Genesis 47:6 - Ti Biblia (1973)

⁶ Ti daga nga Egipto adda iti saclangmo; iti casaysayaatan ti daga pagnaedem ni amam ken dagiti cacabsatmo; iti daga a Gosen agnaedda coma: ket no adda ammom a nasalucag cadacuada, mangicabilca nga rud cadacuada ti agaywan cadagiti an-animalco.

Ti Baro a Naimbag a Damag Biblia

⁶ ibilangda koma a kukuada ti Egipto. Pagnaedem ida iti kasayaatan a paset ti pagilian, iti daga ti Gosen. Ket no adda dagiti makabael kadakuada, isaadmo ida nga agaywan kadagiti animalko.”

Genesis 47:6 Iomraidhean Croise

Genesis 13:10

Ket intannawag ni Lot dagiti matana, ket nakitana amin ti Tanap ti Jordan, nga nasayaat ti pannacapadanumda iti isu-amin a disso idi saan pay a dinadael ni Jehova ti Sodoma ken ti Gomorra, cas ti minuyongan ni Jehova, cas ti daga nga Egipto, no cas sumrecca idiay Zoar.

Genesis 13:9

Awan aya ti amin a daga iti sangoanam? Dawatec kenca, a suminaca cadi caniac; no mapancanto iti akincatigid, siac mapanacto ngarud iti akincanawan wenno no piliemto ti akincanawan, mapanacto ngarud iti makincatigid.

Genesis 20:15

Ket ni Abimelech kinunana, Adtoy, ti dagac iti sangoanam: agtaengca iti disso a pagayatam.

Genesis 34:10

Ket makipagnaedcayto cadacami: ket ti daga addanto iti sangoyo; iti daytoy agyancayo ken agsapulcayo, ket sapulenyo idiay dagiti tagicuaenyo.

Genesis 45:10

Ket agnaedcanto iti daga a Gosen, ket agtaengcanto iti asideg caniac, siac, ken dagiti annacmo, ken dagiti annac dagiti annacmo, ken dagiti an-animalmo a babassit ken dadackel, ken amin nga adda kenca:

Genesis 46:34

Cunayonto, dagiti ad-adipenmo nagaywanda idi cadagiti an-animal, nanipud iti kinaubingmi agpapan ita, uray dacami ken dagiti met dadackelmi: tapno agnaedcayo coma iti daga a Gosen; ta tumunggal mangipaarab iti animal nacarimrimon cadagiti Egipcios.

Genesis 47:11

Ket ni Jose pinagyanna ni amana ken dagiti cacabsatna, ket pinagtagicuana ida iti daga ti Egipto, iti casaysayaatan ti daga, iti daga ti Rameses, a cas ni Faraon imbilinna.

Genesis 47:16

Ket ni Jose kinunana, Itdenyo dagiti an-animalyo; ket iccancayto gapu cadagiti an-animalyo, no naibus ti pirac.

Genesis 47:4

Ket kinunada ken Faraon, Immaycami agnaed iti daga; ta awanen ti pagpacanan cadagiti an-animal dagiti ad-adipenmo; ta ti bisin nagpalalo idiay daga a Canaan: ita ngarud, dawatenmi kenca, ipalubosmo a dagiti ad-adipenmo agnaedda coma iti daga a Gosen.

Genesis 47:5

Ket ni Faraon nakisao ken Jose, ket kinunana, Ni amam ken dagiti cacabsatmo immayda kenca:

1 Ar-ari 11:28

Ket ti lalaki a ni Jeroboam isu ti maysa a lalaki a mannacabalin ken maingel; ket ni Salomon nakitana ti bumaro a lalaki nga isu ti nagaget, ket isu iniccanna iti akem iti amin a trabajo ti balay ni Jose.

2 Cronicas 26:10

Ket binangonna dagiti tortorre idiay let-ang, ket kinalina dagiti adu a bito, ta addaan idi adu a vacvaca; castamet idiay daga a nababa, ken idiay tanap; ket addaan idi mannalon ken agay-aywan cadagiti uvuvas cadagiti banbantay ken cadagiti nabunga nga away; ta ayatenna idi ti panagtalonan.

Exodo 18:21

Maysa pay mangtudingcanto iti aggapu cadagiti umili cadagiti tumutop a lallaki, a dagiti managbutbuteng iti Dios, lallaki a napudno, a guraenda ti nakil-lo a pananggun-ud; ket dagita ti isaadmo cadacuada, nga agtuturay cadagiti rinibu, agtuturay cadagiti ginasut, agtuturay cadagiti saglilimapulo, ken agtuturay cadagiti pinullo:

Exodo 18:25

Ket ni Moises pimmili cadagiti maitutop a lallaki a nagtaud ti Israel, ket incabilna ida a mangipangolo iti umili a mangituray iti rinibu, mangituray iti ginasut, mangituray iti saglilimapulo, ken mangituray ti pinullo.

Exodo 9:10

Ket nangalada iti dapo ti horno, ket napanda iti sango ni Faraon; ket ni Moises inwarisiwisna a nagpalangit; ket nagbalin a busali a bimmasbasisaw cadagiti tattao ken cadagiti animal.

Exodo 9:21

Ket ti di nangicancano iti sao ni Jehova binay-anna dagiti ad-adipenna ken an-animalna iti away.

Dagiti Proverbio 21:1

Ti puso ti ari adda iti ima ni Jehova cas cadagiti pagayusan ti danum; iturongna iti sadinoman a pagayatanna.

Dagiti Proverbio 22:29

Makitam ti maysa a tao a sireregta iti pagsapulanna? agtacderto iti saclang dagiti ar-ari; dinto agtacder iti saclang dagiti nanomo a tattao.

Jeremias 40:4

Ket ita, adtoy, siac palubusanca itoy nga aldaw cadagiti cawar nga adda iti imam. No ipapanmo a nasayaat iti icucuyogmo caniac agingga idiay Babilonia, umayca, ket siac taripatoencanto a naimbag; ngem no pagarupem a dakes ti icucuyogmo caniac agingga sadi Babilonia, dica aramiden: adtoy, ti amin a daga adda iti sangom; iti sadinoman a pagarupem a naimbag ken maiparbeng a papanam, inca sadiay.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

1 Samuel 21:7

Ngem maysa a lalaki cadagiti adipen ni Saul adda idi idiay iti daydi nga aldaw, a natengngel iti sango ni Jehova; ket ti naganna Doeg nga Idumeo, catanocan a pangolo cadagiti paspastor ni Saul.