Genesis 4:4 - Ti Biblia (1973)

⁴ Ket ni Abel, nangala met cadagiti inauna nga anac cadagiti pangenna ken dagiti nalucmeg. Ket ni Jehova pinatpategna ni Abel ken ti datonna.

Ti Baro a Naimbag a Damag Biblia

⁴ Innala ni Abel ti inauna nga anak ti maysa kadagiti karnerona. Pinartina sana indaton dagiti kasayaatan a paset. Naragsakan ni Yahweh ken ni Abel ken iti datonna

Genesis 4:4 Iomraidhean Croise

Genesis 15:17

Ket naaramid a idi nacalneken ti init, ket nagsipnget, adtoy, ti maysa nga horno a siaasuc, ken maysa nga aluten a sidadarang a naglasat iti baet dagidiay a pisi.

Genesis 4:3

Ket naaramid iti panaglasat dagiti pannawen a ni Cain nangala iti bunga ti daga nga indatonna ken Jehova.

1 Ar-ari 18:24

Ket awaganyo ti nagan ti diosyo, ket siac awagacto ti nagan ni Jehova: ket ti Dios a sumungbat babaen ti apuy, dayta isu coma ti Dios. Ket ti amin nga umili simmungbat ket kinunana, Nasayaat a pannacasao.

1 Ar-ari 18:38

Idin ti apuy ni Jehova nagtinnag, ket rinunawna ti daton a mapuuran, ken ti cayo, ken dagiti bato, ken ti tapoc, ket dinilpatanna ti danum nga adda iti canal.

1 Cronicas 21:26

Ket ni David nangbangon sadiay iti maysa nga altar ken Jehova, ket indatagna dagiti datdaton a mapuuran, ken datdaton ti cappia, ket inawaganna ni Jehova; ket isu simmungbat kencuana nanipud langit iti pannacaaramat ti apuy iti rabaw ti altar ti daton a mapuuran.

2 Cronicas 7:1

Ket idi ni Salomon nalpas a nagcararag, ti apuy bimmaba a naggapu iti langit, ket inibusna ti daton a mapuuran ken dagiti sacrificios; ket ti dayag ni Jehova pinunnona ti balay.

Dagiti Salmo 20:3

Lagipenna coma amin dagiti datdatonmo, ket acoenna coma ti pinuuran a sacrificiom; (Selah)

Exodo 13:12

Nga idatagmonto ken Jehova amin a manglucat iti aanacan, ken amin a inauna a cucuam nga agtaud iti animal dagiti lallaki cucuanto ni Jehova.

Dagiti Proverbio 3:9

Pagdayawmo ti cucuam ken Jehova, ken dagiti umuna a bungbunga ti amin a maapitmo:

Eclesiastes 4:4

Idin nakitac amin nga aramid ken tunggal napnoan-laing nga aramid, a gapu itoy ti tao inaguman ti caarrubana. Daytoy met isu ti kinaubbaw ken maysa a panagagawa iti angin.

Levitico 9:24

Ket ti apuy rimmuar iti sango ni Jehova, ket pinuuranna iti rabaw ti altar ti daton a mapuuran ken ti taba: ket idi nakita amin dagiti tattao, nagdir-ida, ket nagpaclebda.

Numero 16:15

Ket ni Moises nagunget la unay idi, ket kinunana ken Jehova, Dica ipatpateg dagiti datdatonda: diac nangala iti maysa nga asno cadacuada, wenno nangranggas iti maysa cadacuada.

Numero 16:35

Ket rimmuar ti apuy nga aggapu ken Jehova, ket inalun-unna dagiti dua gasut ket limapulo a lallaki a nangipaay iti incienso.

Numero 18:12

Amin a casasayaatan ti lana, ken amin a casasayaatan ti arac, ken iti bucbuckel, dagiti umuna a bungbungada nga itedda ken Jehova, intedcon ida kenca.

Numero 18:17

Ngem ti inauna nga urbon ti maysa a vaca, wenno inauna nga anac ti carnero, wenno ti inauna ti maysa a calding, dicanto subsubboten; isuda nasantoanda: iwarsimto ti darada iti rabaw ti altar, ket puuramto ti tabada, a daton maaramid iti apuy a maipaay a nabanglo a sayamusom ken Jehova.

Hebreo 11:4

Gapu iti pammati ni Abel indiayana iti Dios ti maysa a daton a nasaysayaat ngem ni Cain; ket gapu iti daytoy naited kencuana ti pannacapanecnec nga isu nalinteg idi a sinacsian ti Dios ti maipapan cadagiti datdatonna; ket gapu itoy nupay natayen, agsao pay laeng.

Hebreo 9:22

Ket cas mayalubog iti linteg, nganngani isu-amin a banag magugoranda iti dara; ket no awan ti dara a maiparucpoc, awan ti pannacasubbot.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Uk-ukom 6:21

Idin ti angel ni Jehova impatayna ti murdong ti sarucodna nga adda idi iti imana, insukitna iti lasag ken cadagiti bibbibingca nga awan levadurada; ket rimmasoc ti apuy a naggapu iti bato, a nangrunaw iti lasag ken cadagiti bibbibingca nga awan levadurada; ket ti angel ni Jehova nagpucaw iti imatangna.

1 Samuel 15:22

Ket ni Samuel kinunana, Addaan aya ni Jehova iti dacdackel a ragsac cadagiti daton a mapuuran ken sacrificio, ngem iti panagtulnog iti timec ni Jehova? Adtoy, ti panagtulnog naim-imbag ngem iti sacrificio, ken panangipangag ngem iti kinalucmeg dagiti carcarnero a lallaki.