Genesis 22:3 - Ti Biblia (1973)

³ Ket ni Abraham bimmangon a nasapa iti bigat ken sinillaanna ti asnona, ket incuyogna dagiti dua nga babbarona, ken ni Isaac nga anacna; ket nangputed iti cayo nga agpaay iti daton a mapuuran, ket timmacder, ket napan iti disso a ti Dios imbagana kencuana.

Ti Baro a Naimbag a Damag Biblia

³ Kabigatanna, nasapa nga insagana ni Abraham ti asnona. Nangbalsig iti kayo a pagpuorna iti daton. Kalpasanna, innalana ni Isaac ken ti dua nga adipenna ket napanda iti disso nga imbaga ti Dios.

Genesis 22:3 Iomraidhean Croise

Genesis 17:23

Ket ni Abraham innalana ni Ismael nga anacna, ken isu-amin a nayanac iti balayna, ken amin a nagatang iti piracna, amin a lallaki iti balay ni Abraham, ket kinugitna ida iti akinsango a cudilda iti daydiay met laeng nga aldaw, cas ti panangibaga idi ti Dios kencuana.

Genesis 21:14

Ket ni Abraham bimmangon a nasapa iti bigat, ket nangala iti tinapay ken maysa a lalat a pagyanan ti danum, ket intedna ida ken Agar nga impacaratayna iti abagana, ket intedna kencuana ti ubing ket pinapanawna: ket pimmanaw a namagpagna iti let-ang ti Beer-seba.

Genesis 22:18

Ket iti putotmo mabendicionanto isu-amin dagiti nasnacion ti daga; agsipud ta tinungpalmo ti timecco.

Genesis 22:2

Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.

Genesis 22:4

Iti maicatlo nga aldaw, ni Abraham intangadna dagiti matana, ket nakitana ti disso iti adayo.

Dagiti Salmo 119:60

Nagalallegac, ket diac nagtantan, a mangannurot cadagiti bilbilinmo.

Eclesiastes 9:10

Ti aniaman a masaracan ta imam nga aramiden, isu ti aramidem iti cabaelam; ta awan ti aramid, wenno, wenno gacat, wenno pannacaammo, wenno sirib, idiay Tanem, a papanam.

San Mateo 10:37

Ti agayat iti ama wenno ina a nangnangrona ngem siac saan a maicari caniac; ket ti agayat iti anac a lalaki wenno babai a nangnangrona ngem siac saan a maicari caniac.

San Lucas 14:26

No asinoman a tao ti umay caniac, ket dina guraen ni amana, ken ni inana, ken ni asawana ken dagiti annacna, ken dagiti cacabsatna a lallaki ken babbai, ken ti biagna met laeng, saan a macapagbalin nga adalac.

Taga-Galacia 1:16

Nga ipaltiing ti Anacna caniac, tapno isu icascasabac cadagiti Gentil, sigud a diac nagyuman iti lasag ken dara:

Hebreo 11:8

Gapu iti pammati ni Abraham, idi a naayaban, tapno mapan iti maysa a disso nga awatennanto a cas tawid, nugtulnog ket napan a dina ammo no adino ti pagturonganna.

Josue 3:1

Ket ni Josue bimmangon a nasapa iti bigat; ket immalisda nanipud Settim, ket immayda aginggana iti Jordan, isu, ken amin dagiti annac ti Israel; ket nagyanda sadiay iti sacbay ti ibaballasiwda.

Josue 8:10

Ket ni Josue bimmangon a nasapa iti bigat, ket inurnosna dagiti tattao, ket simmang-atda, isu ken dagiti lallacay ti Israel, iti sango dagiti tattao sadi Ai.