Genesis 4:10 - Ti Biblia (1973)

¹⁰ Ket kinunana, Ania ti inaramidmo? Ti timec ti dara ni cabsatmo awagannac manipud iti daga.

Ti Baro a Naimbag a Damag Biblia

¹⁰ Ket kinuna ni Yahweh, “Apay a kasta ti inaramidmo? Um-umkis kaniak ti dara ti kabsatmo manipud iti daga ket dumawdawat iti panagibales.

Genesis 4:10 Iomraidhean Croise

Genesis 18:20

Ket ni Jehova kinunana kencuana, Agsipud ta ti ariwawa ti Sodoma ken Gomorra dackel, ken gapu ta ti basolda nacaro unay;

Genesis 3:13

Idin ni Jehova Dios kinunana iti babai, Ania daytoy nga inaramidmo? Ket ti babai kinunana, Ti uleg inulbodnac ket nanganac.

Genesis 9:5

Ket di bumurong a ti darayo, ti dara dagiti biagyo, siac sapulecto; iti ima ti amin nga animal sapulecto: ket iti ima ti tao, uray iti ima ti cabsat ti tunggal tao, sapulecto ti biag ti tao.

2 Ar-ari 9:26

Pudno unay a nakitac idi calman ti dara ni Nabot, ken ti dara dagiti annacna, cuna ni Jehova; ket supapacacto kenca iti daytoy a paset ti daga, cuna ni Jehova. Gapuna nga ita alaem ken isu ipurruacmo iti paset ti daga, a mayannurot iti sao ni Jehova.

2 Cronicas 28:9

Ngem maysa a mammadto ni Jehova adda idi sadiay, a ti naganna Obed: ket isu napan simmabet iti buyot a simmangpet idiay Samaria, ket kinunana cadacuada, Adtoy, agsipud ta ni Jehova, a Dios dagiti ammayo, nagpungtot iti Juda, isu inyawatna iti imayo, ket pinatayyo ida iti maysa a pungtot a dumanon iti langit.

Ti Libro ni Job 16:18

O daga, dica abbongan ti darac, ket ti asugco awan coma ti disso a pagsardenganna.

Ti Libro ni Job 24:12

Manipud iti nacatatao nga ili agungor dagiti tattao, ken ti cararua ti nasugat agickis: nupay casta ti Dios dina incancano ti kinamaag.

Dagiti Salmo 50:21

Inaramidmo dagitoy a banbanag, ket nagulimecac; ipatpatomon a siac maysaac a cas kenca met laeng; ngem babalawencanto, ket icabilconto ida nga agiintar iti sango dagiti matam.

Dagiti Salmo 72:14

Subbotennanto dagiti cararwada iti panangirurumen ken iti panangrabsut: ket napategto ti darada iti saclangna:

Dagiti Salmo 9:12

Ta isu nga agmalutmut gapu iti dara malagipna ida; saanna a malipatan ti asug dagiti napanglaw.

Dagiti Salmo 9:13

Mangngaasica coma caniac, O Jehova; Matmatam coma ti leddaangco a sagabaec cadagidiay gumurgura caniac, sica a mangaon caniac iti ruangan ni patay;

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Isaias 5:7

Ta ti cauvasan ni Jehova dagiti buybuyot isu ti balay ti Israel, ket dagiti tattao ti Juda isuda dagiti nacaay-ayo a mulana: ket nagsapul ti kinajusticia, ngem, adtoy, ti pammarigat; ken ti kinalinteg, ngem, adtoy, ti maysa a riaw.

Numero 35:33

Iti casta dicayto mamulitan ti daga a pagyananyo: ta ti dara daytoy mulitanna ti daga; ket awan mabalin nga aramiden a pangsubbot a maipaay iti daga, iti dara a naibucbuc idiay no di met laeng ti dara ni nangibucbuc.

Dagiti Aramid 5:3

Ngem kinuna ni Pedro: Ananias, apayapay pinunno ni Satanas ta pusom a mangulbod iti Espiritu Santo ken mangitidda ti naglacoan ti talon?

Dagiti Aramid 5:9

Ngem ni Pedro kinunana kencuana: Casano aya a nagtulagcayo a mangsuut iti Espiritu ti Apo? Adtoy, dagiti sacsaca dagiti nangitabon ken asawam, addadan iti ruangan ket iruardacanto.

Deuteronomio 21:1

No masaracan ti maysa a napatay ti daga nga ited kenca ni Jehova a Diosmo, a tagicuaen, a naiwalang iti daga, ket di am-ammo ti nangcabil kencuana;

Hebreo 11:4

Gapu iti pammati ni Abel indiayana iti Dios ti maysa a daton a nasaysayaat ngem ni Cain; ket gapu iti daytoy naited kencuana ti pannacapanecnec nga isu nalinteg idi a sinacsian ti Dios ti maipapan cadagiti datdatonna; ket gapu itoy nupay natayen, agsao pay laeng.

Hebreo 12:24

Ken ni Jesus, a mangibabaet iti baro a tulag, ken iti dara nga iwaris, nga agsao cadagiti nasaysayaat a banbanag ngem daydi ken Abel.

Santiago 5:4

Adtoy ti tangdan dagiti mangmangged a nagan-ani cadagiti taltalonyo, isu nga ingawidyo a babaen ti allilaw; umawag, ket dagiti as-asug dagiti nagan-ani simrecda cadagiti pagdengngeg ti Apo dagiti buybuyot.

Josue 7:19

Ket ni Josue kinunana ken ni Acan, Anacco, Agdawatac kenca, itedmo ti pammadayaw ken Jehova, a Dios ti Israel, ket agpudnoca kencuana: ket palawagem caniac itatta no ania ti inaramidmo; dica ilibac caniac.

1 Samuel 13:11

Ket ni Samuel kinunana, Ania ti inaramidmo? ket ni Saul kinunana, Agsipud ta nakitac a ti umili nawara idi nanipud caniac, ken sica dica immay cadagiti al-aldaw a natudingan, ket dagiti Filisteos naguummongda idiay Micmas;