Genesis 39:9 - Ti Biblia (1973)

⁹ Isu saan a dacdackel itoy a balay ngem siac; ket awan sabali a dina intalec caniac no di la sica, a gapu ta sica ti asawana: casano ngarud ti panangaramidco itoy naindaclan a kinadakes, ken macabasolac iti Dios?

Ti Baro a Naimbag a Damag Biblia

⁹ Adda turayko a kas kenkuana iti daytoy a balay. Sika laeng ti dina intalek kaniak ta asawanaka. Kasano ngarud nga aramidek ti kasta a kinadakes, ket agbasolak iti Dios?”

Genesis 39:9 Iomraidhean Croise

Genesis 13:13

Ket dagiti tattao a taga Sodoma dakesda idi ken managbasolda unay a maibusor ken Jehova.

Genesis 20:3

Ngem ti Dios immay ken Abimelech iti maysa a tagtagainep ti rabii ket kinunana kencuana, Adtoy, natayca a lalaki maipuon iti babai nga innalam; ta isu adda asawana.

Genesis 20:6

Ket kinuna ti Dios kencuana iti tagtagainep, Wen, ammoc nga iti kinapudno ti pusom, inaramidmo daytoy, ket tinubengca met nga agbasol iti maicaniwas caniac gapuna a diac impalubos kenca a sagidem.

Genesis 20:9

Idin ni Abimelech inayabanna ni Abraham, ket kinunana kencuana, Ania ti inaramidmo cadacami? ket ania ti nacabasolac kenca, ta inyegmo caniac ken iti pagariac ti dackel a basol? Inaramidmo caniac dagiti aramid a dida rebbeng a maaramid.

Genesis 24:2

Ket ni Abraham kinunana iti adipenna, ti panglacayen ti balayna, nga agaywan iti isu-amin nga adda kencuana, Isaadmo ta imam, dawatec kenca, iti babaen ti luppoc:

Genesis 39:10

Ket naaramid nga, iti pannakisasaona ken Jose iti inaldaw-aldaw, saanna nga impangpangag ti pannakicaiddana kencuana, wenno di nagintec kencuana.

Genesis 41:40

Sicanto ti agturay iti balayco, ket maitutop iti saom, maiturayan dagiti amin a tattaoc: iti la trono ti pagngatngatoacto ngem sica.

Genesis 42:18

Ket iti maicatlo nga aldaw ni Jose kinunana cadacuada, Aramidenyo daytoy ket agbiagcayo; ta mabutengac iti Dios:

2 Samuel 11:27

Ket idi nalpas ti dung-aw, ni David nagbaon ket isu innalana nga inyeg iti balayna, ket isu nagbalin nga asawana, ket nangipasngay kencuana iti maysa nga anac a lalaki. Ngem ti banag nga inaramid ni David pinagrurodna ni Jehova.

2 Samuel 12:13

Ket ni David kinunana ken Natan, Nagbasolac a maicaniwas ken Jehova. Ket ni Natan kinunana ken David, Casta met ni Jehova iniccatna ti basolmo; dicanto matay.

Nehemias 5:15

Ngem dagiti naggobernador nga immununa ngem siac pinaawitanda dagiti tattao, ket nagalada cadacuada iti tinapay ken arac, sabali laeng ti uppat a pulo a siclo a pirac; wen, dagiti met laeng ad-adipenda nagturayda cadagiti tattao: ngem diac inaramid iti casta, a gapu iti panagbuteng iti Dios.

Nehemias 6:11

Ket kinunac, Ti lalaki a cas caniac agtaray coma? ket asino ti adda idiay, nga idinto a cas caniac sumrec coma iti templo tapno ispalenna ti biagna? Diacto sumrec.

Ti Libro ni Job 31:23

Ta ti kinadacsangasat nga aggapu iti Dios isu ti maysa a nacakigkigtot caniac, ket gapu iti kinadayagna awan mabalinco nga aramiden.

Dagiti Salmo 51:4

Sica, sica laeng, ti nacabasolac, ken nacaaramidac iti dackes iti sangoanam; ta maipakita ti kinalintegmo no agsaoca, ken agraniagca no agipatoca.

Exodo 20:14

Dica makiabig iti dica asawa.

Dagiti Proverbio 6:29

Casta ti sumrec iti asawa ti caarrubana; siasinoman a mangtignay kencuana saanto a di madusa.

Dagiti Proverbio 6:32

Ti makicamalala iti maysa a babai awan ti pannacaawatna: daydiay agaramid iti casta cayatna a dadaelen ti cararuana met laeng.

Eclesiastes 7:26

Ket matontonac pay a napapait ngem ni patay ti babai a ti pusona isu ti silsilo ken bateng ken dagiti im-imana isuda dagiti pangbalud: ti siasinoman a mangayayo iti Dios macalisinto kencuana; ngem ti managbasol matiliwto gapu kencuana.

Jeremias 28:16

Gapuna a castoy ti cuna ni Jehova, Adtoy, papanawenca manipud iti rabaw ti daga: iti daytoy a tawen mataycanto, agsipud ta nagsaoca ti kinasukir a maicaniwas ken Jehova.

Jeremias 50:7

Amin a nacasarac cadacuada inalununda ida; ket dagiti casupadida kinunada, Saancami a nacabasol, agsipud ta nacabasolda a maicaniwas ken Jehova, a pagnaedan ti kinalinteg, ni met laeng Jehova, nga inanama dagiti ammada.

Levitico 20:10

Ket ti lalaki a makicamalala iti asawa ti sabali a lalaki, uray ti makicamalala iti asawa ti carrubana a lalaki, ti lalaki ken ti babai nga agcamalala dinto bumurong a mapapatayda.

Levitico 6:2

No ti maysa a tao macabasol, ket mailaw-an a sumalungasing ken Jehova, ket ulbodenna ti padana a tao iti naitalec, wenno iti nagtulaganda, wenno iti tacaw, wenno pinarigatna ti padana a tao,

Numero 32:23

Ngem no dicayto aramiden ti casta, adtoy, macabasolcayo ken Jehova: ket dinto bumurong a ti basolyo sarakennacayto.

San Lucas 12:48

Ket ti saan a nacaammo, ket nagaramid cadagiti banbanag a maicari iti dusa mabaotto iti bassit: ta iti uray siasino a nacaitedan ti adu, adaddanto ti masingir kencuana, ket daydiay a nacaicumitan iti adu, adadunto met ti madawat kencuana.

1 Taga-Corinto 4:2

Castamet masapul a dagiti agaywan tattaoda coma a matalec.

Tito 2:10

A dida agtacaw, no di ket ipakitada ti isu-amin a pannacatalec, tapno iti isu-amin arcosanda ti sursuro ti Dios a Manangisalacan cadatayo.

Hebreo 13:4

Ti panagasawa nadayaw coma cadagiti isu-amin, ket ti pagiddaan awan coma ti tulawna; ta ti Dios ocomennanto dagiti mannakiabig ken dagiti mannakicamalala.

1 Juan 3:9

Siasinoman a mabukel iti Dios, saan nga agbasol; ta ti bukelna a nadiosan agtaeng kencuana, ket isu saanna a mabalin ti agbasol agsipud ta nabukel iti Dios.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

Paltiing 22:15

Idiay ruar addada dagiti asaso, ken dagiti managanito, ken dagiti mannakicamalala, ken dagiti nacapapatay, ken dagiti agrucbab cadagiti didiosen, ken tunggal maysa nga agayat ken agaramid iti ulbod.