Genesis 47:22 - Ti Biblia (1973)

²² Dagiti la dagdaga dagiti papadi ti dina ginatang: gapu ta cadagiti papadi adda idi ti maysa bingay nga aggapu ken Faraon, ket nanganda iti bingayda nga inted cadacuada ni Faraon; iti casta dida nalaco ti dagdaga.

Ti Baro a Naimbag a Damag Biblia

²² Dagiti laeng daga dagiti papadi ti saan a nagatang. Adda ngamin abastoda nga it-ited ti ari ket saan a masapul nga ilakoda ti dagada.

Genesis 47:22 Iomraidhean Croise

Genesis 14:18

Ket ni Melquisedec nga ari ti Salem nangiruar ti tinapay ken arac: ket isu idi ti padi ti Dios a Cangatoan unay.

Genesis 41:45

Ket ni Faraon ninagananna ni Jose a Zaphnath-paaneath; ket intedna kencuana nga asawana ni Asenath nga anac a babai ni Potiphera a padi sadi On. Ket ni Jose sinursurna ti daga nga Egipto.

Genesis 41:50

Ket nayanacda ken Jose dagiti dua a lallaki idi di pay dimteng ti tawen a panagbisin, isuda nga inyanac kencuana ni Asenath nga anac ni Potiphera, a padi sadi On.

Genesis 47:21

Ket ti maipapan cadagiti umili, pinaalisna ida cadagiti il-ili nanipud maysa a pungto ti beddeng ti Egipto agtungpal iti sabali a pungtona.

Genesis 47:23

Idin ni Jose kinunana cadagiti umili, Adtoy, siac ginatangcayon ken dagiti dagdagayo a maipaay ken Faraon: adtoy, adda imulayo, ket mulaanyonto ti daga.

Genesis 47:26

Ket ni Jose inaramidna nga alagaden maipapan iti daga sadi Egipto ket agpapan ita, nga ti apagcalima isu ti cucua ni Faraon; ti laeng daga dagiti papadi ti saan a tinagicua ni Faraon.

2 Samuel 8:18

Ket ni Banahia nga anac ni Joiada isu idi ti pangolo dagiti Cereteos ken dagiti Feleteos; ket dagiti annac a lallaki ni David isuda idi dagiti cangatoan a ministro.

ESDRAS 7:24

Casta met nga ipanecnecmi cadacayo a maipapan iti siasino a padi ken Levitas, dagiti cumacanta, dagiti agaywan iti ruangan, dagiti Netineos, wenno ad-adipen daytoy a balay ti Dios, dinto nalinteg ti panangipatay iti buis, alcabala wenno cuartais cadacuada.

Nehemias 13:10

Ket naawatac a dagiti apag dagiti Levitas saanda idi a naited cadacuada; iti casta a dagiti Levitas ken dagiti cumacanta, a nagannong iti aramid, nagtalawda idi tunggal maysa napan iti dagana.

San Mateo 10:10

Uray supot a maisagana iti dalan, uray dua a pagan-anay, uray zapatos, uray sarucod; ta ti mangmangged maicari iti taraonna.

1 Taga-Corinto 9:13

Saanyo nga ammo a dagiti agtrabajo cadagiti nasantoan a banag, manganda cadagiti cucua ti Templo, ket dagiti agservi iti altar, makiapagda cadagiti cucua ti altar?

Taga-Galacia 6:6

Ti maisuro iti sao ti Dios, makiraman coma cadagiti amin a naimbag a banag iti manursuro kencuana.

Deuteronomio 12:19

Aluadam ti bagim a dica baybay-an ti Levita iti bayat ti panagbiagmo iti dagam.

2 Taga-Tesalonica 3:10

Ta uray pay idi addacami cadacayo, imbilbilinmi cadacayo daytoy: No adda madi nga agtrabajo, di met coma mangan.

1 Timoteo 5:17

Dagiti panglacayen a mangituray a naimbag, maibilangda coma a maicari iti dackel a dayaw, nangrona dagiti agtrabajo iti sao ken panursuro.