Genesis 39:3 - Ti Biblia (1973)

³ Ket nadlaw ni apona a ni Jehova adda idi kencuana, ken amin nga aramidenna pinagasat ni Jehova iti imana.

Ti Baro a Naimbag a Damag Biblia

³ Nadlaw ti apona nga adda ni Yahweh ken ni Jose.

Genesis 39:3 Iomraidhean Croise

Genesis 21:20

Ket ti Dios naadda iti ubing, ket, dimmackel; ket nagtaeng iti let-ang, ket nagbalin a pumapana bayat ti idadackelna.

Genesis 21:22

Ket naaramid nga, idi met laeng a tiempo, ni Abimelech ken ni Phicol, a capitan dagiti buyotna, nagsaoda ken Abraham, a kinunada, Ti Dios adda kenca iti amin nga aramidmo:

Genesis 21:23

Ita, ngarud, sapataam caniac ditoy maipuon iti Dios a dinacto guliban, ken iti anacco, ken iti appoc: ngem cas mayannatup iti caasi nga inaramidco kenca, aramidemto caniac, ken iti daga a nagtataengam.

Genesis 26:24

Ket ni Jehova nagparang kencuana iti daydi met la a rabii, ket kinunana, Siac ti Dios ni Abraham nga amam: dica agbuteng, ta siac addaac kenca, ket bendicionancanto, ket paaduecto ti putotmo maipuon ken Abraham nga adipenco.

Genesis 26:28

Ket kinunada, Nakitami a nalawag a ni Jehova adda kenca: ket kinunami, Adda coma ita ti maysa a sapata cadatayo, dacami ken sica, ket aramidentayo coma ti maysa a tulag.

Genesis 30:27

Ket ni Laban simmungbat kencuana, No ngarud, nacasaracac iti parabur cadagiti matam, agurayca: ta nasuutco a binendicionannac ni Jehova gapu kenca.

Genesis 30:30

Ta bassit ti adda a cucuam idi awanac pay, ket immadu iti casta unay a nagwadwad; ket ni Jehova binendicionannaca iti uray ania man a papanac: ket ita intonano ti panagbannogco iti maipaay iti balayco?

Genesis 39:2

Ket ni Jehova siaadda idi ken Jose, ket lalaki a nagasat idi; ket adda idi iti balay ni apona nga Egipciano.

Genesis 39:21

Ngem ni Jehova siaadda idi ken Jose, ket kinaasianna, ket inaramidna a nacaay-ayo cadagiti mata ti agaywan ti pagbaludan.

Genesis 39:23

Awan ti uray ania a tamingan ti agaywan ti pagbaludan, gapu ta ni Jehova adda idi kencuana; ket ti inaramidna pinagasat ni Jehova.

2 Ar-ari 18:7

Ket ni Jehova adda idi kencuana; iti uray sadinoman a disso a napananna nagrang-ay: ket immalsa a bimmusor iti ari sadi Asiria, ket saan a nagservi kencuana.

1 Cronicas 22:13

Iti casta agrang-aycanto, no sica sungputem a tungpalen dagiti ipapaalagad ken bibilin nga incumit ni Jehova ken Moises a maipapan iti Israel: bumilegca ken tumuredca; dica agbuteng, dica met agcullayaw.

1 Cronicas 9:20

Ket ni Finees nga anac a lalaki ni Eleazar isu idi ti agturay cadacuada idi nalabes a tiempo, ket ni Jehova adda idi kencuana.

2 Cronicas 1:1

Ket ni Salomon nga anac a lalaki ni David napatibker iti pagarianna, ket ni Jehova a Diosna adda idi kencuana, ket pinatanocna iti napalalo.

2 Cronicas 26:5

Ket isu impacamaysana ti bagina met laeng nga agsapul ken Jehova cadagiti al-aldaw ni Zacarias, isu nga addaan idi pannacaawat iti sirmata ti Dios: ket bayat ti panagsapulna ken Jehova, ti Dios pinarang-ayna.

Nehemias 2:20

Idin sinungbatac ida, ket kinunac cadacuada, Ti Dios ti langit, parang-ayennacamto; gapuna a dacami nga ad-adipenna tumacdercami ken bangonenmi: ngem dacayo awanancayo iti biang, uray calintegan, uray pacalaglagipan, idiay Jerusalem.

Dagiti Salmo 1:3

Ket isu caslanto iti maysa a cayo a naimula iti sibay dagiti ayayus ti danum, nga ipaltuadna ti bungana iti carbenganna, a ti bulongna met saan a malaylay; ket isu-amin nga aramidna rumang-ayto.

Zacarias 8:23

Castoy ti cuna ni Jehova dagiti buybuyot: Cadagidiay nga aldaw mapasamacto, a sangapulo a lallaki a naggapuda cadagiti amin a pagsasao dagiti nasnacion, cumpetdanto, wen cumpetdanto iti pingir ti cawes daydiay Judio, a cunada, Dacami cumuyogcaminto kenca, ta nangegmi a ti Dios adda kenca.

San Mateo 5:16

Casta coma ti panaglawag ti silawyo iti sangoanan dagiti tao; tapno makitada dagiti naimbag nga aramidyo, ket dayawenda coma ni Amayo nga adda sadi langit.

1 Taga-Corinto 16:2

Tunggal umuna nga aldaw ti lawas, tunggal maysa cadacayo, mangilasin ti idulinna cas iti irarangaynanto, tapno intono umayac, saanto a masapul ti agurnong.

Deuteronomio 2:7

Ta ni Jehova a Diosmo bendicionannaca iti isu-amin nga aramiden ti imam; naammoanna ti pannagnam a nagbaliasat iti daytoy dackel a tay-ac: cadagitoy uppat a pulo a tawen, ni Jehova a Diosmo siaadda idi kenca; sica awan nagcurangam.

Josue 1:9

Saanco aya nga imbilin kenca? Bumilegca, ket umingelca: saanca nga agbuteng ket dica met agcullayaw: ta ni Jehova a Diosmo adda kenca iti sadinoman a papanam.

Paltiing 3:9

Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

1 Samuel 18:14

Ket ni David nagmanakem unay cadagiti isu-amin a daldalanna: ket ni Jehova adda idi kencuana.

1 Samuel 18:28

Ket ni Saul naimatanganna ken maammoanna a ni Jehova adda idi ken David; ket ni Micol nga anac ni Saul, nagayat kencuana.

1 Samuel 3:19

Ket ni Samuel dimmackel, ket ni Jehova adda idi kencuana, ket dina impalubos a matnag iti daga ti uray no maysa cadagiti saona.