Genesis 3:7 - Ti Biblia (1973)

⁷ Ket dagiti matmatada a dua naluctanda, ket naammoanda a silalamolamoda; idin nagdaitda cadagiti bulong ti higos ket inaramidda a bidangda.

Ti Baro a Naimbag a Damag Biblia

⁷ Apaman a nakapanganda, naaddaanda iti pannakaawat ket nabigbigda a lamolamoda. Iti kasta, namagsasaipda kadagiti bulong ti kayo nga igos a pinangabbongda iti bagida.

Genesis 3:7 Iomraidhean Croise

Genesis 2:25

Ket isuda a dua ti lalaki ken ti asawana, silamolamoda idi ket dida nagbain.

Genesis 3:5

Ta ti Dios ammona nga iti aldaw a pananganyo iti dayta, dagiti matayo maluctandanto, ket caslacayton iti Dios a macaammo ti naimbag ken ti dakes.

2 Ar-ari 6:20

Ket naaramid, idi a dimtengda iti Samaria, a ni Eliseo kinunana, Jehova, luctam dagiti matmata dagitoy a lallaki, tapno macakitada coma. Ket ni Jehova linuctanna dagiti matmatada, ket kimmitada; ket adtoy, nga isuda addada idi iti tengnga ti Samaria.

Isaias 28:20

Ta ti pagiddaan ab-ababa ngem iti daydiay tao nga agunnat kencuana; ket ti pagcumot ac-akikid ngem iti daydiay mangyules kencuana.

Isaias 47:3

Ti kinalamolamom malucasanto, ket ti ibainmo makitanto: bumalesacto, ket awanto ti iliclicco a tao.

Isaias 59:6

Dagiti abelda didanto agbalin a pagan-anay, dindanto maabbongan dagiti bagida met laeng cadagiti aramidda: dagiti aramidda isuda dagiti aramid ti kinadangkes, ket ti aramid ti panagrabsut adda cadagiti im-imada.

Dungdung-aw 1:8

Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

San Lucas 16:23

Ket idi adda a matutuoc idiay Hades intangadna dagiti matana ket nakitana ni Abraham iti adayu, ken ni Lazaro iti saclotna.

1 Taga-Corinto 12:23

Ket dagidiay camcameng ti bagi a pagarupentayo nga nacurcurang ti dayawda, ad-addada nga idaydayawtayo unay; ket dagiti camcamengtayo a nalaad, ad-adda ti pannacatarimaanda;

Deuteronomio 28:34

Iti casta nga agam-amangawcanto a mapuon iti mabuya dagiti matam a makitamto.

Uk-ukom 3:2

Isuna laeng tapno ti caputotan dagiti annac ti Israel ammoenda coma, nga isurona ida iti gubat, cadagidiay met laeng saan a nacaammo iti uray ania a maipapan iti gubat: