Genesis 39:2 - Ti Biblia (1973)

² Ket ni Jehova siaadda idi ken Jose, ket lalaki a nagasat idi; ket adda idi iti balay ni apona nga Egipciano.

Ti Baro a Naimbag a Damag Biblia

² Nagserbi ni Jose iti balay ti apona nga Egipcio. Tinultulongan ni Yahweh ket nagballigi iti aniaman nga aramidenna.

Genesis 39:2 Iomraidhean Croise

Genesis 21:20

Ket ti Dios naadda iti ubing, ket, dimmackel; ket nagtaeng iti let-ang, ket nagbalin a pumapana bayat ti idadackelna.

Genesis 21:22

Ket naaramid nga, idi met laeng a tiempo, ni Abimelech ken ni Phicol, a capitan dagiti buyotna, nagsaoda ken Abraham, a kinunada, Ti Dios adda kenca iti amin nga aramidmo:

Genesis 26:24

Ket ni Jehova nagparang kencuana iti daydi met la a rabii, ket kinunana, Siac ti Dios ni Abraham nga amam: dica agbuteng, ta siac addaac kenca, ket bendicionancanto, ket paaduecto ti putotmo maipuon ken Abraham nga adipenco.

Genesis 26:28

Ket kinunada, Nakitami a nalawag a ni Jehova adda kenca: ket kinunami, Adda coma ita ti maysa a sapata cadatayo, dacami ken sica, ket aramidentayo coma ti maysa a tulag.

Genesis 28:15

Ket, adtoy, addaac kenca, ket aywanamanto iti uray sadino a papanam, ket isublicanto ditoy a daga; ta dicanto baybayan, agingga iti diac matungpal ti sinaoc kenca.

Genesis 39:23

Awan ti uray ania a tamingan ti agaywan ti pagbaludan, gapu ta ni Jehova adda idi kencuana; ket ti inaramidna pinagasat ni Jehova.

Genesis 39:3

Ket nadlaw ni apona a ni Jehova adda idi kencuana, ken amin nga aramidenna pinagasat ni Jehova iti imana.

2 Ar-ari 18:7

Ket ni Jehova adda idi kencuana; iti uray sadinoman a disso a napananna nagrang-ay: ket immalsa a bimmusor iti ari sadi Asiria, ket saan a nagservi kencuana.

1 Cronicas 9:20

Ket ni Finees nga anac a lalaki ni Eleazar isu idi ti agturay cadacuada idi nalabes a tiempo, ket ni Jehova adda idi kencuana.

2 Cronicas 1:1

Ket ni Salomon nga anac a lalaki ni David napatibker iti pagarianna, ket ni Jehova a Diosna adda idi kencuana, ket pinatanocna iti napalalo.

Dagiti Salmo 1:3

Ket isu caslanto iti maysa a cayo a naimula iti sibay dagiti ayayus ti danum, nga ipaltuadna ti bungana iti carbenganna, a ti bulongna met saan a malaylay; ket isu-amin nga aramidna rumang-ayto.

Dagiti Salmo 46:11

Ni Jehova dagiti buybuyot adda cadatayo; ti Dios ni Jacob isu ti amangtayo. (Selah)

Dagiti Salmo 46:7

Ni Jehova dagiti buybuyot adda cadatayo; ti Dios ni Jacob isu ti amangtayo. (Selah)

Dagiti Salmo 91:15

Isu awagannacto, ket siac sungbatacto; addaacto kencuana iti pagducotan: isu ispalecto ken idaydayawconto.

Isaias 41:10

Dica agbuteng, ta addaac kenca; dica agcullayaw, ta siac ti Diosmo; papigsaencanto; wen, tulongancanto: wen, tapayaencanto iti akincanawan nga ima ti kinalintegco.

Isaias 43:2

Intono ballasiwem dagiti dandanum, addaacto kenca; ket iti pannacaballasiw dagiti carcarayan didacanto layusen: intono magnaca a lumasat iti apuy, saancanto a mapuuran, ket dinaca met silmutan ti darang.

Jeremias 15:20

Ket aramidencanto iti daytoy nga umili a maysa a natalged a bacud a gambang; ket makigubatdanto a maibusor kenca, ngem didacanto pagballigian; ta addaac kenca a mangispal ken mangruc-at kenca, cuna ni Jehova.

San Mateo 1:23

Adtoy ti maysa a virgen agsicugto ket aganacto iti maysa a lalaki, Ket panaganandanto iti Emmanuel; a no mayulog cayatna a saoen: Ti Dios adda cadatayo.

Dagiti Aramid 8:31

Ket kinunana kencuana: Casano ti pannacabalinco no awan ti mangisuronto caniac? Ket kiniddawna ken Felipe a lumugan ken makicatugaw kencuana.

1 Timoteo 6:1

Dagup dagiti adda iti baba tisangol ti pannacaadipen, ibilangda coma dagiti appoda met laeng a maicari iti isu-amin a dayaw tapno ti nagan ti Dios ken ti sursuro saanda coma a matabbaawan.

Josue 1:5

Awan ti siasinoman a tao a macagawayto kenca cadagiti isu-amin nga al-aldaw ti panagbiagmo: cas iti caaddac idi ken ni Moises casta met ticaaddacto kenca; dicanto baybay-an ken dicanto met panawan.

Josue 1:9

Saanco aya nga imbilin kenca? Bumilegca, ket umingelca: saanca nga agbuteng ket dica met agcullayaw: ta ni Jehova a Diosmo adda kenca iti sadinoman a papanam.

Josue 6:27

Iti casta, ni Jehova adda idi ken ni Josue; ket ti damagna naisacnap iti isu-amin a daga.

1 Samuel 16:18

Idin simmungbat ti maysa cadagiti agtutubo a lallaki, ket kinunana, Adtoy nakitac ti maysa nga anac a lalaki ni Isai a Betlehemita, nga isu ti maysa a nalaing iti panagtocar, ken maysa a lalaki a mannacabalin ken maingel, ken maysa a lalaki ti gubat, ken manakem iti panagbitla, ken maysa a nataer a tao, ket ni Jehova adda kencuana.

1 Samuel 18:14

Ket ni David nagmanakem unay cadagiti isu-amin a daldalanna: ket ni Jehova adda idi kencuana.

1 Samuel 18:28

Ket ni Saul naimatanganna ken maammoanna a ni Jehova adda idi ken David; ket ni Micol nga anac ni Saul, nagayat kencuana.

1 Samuel 3:19

Ket ni Samuel dimmackel, ket ni Jehova adda idi kencuana, ket dina impalubos a matnag iti daga ti uray no maysa cadagiti saona.