Genesis 4:2 - Ti Biblia (1973)

² Ket inyanacna manen ni cabsatna nga Abel. Ket nagaywan ni Abel cadagiti carcarnero, ngem ni Cain nagtaltalon.

Ti Baro a Naimbag a Damag Biblia

² Iti saan a nabayag, nangipasngay iti sabali nga anak a lalaki, ni Abel. Nagbalin ni Abel nga agpaspastor, ngem nagbalin a mannalon ni Cain.

Genesis 4:2 Iomraidhean Croise

Genesis 3:23

Iti casta ni Jehova Dios pinaruarna iti minuyongan ti Eden, tapno talonenna ti daga a nacaalaanna.

Genesis 37:13

Ket ni Israel kinunana ken Jose, Saan aya a dagiti cacabsatmo addada nga agpapaarab iti pangen sadi Siquem? umayca, ket ibaoncanto cadacuada. Ket isu simmungbat kencuana, Adtoyac.

Genesis 4:1

Ket ti lalaki dinennaanna ni asawana nga Eva; ket nagsicug, ket inyanacna ni Cain, ket kinunana, Nagun-odco ti maysa a lalaki gapu ken Jehova.

Genesis 4:3

Ket naaramid iti panaglasat dagiti pannawen a ni Cain nangala iti bunga ti daga nga indatonna ken Jehova.

Genesis 47:3

Ket ni Faraon kinunana cadagiti cacabsatna, Ania ti akemyo? Ket kinunada ken Faraon, Dagiti ad-adipenmo isuda dagiti agayaywan cadagiti an-animal, uray dacami ken dagiti dadackelmi met.

Genesis 9:20

Ket rinugian ni Noe ti agtaltalon, ket nagmula iti maysa a cauvasan:

Dagiti Salmo 127:3

Kitaenyo, dagiti annac isuda ti pagpatawid ni Jehova: ket ti bunga ti tian isu ti panggungunana.

Exodo 3:1

Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti bantay ti Dios agingga iti Horeb.

Amos 7:15

Ket ni Jehova insinanac iti panangsurot iti pangen, ket ni Jehova kinunana caniac, Inca, agipadto iti ilic nga Israel.

San Lucas 11:50

Tapno maisingirto itoy a caputotan ti naiparucpoc a dara dagiti amin a mammadto nanipud idi pannacabangon ti lubong;

San Lucas 11:51

Nanipud idi dara ni Abel agingga iti dara ni Zacarias, a natay iti nagbaetan ti altar ken ti santuario: wen, cunac cadacayo, a maisingirto itoy a caputotan.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

1 Juan 3:10

Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.

1 Juan 3:12

Saan a cas ken ni Cain nga iturayan ti dakes ket pinatayna ni cabsatna. Ket ania ti gapu a pinatayna? Agsipud ta dagidi ar-aramidna dakesda, ket dagiti ar-aramid ni cabsatna nalintegda.

1 Juan 3:15

Siasinoman a gumura ken cabsatna mangpapatay ket ammoyo nga awan ti manangpapatay nga adda biagna nga agnanayon, nga agtaeng kencuana.