Genesis 47:9 - Ti Biblia (1973)

⁹ Ket ni Jacob kinunana ken Faraon, Dagiti al-aldaw dagiti tawtawen a panagpagpagnac sangagasut ket tallopuloda a tawen: bassit ken saan a nasayaat dagiti al-aldaw dagiti tawtawen ti panagbiagco, ket saanda a nacadanon cadagiti al-aldaw dagiti tawtawen ti panagbiag dagiti dadackelco cadagiti al-aldaw a panagbarbariw-asda.

Ti Baro a Naimbag a Damag Biblia

⁹ Insungbat ni Jacob, “Aganay a sangagasut ket tallopulo a tawenen nga agalla-allaak iti rabaw ti daga. Bassit ken narigat dagiti tawen a panagbiagko, saan a kas kapaut ti panagbiag dagiti kapuonak.”

Genesis 47:9 Iomraidhean Croise

Genesis 11:11

Ket nagbiag ni Sem iti limagasut a tawen iti calpasan ti panangputotna ken Arfajad, ket pinutotna dagiti annac a lallaki ken babbai.

Genesis 35:28

Ket dagiti al-aldaw ni Isaac sangagasut ken walopulo a tawen.

Genesis 47:28

Ket ni Jacob nagyan iti daga nga Egipto cadagiti sangapulo ket pito a tawen: ti casta dagiti al-aldaw ni Jacob, dagiti tawtawen ti panagbiagna, sangagasut ket uppat a pulo ket pito a tawen.

Genesis 47:8

Ket ni Faraon kinunana ken Jacob, Manoda dagiti al-aldaw dagiti tawtawen ti panagbiagmo?

Genesis 5:27

Ket ti dagup dagiti aldaw ni Matusalem siam a gasut, innem a pulo ket siam a tawen: ket calpasanna natay.

Genesis 50:26

Ket ni Jose natay idi nagtawen iti sangagasut ket sangapulo: ket inimbalsamarda, ket naicabil iti maysa a lungon sadi Egipto.

1 Cronicas 29:15

Ta gangannaetcami iti sangom, ken aglaslasatcami cas cadagiti amin nga ammami dagiti al-aldawmi iti daga cacasda la aniniwan, ket saan nga agtaeng.

Ti Libro ni Job 14:1

Ti tao, a mayanac iti babai, ababa dagiti aldawna, ken napno iti riribuc.

Dagiti Salmo 119:19

Gangannaetac ditoy daga: dica ilinged caniac dagiti bilbilinmo.

Dagiti Salmo 119:54

Dagiti alagadem isuda ti incancantac iti balay ti panagallaallac.

Dagiti Salmo 39:12

Denggem ti cararagco, O Jehova, ket ipangagmo toy ickisco; dica pagulimecan dagitoy luluac: ta siac maysaac a gangannaet kenca, maysa nga agcalcallautang, a cas cadagidi amin a dadackelco.

Dagiti Salmo 39:13

O pawaywayannac, tapno mapulangac ti pigsac, ita ta diac pay pumusay, ken maawan.

Dagiti Salmo 39:5

Adtoy, inaramidmo dagiti aldawco a cas dinangan; ket ti capaut ti panagbiagco casla awan ita sangoanam: pudno a tunggal tao iti casayaatan a casasaadna biig nga ubbaw. (Selah)

Exodo 6:4

Ket binuangayco met cadacuada ti tulagco a panangtedco cadacuada iti daga a Canaan, ti daga a nagnagnaanda, isu a naggangannaetanda.

Exodo 7:7

Ket ni Moises agtawen idi iti walopulo, ket ni Aaron agtawen met iti walopulo ket tallo idi nakisaoda ken Faraon.

2 Taga-Corinto 5:6

Gapuna idinto a sitatalgedcami a cancanayon; ket ammomi a no agtaengcami iti bagi, awancami iti Apo.

Deuteronomio 34:7

Ket ni Moises agtawen iti sangagasut ket dua pulo idi natay: ti matana saan a nacullaapan, wenno nacsayan ti cadawyan a pigsana.

Hebreo 13:14

Ta awan ti pagiliantayo ditoy a mataginayon, ngem tarigagayantayo ti mapasungad.

Santiago 4:14

Idinto a dicay ammo ti maaramidto no bigat. Ta ania ti biagyo? pudno a cas la maysa nga alibungubong, nga iti apagbiit agparang ket agpucaw.

Josue 24:29

Ket naaramid iti calpasan dagitoy a banag, a ni Josue nga anac ni Nun nga adipen ni Jehova, natay, idinto nga agtawen iti sangagasut ket sangapulo a tawen.

1 Pedro 2:11

Ayayatec, dawatec cadacayo, dacayo a cas gangannaet ken agpagpagna, nga idianyo coma dagiti derderrep a linalasag, isuda a manggubat iti cararua: