Genesis 47:23 - Ti Biblia (1973)

²³ Idin ni Jose kinunana cadagiti umili, Adtoy, siac ginatangcayon ken dagiti dagdagayo a maipaay ken Faraon: adtoy, adda imulayo, ket mulaanyonto ti daga.

Ti Baro a Naimbag a Damag Biblia

²³ Kinuna ni Jose kadagiti tattao, “Kitaenyo, ginatangkayon agraman dagiti dagayo para iti ari. Adtoy dagiti bukel nga imulayo.

Genesis 47:23 Iomraidhean Croise

Genesis 41:27

Ket dagiti pito a vacvaca a nacuttong ken dakes ti langada, a simmang-at a naud-udi ngem dagita, pitoda a tawtawen, ket casta met dagiti pito a dawdawa nga awan bagasda ken pinakebbet ti angin nga aggapu iti daya; isudanto dagiti pito a tawtawen ti bisin.

Genesis 45:6

Ta cadagitoy dua a tawen nagsacnap ti bisin iti daga: ket adda pay lima a tawen a matda, isu nga awanto ti matalon wenno maapit.

Genesis 47:22

Dagiti la dagdaga dagiti papadi ti dina ginatang: gapu ta cadagiti papadi adda idi ti maysa bingay nga aggapu ken Faraon, ket nanganda iti bingayda nga inted cadacuada ni Faraon; iti casta dida nalaco ti dagdaga.

Genesis 47:24

Ket maaramidto iti panagani, nga itedyonto ken Faraon ti maysa nga apagcalima, ket dagiti uppat nga apag cucuayonto, nga imulayo ti pagtalonan, ken canenyo agraman dagiti cabbalayyo, ken canen dagiti ubbingyo a babassit.

Dagiti Salmo 112:5

Pagimbagan ti tao a managayat ken agpautang; taripatoennanto ti panggepna iti pannacaocom.

Dagiti Salmo 41:1

Bendito ti mangimatang iti napanglaw: ni Jehova ispalennanto intono aldaw ti dakes.

Dagiti Proverbio 11:26

Ti mangyimot iti bagas, isu ilunlunodto ti umili; ngem ti bendicion agdissonto iti olo ti mangilaco.

Dagiti Proverbio 12:11

Ti mangtalon iti dagana addaanto iti naruay a canen; ngem ti sumursurot cadagiti barengbareng awanan ti pannacaawat.

Dagiti Proverbio 13:23

Adu ti taraon idiay talonen ti napanglaw; ngem adda madadael gapu iti saan a kinalinteg.

Eclesiastes 11:6

Iti bigat imulam ti bin-im, ket iti rumabii dica pagsardengen ta imam; ta dica ammo nga agrang-ayto, no daytoy wenno daydiay, wenno isuda nga agpadpada naimbagdanto.

Isaias 55:10

Ta cas ti tudo ken ti nieve bumabada nga aggapu iti langit, ket saanda nga agsubli idiay no di ket siboganda ti daga, ken pagtuboena, ken pangtedena iti bukel cadagiti agmulmula ken tinapay iti mangan;

San Mateo 24:45

Siasino ngarud ti adipen a mapagtalcan ken naannad, nga incabil ni apona nga agaywan iti sangacabbalayanna tapno iccanna ida ti taraon no pannacaipaayna?

2 Taga-Corinto 9:10

Ket ti mangted ti bin-i iti agmulmula ken tinapay a pagtaraon, mangtedto ket paaduennanto ti bin-iyo nga imula, ket nayonannanto dagiti bunga ti kinalintegyo: