Genesis 40:1 - Ti Biblia (1973)

¹ Ket naaramid nga, iti calpasan dagitoy, nacabasolda ti mamacpacan ti ari sadi Egipto ken ti pagtintinapayenna a maicaniwas ken apoda nga ari ti Egipto.

Ti Baro a Naimbag a Damag Biblia

¹ Iti saan a mabayag, adda saan a nasayaat nga inaramid dagiti dua a babaonen ti ari ti Egipto, isuda nga agiserserbi iti arak ken ti pangulo a panadero iti apoda nga ari ti Egipto.

Genesis 40:1 Iomraidhean Croise

Genesis 40:11

Ket ti vaso ni Faraon adda idi iti imac; ket innalac dagiti uvas, ket pinespesco ida iti vaso ni Faraon, ket intedco ti vaso iti ima ni Faraon.

Genesis 40:13

Iti uneg dagiti tallo nga al-aldaw, ni Faraon itan-ocnanto ti olom, ket isublinacanto iti saadmo: yawatmonto ti copa ni Faraon iti imana, cas ar-aramidem idi mamacpacanca kencuana.

Genesis 40:16

Idi ti pangoloen dagiti agtintinapay nakitana a nasayaat ti pannacaibucsilna, kinunana ken Jose, Siac addaac met idi iti tagtagainepco, ket adtoy, tallo a lablabba ti tinapay a napudaw addada idi iti rabaw ti oloc:

Genesis 40:2

Ket ni Faraon nacapungtot cadagiti dua nga oficialna, nga isuda ti cangatoan cadagiti mamacpacan ken ti pangoloen dagiti agtintinapay.

Genesis 40:5

Ket nagtagtagainepda a dua iti maymaysa a rabii, ti tumunggal maysa adda idi tagtagainepna, ti tumunggal maysa cas mayannurot iti caulogan ti parmatana, ti mamacpacan ken ti agtintinapay ti ari sadi Egipto, nga addada idi a sibabalud iti pagbaludan.

Genesis 41:9

Idin ti pangoloen ti mamacpacan sinaona ken Faraon, a kinunana, Malagipco dagiti babacco ita nga aldaw:

Nehemias 1:11

O Apo, gumawawaac kenca, ta lapayagmo umimdeng cadi iti cararag ti adipenmo, ken iti cararag dagiti ad-adipenmo, nga agayat nga agbuteng iti naganmo; ket dawatec kenca, parang-ayem ti adipenmo itoy nga aldaw, ket itdem kencuana ti caasi iti imatang daytoy a lalaki. (Siac idi ti agiggem iti copa ti ari).

Ester 6:1

Iti daydi a rabii ti ari saan a nacaturog; ket imbilinna a mayeg ti libro a nacaisuratan dagiti cronicas, ket nabasada iti sangoanan ti ari.