32:8

Idi ti Cangatoan unay intedna cadagiti nasnacion dagiti tawidda, idi pinagsisinana dagiti annac dagiti tattao, inwayangna dagiti bedbeddeng dagiti il-ili mayannatup iti bilang dagiti annac ti Israel.