Genesis 47:25 - Ti Biblia (1973)

²⁵ Ket kinunada, Inispalmon dagiti biagmi: macasaraccami coma iti parabur iti biang ni apoc, ket ad-adipennacaminto ni Faraon.

Ti Baro a Naimbag a Damag Biblia

²⁵ Insungbatda, “Naimbagka unay kadakami, apo. Inispalnakami. Sisasaganakami nga agbalin a tagabu ti ari.”

Genesis 47:25 Iomraidhean Croise

Genesis 18:3

Ket kinunana, Apoc, no ita nasaracac ti parabur cadagiti matam, dawatec kenca a dica labasan ti adipenmo:

Genesis 32:6

Ket dagiti nangyammo nagsublida ken Jacob a kinunada, Nacagtengcami ken cabsatmo nga Esau, ngem umay metten sumabet kenca agraman cadagiti uppat a gasut a lallaki a cacuyogna.

Genesis 33:15

Ket ni Esau kinunana, Ipaaymo nga ibatic kenca ita dagiti dadduma cadagiti tattao nga adda caniac. Ket kinunana, Ania ti pannacasapulna? macasaracac coma iti parabur cadagiti mata ni apoc.

Genesis 41:45

Ket ni Faraon ninagananna ni Jose a Zaphnath-paaneath; ket intedna kencuana nga asawana ni Asenath nga anac a babai ni Potiphera a padi sadi On. Ket ni Jose sinursurna ti daga nga Egipto.

Genesis 47:24

Ket maaramidto iti panagani, nga itedyonto ken Faraon ti maysa nga apagcalima, ket dagiti uppat nga apag cucuayonto, nga imulayo ti pagtalonan, ken canenyo agraman dagiti cabbalayyo, ken canen dagiti ubbingyo a babassit.

Genesis 47:26

Ket ni Jose inaramidna nga alagaden maipapan iti daga sadi Egipto ket agpapan ita, nga ti apagcalima isu ti cucua ni Faraon; ti laeng daga dagiti papadi ti saan a tinagicua ni Faraon.

Genesis 50:20

Ket dacayo, pinanagemyo ti dakes; caniac ngem pinanagem ti Dios a naimbag, tapno pagbanagenna cas adda ita, tapno ispalenna dagiti adu a tattao a sibibiag.

Genesis 6:19

Ket iti amin nga lasag nga addaan biag dua iti tumunggal maysa a kita ipastrecmonto iti daong, tapno aluadam ida a sibibiag agraman kenca; isudanto lalaki ken babai.

Ruth 2:13

Ket ni Ruth kinunana, Palubosannac coma, apoc, a macasarac iti parabur iti imatangmo; gapu ta liniwliwanac, ken gapu ta nagsaoca a siimbag iti adipenmo a babai, nupay siac saanac a cas iti maysa la coma cadagiti babbalasang a tagabum.