Genesis 32:9 - Ti Biblia (1973)

⁹ Ket ni Jacob kinunana, O Dios ni amac nga Abraham, ken Dios ni amac nga Isaac, O Jehova a nagcuna caniac, Agsublica idiay dagam ken cadagiti cacabagiam ket aramidecto kenca ti naimbag:

Ti Baro a Naimbag a Damag Biblia

⁹ Ket nagkararag ni Jacob, “O Dios ni apongko nga Abraham ken ni tatangko nga Isaac, tulongannak koma. Imbagam kaniak, O Apo, nga agsubliak iti dagak ken kadagiti kakabagiak ket saannakto a baybay-an.

Genesis 32:9 Iomraidhean Croise

Genesis 17:7

Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

Genesis 28:13

Ket, adtoy, ni Jehova nagtacder iti rabawna ket isu kinunana, Siac ni Jehova, a Dios ni Abraham, nga amam, ken ti Dios ni Isaac: ti daga a nagiddaam itdecto kenca ken cadagiti caputotam;

Genesis 28:15

Ket, adtoy, addaac kenca, ket aywanamanto iti uray sadino a papanam, ket isublicanto ditoy a daga; ta dicanto baybayan, agingga iti diac matungpal ti sinaoc kenca.

Genesis 31:13

Siac ti Dios ti Bethel, isu a nanglanaam iti bato, isu a nagcariam caniac iti cari: tumacderca ita, ket pumanawca ditoy a daga, ket inca agsubli iti daga a nacayanacam.

Genesis 31:29

Adda ti pannacabalin iti imac nga mangranggas kenca: ngem ti Dios ni amam sinaona caniac idi rabii, a kinunana, Aluadam ta dica agsao ken Jacob iti naimbag man wenno dakes.

Genesis 31:3

Ket ni Jehova kinunana ken Jacob, Agsublica iti daga dagiti dadackelmo, ken cadagiti cacabagiam; ket siaaddaacto kenca.

Genesis 31:42

No coma no ti Dios ni amac, ti Dios ni Abraham, ken ti Buteng ni Isaac, awan caniac idi, pudno ima-imaac coma a papanawem ita. Ti Dios nakitana ti rigatco ken ti bannog dagiti im-imac, ket tinubngarnaca idi rabii.

Genesis 31:53

Ti Dios ni Abraham, ken ti Dios ni Nacor, ti Dios ni amada, ocomennata coma. Ket ni Jacob nagsapata gapu iti Buteng ni Isaac nga amana.

Genesis 32:8

Ket kinunana, No umay ni Esau iti umuna a bunggoy, ket cabilenna, ti matda a bunggoy ngarud macaliclicto.

Genesis 49:25

Aggapu iti Dios ni amam met laeng, ti tumulongto kenca, Ket aggapu iti Mannacabalin amin ti mamendicionto kenca, Cadagiti benbendicion ti langit a nangato, Benbendicion ti yuyeng nga agiyan iti baba, Benbendicion dagiti sussuso, ken ti aanacan.

2 Cronicas 20:12

O Diosmi, saanmonto aya ida nga ocomen? ta awan ti pannacabalinmi a bumusor itoy dackel a buyot nga umay a maibusor cadacami; dicami met ammo no ania coma ti aramidenmi: no di ket dagiti matami addada a situturong kenca.

2 Cronicas 20:6

Ket kinunana, O Jehova, a Dios dagiti ammami, saanca aya a Dios sadi langit? ket saanca aya nga agturay cadagiti amin a pagarian dagiti nasnacion? ket ti imam napigsa ken mannacabalin, tapno awan ti macabalin a sumcad kenca.

2 Cronicas 32:20

Ket ni Ezekias nga ari ken ni Isaias a mammadto nga anac a lalaki ni Amos nagcararagda a gapu itoy, ket nagickisda iti langit.

Dagiti Salmo 50:15

Ket awagannac iti aldaw ti pacadanagan: ispalencanto, ket sica idaydayawnacto.

Dagiti Salmo 91:15

Isu awagannacto, ket siac sungbatacto; addaacto kencuana iti pagducotan: isu ispalecto ken idaydayawconto.

Exodo 3:6

Maysa pay kinunana, Siac ti Dios ni amam, ti Dios ni Abraham, ti Dios ni Isaac, ken ti Dios ni Jacob. Ket ni Moises inapputna ti rupana; ta nagbuteng a kimmita iti Dios.

Jeremias 32:16

Calpasan ti panangyawatco iti documento ti pananggatang ken Baruc nga anac a lalaki ni Nerias, nagcararagac ken Jehova, a kinunac,

1 Samuel 30:6

Ket ni David napaldaang iti napalalo; ta ti umili insaona ti pananguborda kencuana, agsipud ta ti cararua ti amin nga umili napaliday, tunggal lalaki a gapu cadagiti annacna a lallaki ken babbai: ngem ni David pinapigsana ti bagina ken Jehova a Diosna.