Genesis 26:12 - Ti Biblia (1973)

¹² Ket ni Isaac nagtalon idiay a daga, ket nacagunguna iti daydi a tawen ti naminsangagasut: ket binendicionan ni Jehova.

Ti Baro a Naimbag a Damag Biblia

¹² Nagtalon ni Isaac iti dayta a daga. Iti dayta a tawen, nakaapit iti maminggasut a kaadu ti immulana, gapu ta binendisionan ni Yahweh.

Genesis 26:12 Iomraidhean Croise

Genesis 24:1

Ket ni Abraham lacayen, ket aduanen ti tawen: ket ni Jehova binendicionanna ni Abraham iti isu-amin.

Genesis 24:35

Ket ni Jehova binendicionanna iti adu ni apoc; ket nagbalinen a dackel: ket iniccanna cadagiti carcarnero, ken vacvaca, ken pirac ken balitoc, ken ad-adipen a lallaki ken babbai, ken camcamello ken as-asno.

Genesis 25:11

Ket naaramid nga, iti calpasan ti ipapatay ni Abraham, binendicionan ti Dios ni Isaac nga anacna: ket ni Isaac nagtaeng iti asideg ti Beer-lahairoi.

Genesis 26:29

A dicanto aramiden cadacami ti dakes a cas cadacami didaca sinagsagid, ken cas ti naimbag nga inaramidmi laeng ket inbaondaca a sicacappia; sica ita ti bendito ni Jehova.

Genesis 26:3

Agnaedca iti daytoy a daga, ket siac addaacto kenca, ket bendicionancanto; ta kenca ken iti putotmo itedconto amin dagitoy a dagdaga, ket patalgedacto ti sapata nga insaptac ken Abraham nga amam;

Genesis 30:30

Ta bassit ti adda a cucuam idi awanac pay, ket immadu iti casta unay a nagwadwad; ket ni Jehova binendicionannaca iti uray ania man a papanac: ket ita intonano ti panagbannogco iti maipaay iti balayco?

Ti Libro ni Job 42:12

Iti casta ni Jehova binendicionanna ti naud-udi a tungpal ni Job a nangnangrona ngem idi panangrugina: ket isu naddaan iti sangapulo ket uppat a ribu a carcarnero, ken innem a ribu a camcamello, ken sangaribu a casangolan a vacvaca, ken sangaribu nga as-asna.

Dagiti Salmo 67:6

Ti daga pinaaduna ti apit: ti Dios, ti met laeng Diostayo, bendicionannatayto.

Dagiti Salmo 72:16

Addanto kinaruay ti bukel iti daga iti tapaw dagiti banbantay; ti bungada margaayandanto a cas ti Libano: ket dagiti taga-ili agrangpayadanto a cas iti root iti daga.

Dagiti Proverbio 10:22

Ti bendicion ni Jehova ti mangpabacnang; ket saanna nga anayan iti ladingit.

Eclesiastes 11:6

Iti bigat imulam ti bin-im, ket iti rumabii dica pagsardengen ta imam; ta dica ammo nga agrang-ayto, no daytoy wenno daydiay, wenno isuda nga agpadpada naimbagdanto.

Zacarias 8:12

Ta addanto bin-i ti talna; ti uvas itednanto ti bungana, ket ti daga itednanto ti apitna, ket dagiti langlangit iteddanto ti linnaawda; ket pagtawidecto ti matda iti daytoy nga ili cadagitoy amin a banbanag.

San Mateo 13:23

Ngem ti naimula iti nasayaat a daga, isu daytoy ti dumngeg iti sao, ket maawatanna isu a mangted ti bunga, ket agbunga dagiti dadduma sagsangagasut, ket dagiti dadduma sagninem a pulo, ket dagiti dadduma saggatlo pulo.

San Mateo 13:8

Ket dagiti dadduma nagdissoda iti nasayaat a daga, ket nangtedda ti bunga: dagiti dadduma, sangsangagasut, dagiti dadduma sagninem a pulo, ket dagiti dadduma saggatlo pulo.

San Marcos 4:8

Ket dadduma nagdissoda iti daga a nasayaat, ket idi a rimmang-ay ken dimmackelda, nagbungada; ket nagbungada iti saggatlopulo, sagninem a pulo, ken sagsangagasut.

1 Taga-Corinto 3:6

Nagmulaac, ni Apolos nagsibug, ngem inted ti Dios ti idadackel,