Genesis 3:16 - Ti Biblia (1973)

¹⁶ Ket idi babai kinunana, Paaduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; ket iti asawam isunto ti calicaguman, ket isu iturayannacanto.

Ti Baro a Naimbag a Damag Biblia

¹⁶ Kinunana iti babai, “Paaduekto ti rigat a sagabaem bayat ti panagsikogmo. Ket ad-addanto pay inton dumteng ti panagpasikalmo. Nupay kasta, kasapulamto latta ti asawam ngem iturayannakanto.”

Genesis 3:16 Iomraidhean Croise

Genesis 4:7

No naimbag ti aramidem apay a dinto macaparagsac? ket no dica agaramid iti naimbag, ti basol cumleb iti ruangan; ket ti calicagumanna sica; ngem sica gundawayam coma.

1 Cronicas 4:9

Ket ni Jabes natantan-oc idi ngem cadagiti cacabsatna a lallaki: ket ingalad ni inana ti naganna a Jabes, a kinunana, Agsipud ta impasngayco a binuyog ti ladingit.

Ester 1:20

Ket intono ti pangngeddeng ti ari nga aramidennanto maiwarnac iti amin a pagarianna (ta isu ti dackel), amin dagiti assawa a babbai padayawandanto dagiti assawada, dackel man ken bassit agpadpada.

Dagiti Salmo 48:6

Ti tayegteg kinapetna ida sadiay ti ut-ut, a cas iti maysa a babai nga agpasical.

Isaias 13:8

Ket agcullayawdanto; dagiti tuoc ken ledleddaang tenglendanto ida; addadanto iti tuoc a cas iti maysa a babai nga agpaspasical: agkikinnitanto nga agmalmalanga ti maysa ken maysa; dagiti ruprupada rupanto a darang.

Isaias 21:3

Gapuna a napno dagiti lomoc iti tuoc; dagiti ut-ut ginemgemandac, a cas cada giti ut-ut ti maysa a babai iti panagpasical: addaac a siuut-ut iti casta diac macangngeg; addaac a sicucullayaw iti casta diac macakita.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Jeremias 13:21

Ania ti cunamto no isaadnanto iti ngatoem no icabilnanto a cas pangulo dagidiay a sica met laeng insurom tapno agbalinda a gagayyemmo? saan aya nga ut-ut ti umapay kenca a cas maysa a babai nga agpasical?

Jeremias 22:23

O agnaed ti Libano, nga aramidem ti umocmo cadagiti cantingen, Anian a nagdackel ti kinacacaasim intono dumteng kenca ti rigat, ti ri ut-ut a cas iti babai nga agpasical!

Jeremias 4:31

Ta nangngegco ti maysa a timec a cas maysa a babai nga agpasical, cas ti tuoc ti mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.

Jeremias 49:24

Ti Damasco nagbalinen a nacapuy, tumallicud tapno agtaray, ket panagpigerger ti kimpet kencuana: liday ken ladladingit ti nangpetpet kencuana a cas babai nga agpaspasical.

Jeremias 6:24

Nangngegmi ti damagna, dagiti imami kimmapsutda; ti sennaay kinapetnacami, ken ut-ut a cas ti babai nga agpasical.

Numero 30:13

Tunggal cari ken tunggal insapata a singgalut tapno agladingit ti cararua, ni asawana a lalaki mabalinna a patalgedan, wenno ni asawana a lalaki mabalinna a ucasen.

San Juan 16:21

Ti babai, no aganac, adda ladingitna, ta dimteng ti horasna; ngem inton naipasngayna ti ubing, saanna a malagipen ti rigat, gapu iti rag-o, ta nayanac ti maysa a tao itoy lubong.

1 Taga-Corinto 11:3

Ngem cayatco a maamoanyo coma a ti panguloen ti isu-amin a tao isu ni Cristo, ket ti panguloen ti babai isu ti lalaki, ket ti pannacaolo ni Cristo isu ti Dios.

1 Taga-Corinto 14:34

Dagiti babbai agulimecda coma cadagiti Iglesia: ta saan a maipalubos cadacuada ti agsao; ngem addada coma a paiturayan cas cuna met ti linteg.

1 Taga-Corinto 7:4

Ti babai saan nga isu ti agtagicua iti bagina, no di ti asawana; ket casta met ti lalaki saan nga isu ti agtagicua iti bagina no di ni asawana.

Taga-Colosas 3:18

Babbai, agtulnogcayo cadagiti assawayo, cas mayannugot iti Apo.

1 Taga-Tesalonica 5:3

Intono sasao-enda: Talna ken talged: isunto metten ti iyaayna cadacuada ti kel-laat a pannacadadael cas iti panagpasical a mapasamac ti masicog; ket didanto macalisi.

1 Timoteo 2:13

Ta ni Adam nabukel nga immuna, calpasanna ni Eva;

1 Timoteo 2:15

Nupay casta, isu maisalacanto iti panagpasngayna cadagiti annac, no agtalinaed iti pammati ken ayat ken kinadalus, ken kinanacman.

Tito 2:5

Natacnengda, nadalusda, nga aywananda ti balay, naasida, nga agtulnogda cadagiti assawada met laeng, tapno di matabbaawan ti sao ti Dios: