Genesis 4:7 - Ti Biblia (1973)

⁷ No naimbag ti aramidem apay a dinto macaparagsac? ket no dica agaramid iti naimbag, ti basol cumleb iti ruangan; ket ti calicagumanna sica; ngem sica gundawayam coma.

Ti Baro a Naimbag a Damag Biblia

⁷ No naimbag ti inaramidmo, umis-isemka koma. Ngem gapu ta nagaramidka iti dakes, mayarig ti basol iti demonio nga agur-uray a mangkemmeg kenka. Kayatnaka nga iturayan ngem masapul a parmekem.”

Genesis 4:7 Iomraidhean Croise

Genesis 19:21

Ket isu kinunana kencuana, Adtoy, inanamunganca met maipuon itoy a banag, nga diac to pucawen ti ili a nasaom.

Genesis 3:16

Ket idi babai kinunana, Paaduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; ket iti asawam isunto ti calicaguman, ket isu iturayannacanto.

2 Samuel 24:23

Isu-amin dagitoy, O ari, ni Arauna itedna iti ari. Ket ni Arauna kinunana iti ari, Ni Jehova a Diosmo awatennaca coma.

2 Ar-ari 8:28

Ket nakicuyog a napan iti gubat ken ni Joram nga anac ni Acab a maibusor ken ni Hazael nga ari ti Siria idiay Ramot-galaad: ket dagidi Sirios sinugatda ni Joram.

Ti Libro ni Job 11:14

No adda kinadangkes ita imam, isu ti yadayum, ket dica palubosan nga agnaed ti kinakillo cadagita toldam.

Ti Libro ni Job 11:15

Pudno ngarud nga itangadmo ta rupam nga awan mulitna; wen, natibkercanto, ket dicanto agbuteng:

Ti Libro ni Job 29:4

Cas caaddac idi iti kinaluom dagiti al-aldawco, idi a ti pannakisimpungalan ti Dios adda iti toldac;

Ti Libro ni Job 42:8

Ita ngarud mangalacayo cadagiti pito a vaca, ken pito a carnero, ket incayo ken adipenco a Job, ket idatagyo gapu cadacayo ti daton a mapuuran; ket ni adipenco a Job icararagannacayonto; ta isu awatecto, tapno diac aramiden cadacayo cas iti kinamaagyo: ta dicayo insao ti maipapan caniac iti banag a nalinteg, cas inaramid ni adipenco a Job:

Dagiti Proverbio 18:5

Ti pammadayaw iti kinatao ti nadangkes saan a nasayaat, uray ti panangkillo iti nalinteg iti panangocom.

Dagiti Proverbio 21:27

Ti daton ti nadangkes maysa a kinarimon; adadda pay no ipaayna a sidadangkes ti panunotna!

Jeremias 3:12

Inca, ket iwarragawagmo dagitoy a sasao nga isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.

Jeremias 6:20

Ania ti capapa-yanna ti pannacayegna caniac ti incienso nga aggapu idiay Seba, ken ti nasam-it nga unas iti adayu a daga? dagiti datdatonyo a mapuuran saanda a maawat, ket dagiti sacrificioyo saanda met a macaay-ayo caniac.

Mikias 7:18

Siasino ti dios a cas kenca, a mamacawan ti kinadangkes, ken palabasenna ti salungasing ti tidda ti pagtawidenna? isu saanna a taginayonen ti pungtotna iti agnanayon, ta pagayayatanna iti kinamanagayat.

Malakias 1:10

O no adda coma maysa cadacayo a mangirikep coma cadagiti ruangan, tapno dicayo coma gangatan ti apuy iti altarco iti barengbareng! siac diac maayayo cadacayo, cuna ni Jehova dagiti buybuyot, diacto met awaten ti daton iti imayo.

Malakias 1:13

Dacayo cunayo met, Adtoy, anian a pannacabannog daydiay! ket dacayo agbang-escayo kencuana, cuna ni Jehova dagiti buybuyot; ket inyegyo ti rinabsut, ken ti pilay, ken ti masakit; casta ti panangidatagyo ti daton: awatecto coma aya daytoy iti imayo? cuna ni Jehova.

Malakias 1:8

Ket no idatonyo ti bulsec nga animal nga agpaay iti daton, saan a dakes! ket no idatonyo ti pilay ken masakit, saan a dakes! Isu isagutmo ita iti Gobernadormo; maayayonto aya kenca? wenno padayawannanto ti kinataom? cuna ni Jehova dagiti buybuyot.

Numero 32:23

Ngem no dicayto aramiden ti casta, adtoy, macabasolcayo ken Jehova: ket dinto bumurong a ti basolyo sarakennacayto.

Dagiti Aramid 10:35

No di ket uray ania a nacion dagiti agbuteng ken agaramid ti kinalinteg macaayayoda kencuana.

Taga-Roma 12:1

Dawatec ngarud cadacayo, cacabsat, gapu cadagiti caasi ti Dios nga ipaayyo dagiti bagbagiyo, cas daton a sibibiag, nasantoan ken macaay-ayo iti Dios; isu a panagdayawyo a naespirituan.

Taga-Roma 14:18

Ta ti agservi a cas itoy ken Cristo, macaay-ayo iti Dios, ken anamungan dagiti tattao.

Taga-Roma 15:16

Tapno agbalinac coma a ministro ni Cristo Jesus cadagiti Gentiles, a pagserserviac ti evangelio ti Dios; tapno ti daton dagiti Gentiles agbalin coma a macaay-ayo idinto a mapasanto gapu iti Espiritu Santo.

Taga-Roma 6:12

Saan coma ngarud nga agari ti basol iti bagitayo a matay tapno tungpalenyo dagiti derrepna:

Taga-Roma 6:16

Dicay ammo aya nga iti pangidatonanyo a siannugot cadagiti bagbagiyo met laeng isu dayta ti mangadipen cadacayo, uray iti basol tapno ipatay, uray iti kinatuloc a maipaay iti kinalinteg?

Taga-Efeso 1:6

Tapno pacaidayawan ti dayag ti paraburna, nga imparaburna cadatayo iti Ay-ayatenna nga Anac:

1 Timoteo 5:4

Ngem no adda balo nga adda annacna wenno appona, ammoen coma dagitoy nga umuna nga ipakitada ti kinasingpetda cadagiti cabbalayda met laeng, ken panangliwliwada cadagiti naganac cadacuada; ta daytoy macaay-ayo iti imatang ti Dios.

Hebreo 11:4

Gapu iti pammati ni Abel indiayana iti Dios ti maysa a daton a nasaysayaat ngem ni Cain; ket gapu iti daytoy naited kencuana ti pannacapanecnec nga isu nalinteg idi a sinacsian ti Dios ti maipapan cadagiti datdatonna; ket gapu itoy nupay natayen, agsao pay laeng.

Santiago 1:15

Iti casta ti derrep, idinto a nagsicog, yanacna ti basol; ket ti basol inton macagteng iti pannacapunnona, yanacna ti ipapatay.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.