Genesis 3:5 - Ti Biblia (1973)

⁵ Ta ti Dios ammona nga iti aldaw a pananganyo iti dayta, dagiti matayo maluctandanto, ket caslacayton iti Dios a macaammo ti naimbag ken ti dakes.

Ti Baro a Naimbag a Damag Biblia

⁵ Kasta ti sao ti Dios ta ammona a no mangankayo iti bunga ti kayo, maaddaankayto iti pannakaawat. Agbalinkayto a kas iti Dios ket maammoanyonto no ania ti naimbag ken ti dakes.”

Genesis 3:5 Iomraidhean Croise

Genesis 2:17

Ngem ti aggapu iti cayo ti pannacaammo ti imbag ken ti dakes saanmonto a canen: ta iti aldaw a pannanganmo iti daydiay mataycanto a di bumurong.

Genesis 2:9

Ket ni Jehova Dios pinatubona iti daga, amin a cayo a nacaay-ayo a makita, ken naimbag a canen; casta met ti cayo ti biag iti tengnga ti minuyongan, ken ti cayo ti pannacaammo ti imbag ken ti dakes.

Genesis 3:10

Ket isu kinunana, Nangngegco ti timecmo iti minuyongan ket nagbutengac, ta silalamolamoac; ket naglemmengac.

Genesis 3:22

Ket ni Jehova Dios kinunana, Adtoy, ti lalaki nagbalin a cas maysa cadatayo, nga ammona ti naimbag ken ti dakes; ket ita, di la ket ta igawatna ti imana, ken mangala iti cayo ti biag, ken mangan, ken agbiag a cancanayon.

Genesis 3:7

Ket dagiti matmatada a dua naluctanda, ket naammoanda a silalamolamoda; idin nagdaitda cadagiti bulong ti higos ket inaramidda a bidangda.

1 Ar-ari 22:6

Idin ti ari ti Israel tiniponna dagiti mammadto, nga aguppat a gasut a lallaki, ket kinunana cadacuada, Siac innacto a maibusor iti Ramot-galaad a gumubat, wenno idiac? Ket isuda kinunada, Sumang-atca; ta ti Apo isu ti yawatnanto iti ima ti ari.

2 Cronicas 32:15

Ita ngarud dicayo palubosan ni Ezekias a mangallilaw cadacayo, wenno manguyut cadacayo iti castoy a wagas, isu dicayo met patien; ta awan ti dios ti uray ania a nacion wenno pagarian a nacabalin a nangispal ti ilina iti imac, ken iti ima dagiti ammac: casanonto cabassit ti panangispalna cadacayo ti Diosyo cadagiti imac?

Dagiti Salmo 12:4

A kinunada, Iti dilami mangparucmacamto; dagiti bibigmi cucuami a bucod: siasino ti mangituray cadacami?

Exodo 20:7

Dica aramaten iti barengbareng ti nagan ni Jehova a Diosmo ta ni Jehova saannanto a di pabidduten ti mangaramat iti naganna iti barengbareng.

Exodo 5:2

Ket ni Faraon kinunana, Asino ni Jehova nga imdengac coma ti timecna tapno bay-ac a pumanaw ti Israel? Diac am-ammo ni Jehova, ket maysa pay diacto palubosan ti Israel.

Isaias 14:14

Agpangatoacto iti rabaw ti cangatoan dagiti ululep; ipadpadconto ti bagic ken Cangatoan.

Ezekiel 13:22

Ta gapu cadagiti ulbod pinagladingityo ti puso ti nalinteg, isuda a diac pinagleddaang, ket pinabilegyo dagiti im-ima dagiti nadangkes, tapno isu saan coma a sumina iti dakes a dalanna, ket maispal a sibibiag;

Ezekiel 28:12

Anac ti tao, agunnoyca maipaay iti ari ti Tiro, ket cunaem kencuana, Castoy ti cuna ni Apo Jehova: Sica selloam ti pacadagupaa, napno ti sirib, ken awan pagcuranganna iti imnas.

Ezekiel 28:2

Anac ti tao, ibagam iti principe ti Tiro, Castoy ti cuna ni Apo Jehova: Agsipud ta ti pusom timmangsit, ket kinunam, Siac maysaac a dios, agtugawac iti tugaw ti Dios, iti tengnga dagiti baybay; nupay casta sica taoca, a saan a Dios, nupay insaadmo ti pusom a cas ti puso ti Dios;

Ezekiel 28:9

Cunaemto pay laeng aya iti sangoanan ti mamapatay kenca, Siac Diosac? ngem sica taoca, a saan a Dios, iti ima daydiay a mangsugat kenca.

Ezekiel 29:3

Agsaoca, ket cunam, Castoy ti cuna ni Apo Jehova: Adtoy, bumusorac kenca, Faraon nga ari ti Egipto, ti dackel nga olimaw nga adda iti tengnga dagiti carayanna, a nagcuna, Ti carayanco cucuac a bucod, ket isu inaramidco a maipaay caniac met laeng.

Daniel 4:30

Nagsao ti ari ket kinunana, Saan aya a daytoy ti dackel a Babilonia a binangonco a maipaay iti palacio a naarian, babaen ti bileg ti pannacabalinco a maipaay iti dayag toy kinatan-occo?

Daniel 6:7

Amin dagiti presidente iti pagarian, diputados, ken pangpanguloen, dagiti consejeros ken gobernadores nagbibinnalacadanda ti mamangon iti maysa a naarian a linteg, ken mangaramid ti maysa a napigsa a bilin, a siasinoman nga agdawat iti uray siasino a dios wenno tao iti bayat ti tallopulo nga aldaw, no di laeng kenca, O ari, isu maibellengto iti rukib dagiti leon,

San Mateo 6:23

Ngem no ti matam dakes, amin a bagim nasipngetto: no ti silaw ngarud nga adda kenca nacudrep, Nagdackelan ket ti sipngeten!

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

2 Taga-Corinto 11:3

Ngem maamacac, di la ket ta cas iti panangulbod daydi uleg ken Eva iti kinasicapna, casta met dagiti panunotyo madadaelda, ken maisinada iti nadalus a singgalut a maipaay ken Cristo.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

2 Taga-Tesalonica 2:4

Isu a sumalungasing ken agpalangguad a bumusor iti isu-amin a managan Dios, wenno ti nairucbab; ket iti casta agtugaw iti templo ti Dios, nga agparang a cas la isu ti Dios.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 13:4

Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Uk-ukom 3:2

Isuna laeng tapno ti caputotan dagiti annac ti Israel ammoenda coma, nga isurona ida iti gubat, cadagidiay met laeng saan a nacaammo iti uray ania a maipapan iti gubat: