Genesis 23:2 - Ti Biblia (1973)

² Ket natay ni Sara idiay Kiriatharbe (a isu ti Hebron), idiay daga a Canaan: ket ni Abraham immay nga agladingit ken Sara, ket tapno sangitanna.

Ti Baro a Naimbag a Damag Biblia

² idi matay idiay Hebron, iti daga ti Canaan. Dinung-awan ni Abraham ti ipapatay ni Sara.

Genesis 23:2 Iomraidhean Croise

Genesis 13:18

Ket ni Abram inyalisna ti sapawna, ket napan nagnaed iti abay ti caroblean ni Mamre, nga adda sadiay Hebron, ket namangon idiay ti maysa nga altar nga agpaay ken Jehova.

Genesis 23:1

Ket sangagasut, duapulo ket pito a tawen ti panagbiag ni Sara: dagitoy dagiti tawtawen ti biag ni Sara idi.

Genesis 23:19

Ket iti calpasan daytoy, intanem ni Abraham ni Sara nga asawana iti rukib ti talon ni Macpela iti sango ti Mamre (nga isu ti Hebron) idiay daga a Canaan.

Genesis 24:67

Ket impastrec ni Isaac ti sapaw ni inana a Sara, ket innalana ni Rebeca, ket nagbalin nga asawana; ket inayayatna: ket naliwliwa ni Isaac calpasan ti ipapatay ni inana.

Genesis 27:41

Ket ni Esau ginurana ni Jacob maipanggep iti bendicion, isu a pammendicion ni Amana kencuana: ket ni Esau kinunana iti pusona, Dagiti al-aldaw ti ladingit a maipaay ken amac umasidegdan; ti casta patayecto ni Jacob a cabsatco.

Genesis 35:27

Ket ni Jacob immay ken Isaac nga amana idiay Mamre, idiay ili nga Arbee (isu ti Hebron), a nagnaedan da Abraham ken ni Isaac.

Genesis 37:14

Ket kinunana kencuana, Inca ita, kitaem no naimbag ti casasaad dagiti cacabsatmo, ken no naimbag ti pangen, ket yegmo caniac ti damag. Ket pinalubosanna idiay lobong ti Hebron, ket nacadanon sadiay Siquem.

Genesis 50:1

Ket ni Jose inapungolna ti rupa ni amana, ket sinangitanna, ket inagcanna.

Genesis 50:10

Ket nacagtengda agingga iti pagtaltagan idiay Atad, nga adda iti casumbangir ti Jordan, ket sadiay nagdung-awda iti dackel unay ken napalalo a panagdung-aw: ket inaramidna ti maysa a panangdung-aw ken amana cadagiti pito nga aldaw.

2 Samuel 1:12

Ket nagdung-awda, ket nagsangitda; ket nagayunarda agingga iti malem, a gapu Saul, ken Jonatan nga anacna, ken gapu iti ili ni Jehova, ken gapu iti balay ti Israel; agsipud ta isuda napasagda iti campilan.

2 Samuel 1:17

Ket ni David nagdung-aw iti daytoy a panagdung-aw ken Saul ken ni Jonatan nga anacna.

2 Samuel 2:11

Ket iti bayat ti panagari ni David idiay Hebron iti balay ni Juda pito a tawen ket innem a bulan.

2 Samuel 5:3

Iti casta isu-amin dagiti, lallacay ti Israel immayda iti ari idiay Hebron; ket ni ari David nagaramid cadacuada iti tulag idiay Hebron iti saclang ni Jehova: ket pinulotanda ni David nga ari iti Israel.

2 Samuel 5:5

Idiay Hebron nagari iti Juda iti pito a tawen ket innem a bulan; ket idiay Jerusalem nagari iti tallo pulo ket tallo a tawen iti isu-amin nga Israel ken Juda.

1 Cronicas 6:57

Ket cadagiti annac a lallaki ni Aaron intedda dagiti il-il a pagcamangan, ti Hebron; ti Libna met agraman cadagiti cabangibangda, ken ti Jattir, ken Estemoa agraman cabangibangda,

2 Cronicas 35:25

Ket ni Jeremias limdaang gapu ken Josias: ket dagiti amin a cumacanta a lallaki ken cumacanta a babbai agsaoda iti maipapan ken Josias cadagiti un-unnoyda agpapan itoy nga aldaw; ket nangaramidda a maipaay cadacuada iti maysa nga annuroten idiay Israel: ket, adtoy, naisurat cadagiti un-unnoy.

