Genesis 3:8 - Ti Biblia (1973)

⁸ Ket nangngegda ti timec ni Jehova Dios a magmagna iti minuyongan iti lamiis ti aldaw: ket naglemmeng ti lalaki ken ti asawana cadagiti cacaycayoan iti minuyongan iti imatang ni Jehova Dios.

Ti Baro a Naimbag a Damag Biblia

⁸ Iti dayta a sumipnget, nangngegda ti arimpadek ni Yahweh a Dios a magmagna iti minuyongan. Naglemmeng dagiti agassawa kadagiti kakaykaywan,

Genesis 3:8 Iomraidhean Croise

Genesis 18:33

Ket pimmanao ni Jehova, a nalpas ti pannakisasaona ken Abraham: ket ni Abraham nagsubli iti yanna.

Genesis 3:10

Ket isu kinunana, Nangngegco ti timecmo iti minuyongan ket nagbutengac, ta silalamolamoac; ket naglemmengac.

Ti Libro ni Job 22:14

Napuscol nga ul-ulep isuda ti maysa a mangabbong kencuana, iti casta a di macakita; ket agpagpagna idiay bobeda ti langit.

Ti Libro ni Job 31:33

No cas ken Adan inabbongac ti panaglabsingco, gapu iti panangilemmengco ti kinadangkes iti unegco,

Ti Libro ni Job 38:1

Idin ni Jehova simmungbat manipud iti alipugpug, ket kinunana,

Dagiti Proverbio 15:3

Dagiti mata ni Jehova addada iti amin a yan, a sisisiput cadagiti dakes ken naimbag.

Jeremias 23:24

Mabalin aya ti siasinoman ti aglinged cadagiti nalmeng a disso tapno isu saanco a makita? cuna ni Jehova. Saanco aya a punnoen ti langit ken daga? cuna ni Jehova.

Oseas 10:8

Dagiti met nangato a disso ti Aven, ti basol ti Israel, madadaeldanto; ti siit ken casumba tumubodanto iti rabaw dagiti altarda; ket cunadanto cadagiti banbantay, gaburandacami; ket cadagiti turturod, Agtinnagcayo cadacami.

Levitico 26:12

Ket magnaacto iti nagtengngaanyo, ket siacto ti Diosyo, ket dacayto ti ilic.

Jonas 1:3

Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Taga-Roma 2:15

Nga ipakitada ti aramid ti linteg a naisurat cadagiti puspusoda, ti concienciada met laeng mangpanecnec cadacuada, ken dagiti panpanunutda; agpipinnabasolda ken agpipinnambarda.

Deuteronomio 23:14

Ta ni Jehova a Diosmo magna iti tengnga ti pacarsom, tapno ispalennaca, ket yawatna dagiti cabusormo iti saclangmo: isu ti gapuna a ti pagpacarsoam nasantoanto, tapno dina coma makita ti di-nadalus kenca, ket tallicudannaca.

Deuteronomio 4:33

Adda aya tattao a nacangeg iti timec ti Dios nga agsasao manipud iti tengnga ti apuy, cas mangngegmo, ket sibibiag pay laeng?

Deuteronomio 5:25

Ita ngarud, apayapay a mataycamto? Ta daytoy dackel nga apuy ibusennacamto: no mangegmi pay manen ti timec ni Jehova, mataycamto ngarud.

Hebreo 4:13

Ket awan ti aniaman a parsua a saan a sipapanayag iti imatangna; no di ket, dagiti isu-amin a banag addada a lamolamo ken agdadata cadagiti mata daydiay a pagidatagantayo.

Paltiing 6:15

Ket dagiti ar-ari ti daga, ken dagiti annac ti ari, ken dagiti cocoronel ken dagiti babacnang, ken dagiti mannacabalin, ken isu-amin nga adipen ken agwayawaya, naglemmengda cadagiti rucrukib, ken cadagiti batbato cadagiti banbantay;