Nehemias 11:25

Ket maipanggep cadagiti purpuroc, agraman cadagiti taltalonda, dadduma cadagiti annac ni Juda nagnaedda idiay Cariat-arbe ken cadagiti il-ilina, ken idiay Dibon ken cadagiti il-ilina, ken idiay Jecabseel ken cadagiti purpurocna,

Jeremias 22:10

Saanyo a sangitan ti natay, ket isu dicayo met dung-awan; ngem sangitanyo a sipapait ti pumanaw; ta saanton nga agsubli dina met makitan ti daga a nacayanacanna.

Jeremias 22:18

Castoy ngarud ti cuna ni Jehova maipapan ken Joakim, nga anac a lalaki ni Josias, ari ti Juda: Saandanto nga agunnoy gapu kencuana, a cunada, Ay cabsatco a lalaki! wenno, Ay cabsat a babai! Saandanto nga agunnoy gapu kencuana, a cunada, Ay Apo! wenno, Ay ti dayagna!

Numero 13:22

Ket nagsang-atda iti abagatan ket immayda iti Hebron; ket ni Aiman, Sisai, ken Tolmai nga annac a lallaki ni Anac addada idi idiay. (Ita ti Hebron pito a tawen a nabangonen idi awan pay ti Zoan idiay Egipto.)

Numero 20:29

Ket idi nakita ti dagup ti gimong a natay ni Aaron, sinangitanda ni Aaron cadagiti tallopulo nga aldaw, dagup iti amin a balay ti Israel.

San Juan 11:31

Dagiti Judio ngarud a cadduana iti balay ken mangliuliwa kencuana, idi nakitada a timmacder ni Maria iti napardas, ken rimmuar, sinurotda, nga ipappapanda a mapan idiay tanem tapno agsangit sadiay.

San Juan 11:35

Nagsangit ni Jesus.

Dagiti Aramid 8:2

Ket dagiti lallaki a nasingpet intanemda ni Esteban ket nagdungdung-awda a maigapu kencuana.

Deuteronomio 34:8

Ket dagiti annac ti Israel sinangitanda ni Moises iti tantanap ti Moab bayat iti tallopulo nga aldaw: casta ti pannacaungpot dagiti aldaw ti panagsangsangit iti panagliday a gapu ken Moises.

Josue 10:39

Ket isu innalana, ken castamet ti arina, ken amin dagiti il-ilina; ket kinabilda ida iti tadem ti campilan, ket dinadaelda nga inkisap dagiti isu-amin a carcararua nga agnaed kencuana; isu awan ti tiniddana: no casano ti inaramidna iti Hebron, casta ti inaramidna iti Debir, ken iti arina; a cas iti inaramidna met iti Libna, ken iti arina.

Josue 15:13

Ket isu iniccanna ni Caleb nga anac a lalaki ni Jefone iti maysa nga apag cadagiti annac ni Juda, a cas mayannurot iti bilin ni Jehova ken Josue, iti met laeng Kiryat-arba, ni Arba nga isu idi ti ama ni Enac (nga isu met laeng ti Hebron).

Josue 15:54

Ken Humta, ken Kiryat-arba, (nga isu met laeng ti Hebron), ken Sior; siam nga il-ili agraman purpurocda.

Josue 20:7

Ket isuda dinutocanda ti Cades sadi Galilea idiay caturodan ti Neftali, ken ti Siquem idiay caturodan ti Efraim, ken ti Kiryat-arba (nga isu met la ti Hebron) idiay caturodan ti Juda.

Josue 21:11

Ket isuda intedda cadacuada ti Kiryat arba, ni Arbe nga isu idi ti ama ni Enac (nga isu met laeng ti Hebron), idiay caturodan ti Juda, agraman cabangibangna iti aglicmut kencuana.

Uk-ukom 1:10

Ket ti Juda napan a maibusor iti Cananeo nga agnaed iti Hebron (ti nagan ti Hebron idi unana a tiempo isu idi Kiryat-arba); ket kinabilda ni Sesai, ni Ahiman, ken ni Talmai.

1 Samuel 20:31

Ta bayat ti panagbiag ti anac ni Isai iti rabaw ti daga, sica dicanto mabangon, uray ti pagariam. Gapuna ita agbaonca, ket isu payegmo caniac, ta matayto a di bumurong.

1 Samuel 25:1

Ket ni Samuel natay; ket amin nga Israel naguornongda, ket isu dinung-awanda, ket isu intabonda idi balayna idiay Rama. Ket ni David timmacder ket simmalog agingga iti let-ang ti Faran.

1 Samuel 28:3

Ket idi ni Samuel natayen, ket amin nga Israel isu dinung-awanna, ket intabonda idiay Rama, iti ilina met laeng. Ket ni Saul pinagtalawna iti daga dagidiay mangcuculam ken dagiti managsalamangca.